دکی، سکیورٹی فورسز کی کارروائی، دو دہشتگرد ہلاک، دو گرفتار
اشاعت کی تاریخ: 29th, June 2025 GMT
آئی ایس پی آر کے مطابق بلوچستان کے ضلع دکی میں سکیورٹی فورسز نے خفیہ اطلاعات پر کارروائی کی۔ جس دوران دو مبینہ دہشتگردوں کو ہلاک کر دیا گیا، جبکہ دو اسلحہ سمیت گرفتار ہوئے ہیں۔ اسلام ٹائمز۔ بلوچستان کے ضلع دکی میں سکیورٹی فورسز کے آپریشن میں دو مبینہ دہشتگرد ہلاک اور 2 گرفتار کر لئے گئے ہیں۔ اپنے بیان میں فوج کے شعبہ تعلقات عامہ کے مطابق بلوچستان کے ضلع دکی میں فورسز نے خفیہ اطلاعات پر کارروائی کی۔ جس دوران بھارت کے حمایت یافتہ دہشت گردوں کو نشانہ بنایا گیا۔ آئی ایس پی آر کے مطابق آپریشن میں "فتنہ الہندوستان" کے دو مبینہ دہشت گرد ہلاک کر دیئے گئے، جبکہ دو کو اسلحے سمیت گرفتار کرلیا گیا۔ سکیورٹی فورسز کی جانب سے علاقے میں کلیئرنس آپریشن بھی جاری ہے۔
.ذریعہ: Islam Times
کلیدی لفظ: سکیورٹی فورسز
پڑھیں:
خیبرپختونخوا : فورسز کی کارروائیوں میں مزید 24 دہشت گرد ہلاک
data-id="863a0a8" data-element_type="widget" data-widget_type="theme-post-content.default">
پشاور(مانیٹرنگ ڈیسک)سیکورٹی فورسز نے خیبرپختونخوا کے دو اضلاع میں کارروائیاں کرتے ہوئے بھارتی حمایت یافتہ دہشت گرد گروہ فتنہ الخوارج کے 24 خوارج کو ہلاک کردیا، دو روز میں مجموعی طور پر 36 دہشت گرد ہلاک ہوئے۔پاک فوج کے شعبہ تعلقات عامہ (آئی ایس پی آر) کی جانب سے جاری اعلامیے کے مطابق 16 اور 17 نومبر کو خفیہ اطلاعات کی بنیاد پر باجوڑ اور بنوں میں انسداد دہشت گردی کی دو بڑی اور کامیاب کارروائیاں کی گئیں۔ان کارروائیوں میں بھارتی پراکسی فتنہ الخوارج سے تعلق رکھنے والے 24 دہشتگردوں کو ہلاک کیا گیا۔اعلامیے کے مطابق باجوڑ میں خفیہ اطلاع پر سیکورٹی فورسز نے بروقت کارروائی کرتے ہوئے دہشتگردوں کے ٹھکانے کو نشانہ بنایا، جس کے نتیجے میں اہم سرغنہ سجاد عرف ابوزر سمیت 11 خوارج ہلاک ہوئے۔دوسری اسی نوعیت کی ایک اور کارروائی بنوں میں کی گئی، جس میں سیکورٹی فورسز نے مؤثر حکمت عملی کے تحت 12 مزید خوارج کو ٹھکانے لگایا۔آئی ایس پی آر کی جانب سے جاری اعلامیے کے مطابق مذکورہ علاقے میں سینیٹائزیشن آپریشن جاری ہے تاکہ کسی بھی بھارتی سرپرستی یافتہ دہشتگرد عناصر کو بھی ختم کیا جا سکے۔آئی ایس پی آر کا کہنا ہے کہ ’’عزمِ استحکام‘‘ کے تحت جاری ملک گیر انسدادِ دہشتگردی مہم پوری طاقت سے جاری ہے اور سیکورٹی فورسز، قانون نافذ کرنے والے ادارے ملک سے بیرونی حمایت یافتہ دہشتگردی کے مکمل خاتمے کے لیے پرعزم ہیں۔اس سے قبل 15 اور 16 نومبر کو سیکورٹی فورسز نے خیبرپختونخوا کے دو اضلاع میں کارروائیاں کرتے ہوئے فتنہ الخوارج کے 15 دہشت گردوں کو ہلاک کیا تھا۔پہلی کارروائی ضلع ڈیرہ اسماعیل خان کے علاقے کلاچی میں کی گئی، جس میں کراس فائرنگ کے نتیجے میں 10 خوارج ہلاک ہوئے ہلاک ہونے والوں میں گروہ کا سرکردہ کمانڈر عالم محسود بھی شامل تھا۔دوسری کارروائی شمالی وزیرستان کے علاقے دتہ خیل میں کی گئی، جس میں سیکورٹی فورسز نے مزید 5 دہشت گردوں کو ہلاک کر دیا۔
ستائیسویں ترمیم کی سینیٹ میں دوبارہ آمد، اجلاس کا شیڈول تبدیل