اسرائیل کا ایران پر حملہ بدترین دہشت گردی ہے: حافظ نعیم الرحمٰن
اشاعت کی تاریخ: 13th, June 2025 GMT
امیر جماعت اسلامی حافظ نعیم الرحمٰن —فائل فوٹو
امیر جماعت اسلامی حافظ نعیم الرحمٰن نے کہا ہے کہ اسرائیل کا ایران پر حملہ بدترین دہشت گردی ہے۔
امیرِ جماعتِ اسلامی پاکستان حافظ نعیم الرحمٰن نے حکومتِ پاکستان سے غزہ میں اسرائیلی بربریت پر مسلم حکمرانوں کی کانفرنس بلانے کا مطالبہ کر دیا۔
امیر جماعت اسلامی حافظ نعیم الرحمٰن نے ایران پر ہونے والے اسرائیلی حملوں کی مذمت کرتے ہوئے کہا ہے کہ اسرائیل کی دہشت گردی کا دائرہ بڑھ رہا ہے۔
حافظ نعیم الرحمٰن نے کہا ہے کہ امریکی سرپرستی میں اسرائیل کا آگ اور خون کا کھیل جاری ہے۔
.ذریعہ: Jang News
کلیدی لفظ: حافظ نعیم الرحم ن نے
پڑھیں:
صہیونی اسرائیل کو ایران پر حملے کا بدترین خمیازہ بھگتنا پڑیگا، آئی ایس او کراچی
احتجاجی مظاہروں سے خطاب کرتے ہوئے مقررین نے کہا کہ اسرائیلی جارحیت صرف ایک قوم یا حکومت پر نہیں بلکہ پوری مسلم اُمہ پر حملہ ہے، جسے کسی صورت برداشت نہیں کیا جا سکتا۔ اسلام ٹائمز۔ امامیہ اسٹوڈنٹس آرگنائزیشن پاکستان کے زیر اہتمام جمہوریہ اسلامی ایران پر صہیونی اسرائیلی دہشتگرد حملے کے خلاف بعد نماز جمعہ ملک بھر میں احتجاجی مظاہرے کیے گئے، بڑی تعداد میں شہریوں نے شرکت کرتے ہوئے اسرائیل و امریکا سے اظہار برأت کرتے ہوئے فلسطین و ایران سے مکمل یکجہتی کا اظہار کیا۔ کراچی کی مختلف جامع مساجد کے باہر احتجاجی مظاہروں سے خطاب کرتے ہوئے مقررین نے کہا کہ صہیونی اسرائیل نے جمہوری اسلامی ایران پر جو شب خون مارا ہے، ان شاء اللہ اسے اس کا بدترین خمیازہ بھگتنا پڑے گا، یہ حملہ صرف ایران پر نہیں بلکہ پوری امت مسلمہ اور انقلاب اسلامی پر حملہ ہے، دنیا بھر کے مظلومین اور مستضعفین اس وقت سوگوار ہیں، اور ایسے وقت میں امت مسلمہ پر فرض ہے کہ وہ تمام اختلافات کو پس پشت ڈال کر ایک ہو جائے اور صہیونی دشمن کے خلاف متحدہ محاذ قائم کرے۔
مقررین نے زور دیا کہ دشمن کے خلاف صف بستہ ہو کر کھڑا ہونا اب اولین فرض ہے، اسرائیلی جارحیت صرف ایک قوم یا حکومت پر نہیں بلکہ پوری مسلم اُمہ پر حملہ ہے، جسے کسی صورت برداشت نہیں کیا جا سکتا۔ مقررین نے کہا کہ ظالم صیہونیوں نے امریکی پشت پناہی سے آج دوبارہ بے گناہوں کے خون سے اپنے ہاتھوں کو آلودہ کیا ہے، صہیونی حملہ مغربی ایشیاء میں جنگ کی آگ بھڑکانے کے مترادف ہے۔ احتجاجی مظاہروں میں شریک عوام نے اسرائیلی مظالم کے خلاف نعرے لگائے اور فلسطین و ایران کے ساتھ مکمل یکجہتی کا اعلان کیا۔
ملک بھر میں عیدالاضحیٰ آج مذہبی عقیدت و احترام کے ساتھ منائی جا رہی ہے