امید ہے جہانگیر خان جیسا عظیم کھلاڑی دوبارہ پیدا ہوگا، امریکی قونصل جنرل
اشاعت کی تاریخ: 29th, June 2025 GMT
کراچی: امریکا کے قونصل جنرل اسکاٹ اربوم نے کہا ہے کہ پاکستان میں ٹیلنٹ کی کوئی کمی نہیں، امید ہے کہ جہانگیر خان جیسا عظیم کھلاڑی دوبارہ پیدا ہوگا، اولمپک میں شمولیت سے اسکواش کو فروغ ملے گا۔
ایکسپریس نیوز کے مطابق پاکستان امریکن بزنس کونسل کے تعاون اور سندھ اسکواش ایسوسی ایشن کی جانب سے پی ایس ایف جہانگیر خان قومی جونیئر اینڈ ویمن اسکواش چیمپین شپ کی تقریب تقسیم انعامات کا انعقاد کیا گیا جس میں امریکی قونصل جنرل نے مہمان خصوصی کی حیثیت سے شرکت کی۔
امریکی قونصل جنرل نے کہا کہ پاکستان میں باصلاحیت اور اہل مرد و خواتین کی کوئی کمی نہیں،پاکستان امریکن بزنس کونسل کے تعاون سے ابھرتے ہوئے کھلاڑیوں کی حوصلہ افزائی کے لیے اسکواش مقابلوں کا انعقاد خوش آئند ہے۔
انہوں نے کہا کہ اسکواش لیجنڈ جہانگیر خان نے عظیم کارنامے انجام دے کر تاریخ رقم کی،لاس اینجلس اولمپکس 2028 کی میزبانی ملنا امریکا کے لیے اعزاز ہے، یہ امر قابل فخر ہے کہ پیرس اولمپکس 1900 کے بعد اب اگلے اولمپکس میں کرکٹ کو بھی شامل کیا گیا ہے۔
انہوں نے کہا کہ اسکواش کو اولمپک مقابلوں کا حصہ بنانے سے اس کھیل کو فروغ حاصل ہوگا، کھیل خواتین کو بااختیار بنانے میں اہم کردار ادا کرتے ہیں، میری بیٹیوں نے بھی فٹبال، ریسلنگ اور رگبی کھیل کر اپنی اہلیت اور صلاحیتوں کا اظہار کیا،امید ہے کہ پاکستان میں اسکواش میں ترقی کا عمل جاری رہے گا۔
امریکی قونصل جنرل نے کہا کہ پاکستان بتدریج اسکواش میں اپنا کھویا ہوا مقام دوبارہ حاصل کرنے کے لیے کوشاں ہے اور کراچی میں منعقدہ عالمی انڈر 23 اسکواش چیمپین شپ بھی اسی سلسلے کی ایک کڑی تھی۔
اسکواش لیجنڈ جہانگیر خان نے اپنے خیالات کا اظہار کرتے ہوئے کہا کہ میری کوشش ہوتی ہے کہ ابھرتے ہوئے کھلاڑیوں کی بہترین انداز میں رہنمائی کروں، سندھ اسکواش ایسوسی ایشن معیاری مقابلوں کا انعقاد کررہی ہے، اس کی اکیڈمیز میں کھلاڑیوں کو اچھی اوربہترین سہولیات فراہم کرکے تربیت کا سلسلہ جاری ہے۔
انہوں نے کہا کہ کھلاڑیوں کو بھی ان سہولیات کا فائدہ اٹھاتے ہوئے بھرپور محنت کرکے اچھے نتائج کے لیے کوشش کرنی چاہیے، میکڈونلڈ جیسے اداروں کی کھیلوں خاص طور پر اسکواش کے فروغ کے لیے اسپانسرشپ قابل تحسین عمل ہے۔
سندھ اسکواش ایسوسی ایشن کے صدراسد عدنان نے کہا کہ امریکن بزنس کونسل اورسندھ حکومت کی معاونت سے اکیڈمی میں مفت تعلیم اور تربیت کا سلسلہ جاری ہے، اچھے نتائج سامنے آنے شروع ہوگئے ہیں، میکڈونلڈ مرکزی اسپانسر ہونے کے ساتھ بھرپور معاونت اور سپورٹ فراہم کر رہا ہے۔
اُن کا کہنا تھا کہ کراچی کے بعد حیدراباد اور سکھر میں بھی اسکواش کے فروغ کے لیے اقدامات کیے جائیں گے۔
ویمن ایونٹ اپنے نام کرنے والی سابق قومی چیمپین سعدیہ گل نے کہا کہ چار سال بعد اسکواش کورٹ میں قدم رکھ کر ٹائٹل جیتنے پر بہت خوشی ہے، مستقبل میں قومی اوربین الاقوامی ایونٹس میں بھی شرکت کر کے پاکستان کا نام روشن کرنے کی کوشش کروں گی۔
میکڈونلڈ کے سی او او جمیل مغل نے کہا کہ کھیلوں اور دیگر مثبت سرگرمیوں کے فروغ میں اپنا قومی کردار ادا کرتے رہیں گے۔
.ذریعہ: Express News
کلیدی لفظ: امریکی قونصل جنرل جہانگیر خان کہ پاکستان نے کہا کہ کے لیے
پڑھیں:
جنگ مسلط کرنیوالوں کو اسی طرح جواب دینگے جیسا مئی میں دیا‘ فیلڈ مارشل
data-id="863a0a8" data-element_type="widget" data-widget_type="theme-post-content.default">
251117-01-22
اسلام آباد /راولپنڈی (مانیٹرنگ ڈیسک /صباح نیوز) چیف آف آرمی اسٹاف فیلڈ مارشل عاصم منیر نے کہا ہے کہ بھارت کے خلاف جنگ میں اللہ نے پاکستان کو سربلند کیا، پاکستان امن پسند ملک ہے، جنگ مسلط کرنے والوں کو اسی طرح جواب دیں گے جیسے مئی میں دیا تھا۔ ایوان صدر میں اردن کے بادشاہ کے اعزاز میں ظہرانے میں شرکت کے موقع پر فیلڈ مارشل عاصم منیر نے تقریب کے دوران غیر رسمی گفتگو کرتے ہوئے کہا کہ مسلمان جب اللہ پر بھروسہ کرتا ہے تو دشمن پر پھینکی مٹی کو بھی میزائل بنا دیتا ہے، اللہ کے حکم کے مطابق اپنے فرائض کی انجام دہی کرتا ہوں۔انہوں نے کہا کہ اللہ کے شکرگزار ہیں جس نے ہمیں فتح دلوائی، یہ کامیابی اللہ کی طرف سے ہے۔ فیلڈ مارشل نے غزوہ احد سے متعلق اظہار خیال کرتے ہوئے قرآنی آیات کا حوالہ بھی دیا۔ صدر مملکت آصف علی زرداری نے اردن کے شاہ عبداللہ کو اعلیٰ ترین سول ایوارڈ سے نوازا۔ صدر مملکت آصف علی زرداری اور شاہ عبداللہ دوم کی ملاقات ہوئی۔شاہِ اردن نے صدر آصف علی زرداری کو ’’وسامْ النّہضہ المرصّع‘‘ (آرڈر آف دی رینیسانس) سے نوازا، جو سربراہانِ مملکت اور معزز شخصیات کو دیا جاتا ہے۔تقریب میں اعلیٰ سول و عسکری حکام بشمول وزیر اعظم محمد شہباز شریف، فیلڈ مارشل سید عاصم منیر، ائر چیف مارشل ظہیر احمد بابر سدھو اور ایڈمرل نوید اشرف اور وفاقی کابینہ کے ارکان سمیت سفرا بھی موجود تھے۔ صدر آصف علی زرداری نے پاکستان اور اردن کے دیرینہ، برادرانہ تعلقات کو مزید مضبوط بنانے کے عزم کا اعادہ کیا جبکہ دونوں رہنماؤں نے دو طرفہ تعاون کو نئے شعبوں تک توسیع دینے پر اتفاق کیا۔ صدر مملکت اور شاہ عبداللہ دوم نے 2 ریاستی حل کے تحت آزاد، خودمختار اور قابلِ عمل فلسطینی ریاست کے قیام پر زور دیا۔ اردن کے بادشاہ شاہ عبداللہ دوم نے پاکستان کے دفاعی ادارے گلوبل انڈسٹریل اینڈ ڈیفنس سلوشنز کا دورہ کیا۔ (آئی ایس پی آر) کے مطابق شاہ عبداللہ دوم کے ہمراہ شہزادی سلمیٰ بنت عبداللہ سمیت سول و عسکری حکام کا اعلیٰ سطح وفد بھی موجود تھا۔ ترجمان پاک فوج کا کہنا تھا کہ دفاعی ادارے کے دورے کے موقع پر فیلڈ مارشل سیّد عاصم منیر نے شاہ اردن اور ان کے وفد کا گرم جوشی سے استقبال کیا اور تفصیلی بریفنگ دی جس میں پاکستان کی مقامی دفاعی پیداوار، تکنیکی جدت اور اردن کے ساتھ دوطرفہ دفاعی تعاون کے امکانات پیش کیے گئے۔بعد ازاں شاہ عبداللہ دوم نے ٹلہ فیلڈ فائرنگ رینجز کا بھی دورہ کیا، جس میں وزیراعظم شہباز شریف بھی موجود تھے، اس موقع پر آذربائیجان کے وزیر دفاعی صنعت نے بھی شرکت کی، اردن کے بادشاہ اور دیگر مہمانوں نے فائر کا مشاہدہ کیا۔ جس میں زمینی، فضائی اور ملٹی ڈومین آپریشنز کا عملی مظاہرہ کیا گیا، اردن کے بادشاہ نے جوانوں اور ہوائی عملے کی تربیت، پیشہ ورانہ مہارت اور عملی صلاحیتوں کی بھرپور تعریف کی۔اس موقع پر وزیراعظم شہباز شریف نے کہاکہ پاکستان اردن کے بادشاہ اور اردن کے عوام کے لیے گہرا احترام اور محبت رکھتا ہے، اور یہ دورہ دونوں ممالک کے دیرینہ تعلقات، باہمی اعتماد اور امن و ترقی کے مشترکہ مقصد کی عکاسی کرتا ہے۔ترجمان پاک فوج کا مزید کہنا تھا کہ دورے کے دوران فیلڈ مارشل سید عاصم منیر نے پاکستان اور اردن کے درمیان مضبوط دفاعی شراکت داری پر زور دیا اور مستقبل میں عسکری تعاون کو مزید بڑھانے کے عزم کا اعادہ کیا۔
اسلام آباد: صدر مملکت آصف علی زرداری ہاشمی سلطنت اردن کے فرمانرواشاہ عبداللہ دوم ابن الحسین کو نشان پاکستان سے نوازرہے ہیں،ان سیٹ میں اردن فرمانروا کوگلوبل انڈسٹریل اینڈ ڈیفنس سلوشنزکے دورے کے موقع پر پاک فوج کے افسر بریفنگ دے رہے ہیں
پاکستان ریلوے نے ٹرینوں کا نیا شیڈول جاری کردیا