واٹس ایپ کا منفرد فیچر متعارف، صارفین گروپ چیٹ میں اسٹیٹس شیئر کرسکیں گے
اشاعت کی تاریخ: 4th, August 2025 GMT
واٹس ایپ نے صارفین کی سہولت کے لیے ایک اہم اور منفرد فیچر متعارف کرایا ہے جس کے تحت اب گروپ چیٹس میں براہ راست اسٹیٹس اپڈیٹ شیئر کیا جاسکے گا۔ اس فیچر کا مقصد گروپ کے اندر فوری پیغام رسانی اور اعلانات کو مؤثر اور منظم بنانا ہے۔
یہ نیا فیچر واٹس ایپ کے اینڈرائیڈ بیٹا ورژن 2.25.22.11 میں شامل کیا گیا ہے اور ابتدائی طور پر یہ گوگل پلے بیٹا پروگرام میں شامل چند مخصوص صارفین کے لیے دستیاب ہے۔ فیچر کے تحت اب صارفین کسی بھی واٹس ایپ گروپ کے اندر موجود انفارمیشن اسکرین سے ایک خاص اسٹیٹس اپڈیٹ تیار کر سکتے ہیں، جو صرف اسی گروپ کے تمام ممبران کو دکھائی دے گا۔ یہ اپڈیٹ نہ تو کسی مخصوص فرد کو ٹیگ کرنے کی ضرورت رکھتا ہے اور نہ ہی اس کے لیے الگ سے اطلاع بھیجنے کی۔
یہ بھی پڑھیں: واٹس ایپ کا مس کالز کی یاددہانی کے لیے مفید فیچر متعارف
اس سے قبل واٹس ایپ اسٹیٹس صرف مخصوص منتخب کانٹیکٹس کے ساتھ شیئر کیے جاسکتے تھے، تاہم یہ نیا فیچر انفرادی گروپس کے اندر اطلاعات کے تبادلے کو زیادہ واضح اور مؤثر بنا دے گا۔ اسٹیٹس پوسٹس، عام اسٹیٹس کی طرح، چوبیس گھنٹے بعد خود بخود غائب ہو جائیں گی، جس سے گروپ چیٹ کا ماحول غیر ضروری پیغامات سے محفوظ رہے گا۔
واٹس ایپ کے مطابق صارفین یہ گروپ اسٹیٹس اپڈیٹس دو مقامات سے دیکھ سکتے ہیں۔ یا تو براہ راست گروپ کے آئیکون پر کلک کر کے، یا پھر عمومی اسٹیٹس اپڈیٹس کے ٹیب میں، جہاں ہر گروپ کی پوسٹ الگ سے اور واضح طور پر ظاہر کی جائے گی۔ ان اسٹیٹسز کو صرف وہی افراد دیکھ سکیں گے جو اس مخصوص گروپ کا حصہ ہوں گے۔
یہ بھی پڑھیں: پہلی بار بات چیت میں الجھن کا توڑ، واٹس ایپ نے ’ویو ایموجی‘ متعارف کرا دیا
واٹس ایپ نے اس نئے فیچر کے بارے میں یہ بھی تصدیق کی ہے کہ ان گروپ اسٹیٹس اپڈیٹس کو مکمل اینڈ ٹو اینڈ انکرپشن کے ذریعے محفوظ رکھا جائے گا، جس کا مطلب ہے کہ ان کی رازداری اور سکیورٹی پہلے کی طرح برقرار رہے گی۔
یہ نیا اضافہ خاص طور پر ان گروپ چیٹس کے لیے اہم قرار دیا جا رہا ہے جہاں بڑی تعداد میں لوگ شامل ہوتے ہیں اور اہم اعلانات یا پیغامات عام گفتگو میں دب کر رہ جاتے ہیں۔ اب ایسے تمام پیغامات کو اسٹیٹس کی صورت میں نمایاں طور پر پیش کیا جاسکے گا اور وہ مخصوص مدت کے بعد خود بخود غائب ہو جائیں گے۔
یہ بھی پڑھیں: واٹس ایپ کا کوئیک ری کیپ فیچر کیا ہے؟
فی الوقت یہ فیچر آزمائشی مرحلے میں ہے اور محدود صارفین کو دستیاب ہے، تاہم جلد ہی توقع کی جا رہی ہے کہ کمپنی اسے تمام صارفین کے لیے جاری کر دے گی۔ واٹس ایپ کی جانب سے یہ ایک اور قدم ہے جو صارفین کے درمیان بہتر رابطہ، معلومات کی ترسیل اور پرائیویسی کو یقینی بنانے کے لیے اٹھایا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسٹیٹس شیئر گروپ چیٹ میٹا واٹس ایپ.
ذریعہ
ذریعہ: WE News
کلیدی لفظ: اسٹیٹس شیئر گروپ چیٹ میٹا واٹس ایپ واٹس ایپ گروپ کے کے لیے یہ بھی
پڑھیں:
بجلی صارفین متوجہ ہوں،اہم اعلان سامنے آگیا
اسلام آباد (نیوز ڈیسک) وفاقی وزیر توانائی اویس لغاری نے کہا ہے کہ بجلی کے مجموعی بلوں میں کمی ہوئی ہے تاہم یہ درست ہے کہ فکسڈ چارجز دوگنا ہو گئے ہیں۔ سبسڈی ملتی رہی تو بجلی کی قیمت میں 5 سے 6 روپے فی یونٹ کمی کرتا رہوں گا۔ آنے والے دنوں میں دوپہر کے وقت شمسی توانائی سے کم نرخوں پر بجلی فروخت کی جائے گی۔
نجی ٹی وی سے گفتگو کرتے ہوئے اویس لغاری نے کہا کہ جب مفتاح اسماعیل خود وزیر تھے تو 18 ہزار میگاواٹ خریدنے جا رہے تھے، ہم صرف 9 ہزار میگاواٹ خریدنے جا رہے ہیں، جس کی تفصیلات موجود ہیں۔ مجھے نہیں معلوم مفتاح اسماعیل کے پاس 26000 میگاواٹ کا اعداد و شمار کہاں سے آیا۔ اس اعداد و شمار میں نیٹ میٹرنگ بھی شامل ہے، جس پر کوئی صلاحیت کی ادائیگی نہیں کی جا رہی ہے۔
اویس لغاری نے کہا کہ جولائی 2025 سے اب تک بجلی کی کھپت میں 8 سے 9 فیصد اضافہ ہوا ہے جب کہ گزشتہ 9 سے 10 ماہ میں بجلی کی کھپت میں تقریباً 7 سے 9 فیصد اضافہ ہوا ہے۔ بجلی کی کھپت بڑھ گئی ہے جو نیپرا کی ویب سائٹ پر دیکھی جا سکتی ہے۔ جب میں وزارت میں آیا تو اس میں سے 9 ہزار میگاواٹ لی۔ بقیہ 9000 میگاواٹ بجلی داسو اور بھاشا سے خریدی جائے گی۔ اس 9,000 میگاواٹ میں 1,200 میگاواٹ کا ایٹمی پلانٹ بھی شامل ہے۔
وفاقی وزیر کے مطابق میں نے پاور ڈویژن کے اخراجات آدھے اور ڈسکوز کے نقصانات کو کم کیا ہے۔ اس سال ڈسکوز کے نقصانات کو 586 ارب روپے سے کم کر کے 300 ارب روپے کر دوں گا۔ میں نے ٹیکس دہندگان کا پیسہ آدھا کر دیا ہے جو ہمارے فضول خرچیوں پر استعمال ہو رہا تھا۔ اگر سبسڈی جاری رہی تو بجلی کی قیمت میں 4، 5 سے 6 روپے کمی کرتا رہوں گا، میں نے ٹیکس دہندگان کے 600 ارب روپے بچائے ہیں۔
مزید پڑھیں۔روس کے کیف سمیت مختلف یوکرینی شہروں پر شدید حملے، 18 افراد ہلاک، 100 سے زائد زخمی
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ