شہدائے وطن کو سلام،لسبیلہ میں پاک فوج کے ہیلی کاپٹر حادثے کو 3 سال بیت گئے
اشاعت کی تاریخ: 2nd, August 2025 GMT
پاکستانی قوم آج بھی اُن جانباز سپاہیوں کو یاد کرتی ہے جو یکم اگست 2022 کو بلوچستان کے ضلع لسبیلہ میں پاک فوج کے ہیلی کاپٹر حادثے میں شہید ہوئے۔ اس حادثے کو تین برس بیت چکے ہیں، مگر اُن کی قربانیاں آج بھی قوم کے دلوں میں زندہ ہیں۔
پاکستانی تاریخ پاک فوج کی عوام کے لیے دی جانے والی بے لوث خدمات سے بھری پڑی ہے۔ جنگ ہو یا کوئی ناگہانی آفت، پاک فوج نے عوام کو کبھی مایوس نہیں کیا اور نہ ہی تنہا چھوڑا۔ ایسی ہی بے مثال عوامی خدمت کا مظاہرہ 2022 میں ملک میں آنے والے بدترین سیلاب کے دوران بھی دیکھا گیا، جب فوجی جوانوں نے زندگی خطرے میں ڈال کر لوگوں کی مدد کی۔
لیفٹیننٹ جنرل سرفراز علی شہید اُن افسروں میں شامل تھے جو یکم اگست 2022 کو خود لسبیلہ میں امدادی سرگرمیوں کا جائزہ لینے پہنچے تاکہ ریسکیو مشن میں تیزی لائی جاسکے۔ وہ خود اس مشن کی قیادت کر رہے تھے، مگر افسوس کہ خراب موسم کے باعث ہیلی کاپٹر حادثے کا شکار ہو گیا۔
اس افسوسناک حادثے میں لیفٹیننٹ جنرل سرفراز علی، بریگیڈیئر امجد حنیف، بریگیڈیئر محمد خالد، پائلٹ میجر سعید احمد، میجر محمد طلحہ اور نائیک مدثر فیاض جام شہادت نوش کر گئے۔ بریگیڈیئر امجد حنیف شہید کو حادثے سے کچھ عرصہ قبل ہی میجر جنرل کے عہدے پر ترقی دی گئی تھی۔
یہ حادثہ نہ صرف فوج بلکہ پوری قوم کے لیے ایک ناقابلِ فراموش دکھ کا لمحہ تھا۔ ہر آنکھ اشک بار تھی اور ملک کی فضا کئی دن تک سوگوار رہی۔
لیفٹیننٹ جنرل سرفراز علی شہید ایک انتہائی پروفیشنل اور باصلاحیت افسر تھے، جنہوں نے پاک فوج میں مختلف اہم عہدوں پر خدمات انجام دیں۔ نومبر 2020 میں انہیں تھری اسٹار جنرل کے عہدے پر ترقی دی گئی، اور دسمبر 2020 میں وہ کور کمانڈر کوئٹہ تعینات ہوئے۔
یہ عظیم شہداء اس بات کی روشن مثال ہیں کہ پاک فوج ہمیشہ ملک و قوم کی ہر مشکل گھڑی میں ہر ممکن مدد کے لیے تیار رہی ہے اور رہے گی، اور کسی بھی قربانی سے کبھی دریغ نہیں کرے گی۔
Tagsپاکستان.
ذریعہ: Al Qamar Online
پڑھیں:
پاک فوج میں جدید ہیلی کاپٹر شامل، سید عاصم منیر کا سول ملٹری ہم آہنگی کی اہمیت پر زور
پاکستان آرمی ایوی ایشن میں شامل ہونے والا نیا ہیلی کاپٹر جدید ترین ہے، ہر موسم میں اور رات کے کسی بھی وقت درست نشانہ لگانے کی صلاحیت رکھتا ہے، یہ ہیلی کاپٹر جدید ریڈار، الیکٹرانک وارفیئر اور نائٹ سٹرائیک کی صلاحیت سے لیس ہے۔ اسلام ٹائمز۔ فیلڈ مارشل سید عاصم منیر نے قومی خودمختاری اور علاقائی سالمیت کے تحفظ کے لیے پاک فوج کے غیر متزلزل عزم کا اعادہ کرتے ہوئے قومی اتحاد اور سول ملٹری ہم آہنگی کی اہمیت پر زور دیا ہے۔ پاک فوج کے شعبہ تعلقات عامہ کے مطابق فیلڈ مارشل سید عاصم منیر نے ملتان گیریژن کا دورہ کیا، کور کمانڈر ملتان نے ان کا پرتپاک استقبال کیا، کور ہیڈکوارٹرز میں فارمیشن کی آپریشنل تیاریوں اور جاری تربیتی سرگرمیوں پر بریفنگ دی گئی جس پر فیلڈ مارشل نے تیاری کے اعلیٰ معیار پر اظہارِ اطمینان کیا، جوانوں کے غیر معمولی حوصلے، پیشہ ورانہ مہارت اور جنگی مہارت کی تعریف کی۔ آئی ایس پی آر کے مطابق فیلڈ مارشل نے ملتان چھاؤنی میں ممتاز ماہرینِ تعلیم اور سول سوسائٹی کے اراکین سے بھی ملاقات کی اور قومی یکجہتی، سول ملٹری ہم آہنگی اور ہائبرڈ خطرات کا مقابلہ کرنے اور معاشرتی ہم آہنگی کو فروغ دینے کے لیے مکمل قومی حکمتِ عملی کی اہمیت پر زور دیا۔
فوجی دستوں سے خطاب میں فیلڈ مارشل نے قومی خودمختاری اور علاقائی سالمیت کے تحفظ کے لیے پاک فوج کے غیر متزلزل عزم کا اعادہ کیا کہ پاکستان کی قومی خودمختاری اور علاقائی سلامتی کا ہر قیمت پر دفاع کیا جائے گا۔ انہوں نے کہا کہ موجودہ دور کے ہائبرڈ خطرات سے نمٹنے کے لیے پوری قوم کا متحد ہونا ناگزیر ہے، پاک فوج بدلتے ہوئے جنگی ماحول میں بھی فیصلہ کن برتری برقرار رکھنے کے لیے پوری طرح تیار ہے۔ انہوں نے پاک فوج کی جانب سے جاری تربیتی سرگرمیوں کو قابلِ فخر قرار دیتے ہوئے کہا کہ یہ تیاری دشمن کو منہ توڑ جواب دینے کی صلاحیت کو مزید مضبوط بناتی ہے۔
پاک فوج کے شعبہ تعلقات عامہ کے مطابق فیلڈ مارشل سید عاصم منیر نے پاکستان آرمی ایوی ایشن میں شامل ہونے والے جدید ترین حملہ آور ہیلی کاپٹروں Z-10ME اٹیک ہیلی کاپٹرز کی انڈکشن تقریب کی صدارت کی اور مظفر گڑھ فیلڈ فائرنگ رینجز میں نئے شامل کیے گئے Z-10ME ہیلی کاپٹرز کی فائر پاور صلاحیت کا مشاہدہ بھی کیا۔
پاکستان آرمی ایوی ایشن میں شامل ہونے والا نیا ہیلی کاپٹر جدید ترین ہے، ہر موسم میں اور رات کے کسی بھی وقت درست نشانہ لگانے کی صلاحیت رکھتا ہے، یہ ہیلی کاپٹر جدید ریڈار، الیکٹرانک وارفیئر اور نائٹ سٹرائیک کی صلاحیت سے لیس ہے۔ یہ بھی بتایا گیا کہ اس جدید نظام کی شمولیت ایوی ایشن کو جدید خطوط پر استوار کرنے کی جانب ایک اہم سنگِ میل ہے، یہ ہیلی کاپٹر فضائی اور زمینی اہداف کے خلاف فوج کی کارروائیوں کی صلاحیت میں نمایاں اضافہ کرے گا۔
سعودی عرب: ٹریفک حادثے 7 پاکستانی عمرہ زائرین جاں بحق