59 سالہ ذاکر نائیک کا 430 فٹ بلندی سے بنجی جمپ کا حیرت انگیز مظاہرہ؛ ویڈیو وائرل
اشاعت کی تاریخ: 4th, August 2025 GMT
انڈٖونیشیا کے شہر بالی کے خوبصورت ترین سیاحتی مقام پر ممتاز اسلامی اسکالر اور تقابل ادیان کے ماہر ڈاکٹر ذاکر نائیک نے قدرے خطرناک اور حیرت انگیز کرتب کرکے اپنے فالورز کو حیران کردیا۔
عالمی خبر رساں ادارے کے مطابق انڈونیشیا کے مشہور سیاحتی جزیرے نوسا پینیڈا کے ساحل ٹرٹل بیچ پر فطری حسن اور مہم جو سرگرمی ایک ساتھ دیکھنے کو ملی۔
یہ مہم جو کوئی اور نہیں بلکہ عالمی شہرت رکھنے والے اسکالر 59 سالہ ڈاکٹر ذاکر نائیک نے مکمل مہارت اور تمام تر حفاظتی اقدامات کے ساتھ پُر اعتماد انداز میں انجام دی۔
ڈاکٹر ذاکر نائیک نے جس بلندی سے بنجی جمپ لگانے کا مظاہرہ کیا وہ 430 فٹ اونچی تھی۔ وہ کافی دیر ہوا میں معلق رہے گویا فضاؤں میں تیر رہے ہوں۔ وہ اپنی ویڈیو بھی بناتے رہے۔
https://www.facebook.com/zakirnaik/videos/1772131944184979/?rdid=cx3R3F3kwoRDN3Bn&share_url=https%3A%2F%2Fwww.facebook.com%2Fshare%2Fv%2F16yq3AXVdv%2F
ڈاکٹر ذاکر نائیک نے اس حیرت انگیز عمل کی ویڈیو اپنے سوشل میڈیا پلیٹ فارمز پر اپ لوڈ بھی کی جہاں ان کی ہمت اور اعتماد کو داد و تحسین ملی۔
یاد رہے کہ یہ پہلی بار نہیں جب ڈاکٹر ذاکر نائیک نے بنجی جمپنگ کی ہو۔ ایک سال قبل وہ یوگنڈا میں 165 فٹ بلند مقام سے یہ مظاہرہ کر چکے ہیں۔
یہ خبر بھی پڑھیں : ذاکر نائیک کا 165 فٹ بلندی سے ’بنجی جمپ‘ کا حیران کن مظاہرہ
تاہم اس بار تو ذاکر نائیک نے تقریباً تین گنا زیادہ بلندی سے بنجی جمپنگ کی جس کا مطلب ہے انھوں نے اپنے اہداف کا تعین بہت سوچ بچار کے بعد کیا ہے اور وہ اسے مکمل بھی کرتے جا رہے ہیں۔
ذریعہ: Express News
کلیدی لفظ: ڈاکٹر ذاکر نائیک نے
پڑھیں:
بہادر گائے نے جان پر کھیل کر اپنی ساتھی کو چیتے کا شکار بننے سے بچایا، ویڈیو وائرل
بھارتی ریاست راجستھان کے ایک جنگلی علاقے میں پیش آنے والا ایک واقعہ جنگل کے قانون اور فطری زندگی کی بے رحمی کو نہ صرف ظاہر کرتا ہے بلکہ جانوروں میں پائی جانے والی وفاداری اور ہمت کی ایک شاندار مثال بھی بن گیا ہے۔ یہ واقعہ سفاری پر موجود چند افراد کی موجودگی میں پیش آیا، جنہوں نے اسے کیمرے میں محفوظ کر کے سوشل میڈیا پر شیئر کر دیا۔ ویڈیو کے منظرعام پر آتے ہی نہ صرف یہ وائرل ہو گئی بلکہ دیکھنے والوں کو حیرت میں ڈال دیا۔
یہ بھی پڑھیں: بہن کو بچانے کے لیے مگرمچھ سے بھڑجانے والی بہادر برطانوی خاتون کا دلچسپ قصہ
واقعے کی تفصیلات کے مطابق ایک چراگاہ میں 2 گائیں گھاس چر رہی تھیں کہ اسی دوران ایک چیتا جھاڑیوں سے نکل کر اچانک ایک گائے پر جھپٹ پڑا۔ چیتے نے برق رفتاری سے گائے کی گردن دبوچ لی اور اسے زمین پر گرانے کی کوشش کرنے لگا، ایسا لگ رہا تھا کہ گائے اب چیتے کا شکار بننے ہی والی ہے۔ لیکن اسی لمحے وہاں موجود دوسری گائے نے غیر معمولی جرأت کا مظاہرہ کرتے ہوئے چیتے پر حملہ کردیا۔
मेरी प्यारी मां!
गाय के बछड़े को गर्दन से पैंथर ने दबोचा तो बचाने मां दौड़ी। फिर क्या था, खुद देखिए।
???? बाली, पाली pic.twitter.com/K9MVH7qqKm
— Arvind Sharma (@sarviind) August 1, 2025
چیتے نے پوری طاقت سے گائے کو گھسیٹ کر جنگل میں لے جانے کی کوشش کی، اس دوران ایک گائے چیتے کی جانب دوڑتی ہوئی آتی ہے تو چیتا اس کو اپنی طرف آتا دیکھ کر بھاگ جاتا ہے۔
یہ بھی پڑھیں: گائے کو برگر کھلانے کی ویڈیو وائرل، ’بعد میں ہم ان کا برگر کھائیں گے‘
یہ ویڈیو چند گھنٹوں کے اندر اندر ایک لاکھ 25 ہزار سے زائد مرتبہ دیکھی جا چکی ہے۔ صارفین کی جانب سے گائے کی بہادری کو سراہتے ہوئے تبصرے کیے جا رہے ہیں۔ بعض صارفین نے کہا کہ یہ منظر ہمیں یہ سکھاتا ہے کہ جانور بھی اپنے ساتھیوں کے لیے جان کی بازی لگا سکتے ہیں، اور یہ صرف انسانوں کی خصوصیت نہیں۔
ویڈیو کے کیپشن میں کہا گیا ’جب چیتے نے بچھڑے کو گردن سے دبوچا، ماں فوراً بچانے دوڑی، پھر کیا ہوا، خود دیکھیں۔‘
جنگلی حیات کے ماہرین کے مطابق چیتے عام طور پر تنہا شکار کرتے ہیں اور گائے جیسا جانور ان کا روایتی شکار نہیں ہوتا، لیکن جب موقع ملے تو وہ حملہ کرنے سے گریز نہیں کرتے۔
یہ بھی پڑھیں: کتے کی وفاداری اور جنگل کا قانون
یہ کوئی پہلا موقع نہیں کہ راجستھان کے جنگلات میں چیتے یا بلیک پینتھر کی موجودگی دیکھی گئی ہو۔ گزشتہ ماہ بھارتی محکمہ جنگلات کے افسر پروین کسوان کی جانب سے نلگری کے سبز پہاڑی علاقوں میں ایک ویڈیو شیئر کی گئی تھی، جس میں ایک کالا چیتا دو عام تیندوں کے ساتھ سڑک پر چہل قدمی کرتا دکھائی دیا۔ بعدازاں وضاحت دی گئی کہ کالا چیتا دراصل تیندوا ہی ہوتا ہے جس میں میلینزم نامی موروثی خصوصیت کے باعث جسم پر سیاہی چھا جاتی ہے، لیکن بعض روشنیوں میں ان کے دھار دار نشان بھی دیکھے جاسکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت بہادری چیتا راجھتسان گائے
نوازشریف کی زیر صدارت اجلاس، سیاسی صورتحال پر مشاورت، اہم فیصلے