پی آئی اے پائلٹ نے اسرائیل کی طرف داغے گئے ایرانی میزائلوں کی ویڈیو بنالی، سوشل میڈیا پر وائرل
اشاعت کی تاریخ: 16th, June 2025 GMT
ایران اور اسرائیل کے درمیان جاری کشیدگی کے دوران ایک غیرمعمولی واقعہ اُس وقت پیش آیا جب پاکستان انٹرنیشنل ایئرلائن (پی آئی اے) کی ایک مسافر پرواز بین الاقوامی فضائی حدود سے گزر رہی تھی، بالکل اُسی وقت جب ایرانی میزائل اسرائیل کی جانب محوِ پرواز تھے۔ فلائٹ کے کیپٹن نے فوری طور پر یہ مناظر اپنے موبائل کے کیمرے میں محفوظ کرلیے۔
میڈیا رپورٹس کے مطابق پی آئی اے کی یہ پرواز معمول کے مطابق اپنے بین الاقوامی روٹ پر گامزن تھی کہ اچانک پائلٹ کی نظر فضا میں روشنیوں کی ایک قطار پر پڑی، جو بعد ازاں واضح ہوا کہ وہ ایران کی جانب سے داغے گئے بیلسٹک میزائل تھے۔
یہ بھی پڑھیں ایرانی پارلیمنٹ میں ’پاکستان تشکر تشکر‘ کے نعروں کی گونج
پی آئی اے فلائٹ کے کیپٹن نے فوری طور پر اپنے موبائل فون سے اس نایاب منظر کو ویڈیو کی صورت میں محفوظ کر لیا۔ ویڈیو میں دیکھا جا سکتا ہے کہ رات کے اندھیرے میں آسمان پر ایک کے بعد ایک روشنی کی لکیریں بلند ہو رہی ہیں، جو مشرقِ وسطیٰ کی تیزی سے بدلتی ہوئی جنگی صورتِ حال کا عکس پیش کر رہی تھیں۔ یہ ویڈیو سوشل میڈیا پر تیزی سے وائرل ہوگئی ہے اور اسے تاریخی قرار دیا جا رہا ہے۔
ایرانی ابا بیل اور پی آئ اے ۔
کل جب ایرانی میزائل اپنی منزل اسرائیل کی طرف محو پرواز تھے تو اس وقت پی آئ اے کی فلائٹ بھی اس ایریا سے گزر رہی تھی۔ پی آئ اے فلائٹ کے کیپٹن نے اپنے فون سے ایرانی میزائلوں کی وڈیو بنائ۔ آپ بھی یہ تاریخی وڈیو دیکھیں۔ pic.
— Barrister Usman Cheema (@barristerCheema) June 16, 2025
ماہرین کا کہنا ہے کہ یہ ویڈیو نہ صرف جنگی صورتحال کی شدت کو ظاہر کرتی ہے بلکہ اس بات کی بھی غماز ہے کہ عالمی فضائی روٹس پر فوری نظرِ ثانی کی ضرورت ہے تاکہ مسافر طیارے کسی ممکنہ خطرے سے محفوظ رہ سکیں۔
ایران اور اسرائیل کے درمیان حالیہ دنوں میں کشیدگی اپنے عروج پر ہے، اور ایران کی جانب سے متعدد میزائل حملے اسرائیل کے مختلف شہروں کی طرف کیے گئے ہیں۔
یہ بھی پڑھیں ایرانی میزائل حملے میں تل ابیب میں امریکی سفارتخانے کو معمولی نقصان
پی آئی اے کے کیپٹن کی حاضر دماغی اور پروفیشنل اندازِ فکر نے نہ صرف ایک غیر معمولی لمحے کو محفوظ کر لیا، بلکہ یہ ویڈیو مستقبل میں فضائی تحفظ سے متعلق پالیسی ساز اداروں کے لیے بھی اہم شہادت بن سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایران اسرائیل کشیدگی بیلسٹک میزائل پی آئی اے پائلٹ جہاز کیپٹن سوشل میڈیا وائرل وی نیوز ویڈیو بنالی
ذریعہ
ذریعہ: WE News
کلیدی لفظ: ایران اسرائیل کشیدگی بیلسٹک میزائل پی ا ئی اے پائلٹ سوشل میڈیا وائرل وی نیوز ویڈیو بنالی ایرانی میزائل کے کیپٹن
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
بھارت سے جنگ اور افغانستان میں کارروائی خارج ازامکان نہیں، وزیردفاع