ٹرمپ اور پیوٹن کے تعلقات میں اتار چڑھاؤ کے بعد تاریخی ملاقات الاسکا میں ہوگی
اشاعت کی تاریخ: 9th, August 2025 GMT
امریکی صدر ڈونلڈ ٹرمپ نے اعلان کیا کہ وہ 15 اگست کو الاسکا میں روسی صدر ولادیمیر پیوٹن سے ملاقات کریں گے، تاکہ روس کی یوکرین کیخلاف 4 سال سے جاری جنگ کے خاتمے کے منصوبے پر بات کی جا سکے۔
صدر ٹرمپ نے اپنی سوشل میڈیا سائٹ ٹروتھ سوشل پر لکھا کہ امریکا کے صدر کی حیثیت سے ان کی اور روسی صدر ولادیمیر پیوٹن کی طویل عرصے سے متوقع ملاقات آئندہ جمعہ یعنی 15 اگست کو ریاست الاسکا میں ہوگی۔ ’مزید تفصیلات بعد میں جاری کی جائیں گی، اس معاملے پر توجہ دینے کا شکریہ۔‘
یہ بھی پڑھیں:
روسی صدر پیوٹن نے آخری بار 2021 میں کسی امریکی صدر سے ملاقات کی تھی، جب وہ جینیوا میں صدر جو بائیڈن سے ملے تھے، صدر ٹرمپ اور صدر پیوٹن کی آخری ملاقات 2019 میں جاپان کے شہر اوساکا میں جی20 اجلاس کے دوران ہوئی تھی۔
اس سے قبل صدر ٹرمپ نے صحافیوں کو بتایا تھا کہ جنگ کے خاتمے کے کسی بھی معاہدے میں کچھ علاقوں کا تبادلہ شامل ہوگا۔ ’یہ معاملہ بہت پیچیدہ ہے لیکن ہم کچھ علاقے واپس لیں گے اور کچھ کا تبادلہ ہوگا، اس میں دونوں کے لیے بہتری ہوگی، لیکن اس پر بات یا تو بعد میں یا کل ہوگی۔‘
مزید پڑھیں:
یہ ملاقات ایک ایسے وقت میں طے پائی ہے جب گزشتہ مہینوں میں صدر ٹرمپ اور صدر پیوٹن کے تعلقات میں اتار چڑھاؤ دیکھنے میں آیا ہے، صدر ٹرمپ نے اقتدار سنبھالتے وقت دعویٰ کیا تھا کہ وہ جلد جنگ ختم کر دیں گے، اور صدر پیوٹن سے اپنے تعلقات کی بنیاد پر امن معاہدہ کرنے میں کامیاب ہوں گے۔
مہینوں تک انہوں نے صدر پیوٹن پر زیادہ دباؤ ڈالنے سے گریز کیا تاکہ امن کے راستے میں رکاوٹ نہ آئے۔ تاہم حالیہ دنوں میں روس کے یوکرین پر بڑھتے حملوں کے بعد ٹرمپ کا رویہ سخت ہوا ہے، انہوں نے ماسکو پر مزید سخت پابندیوں اور روسی تیل کے اہم خریدار بھارت پر بھاری محصولات عائد کرنے کی دھمکی دی ہے۔
مزید پڑھیں:
6 اگست کو صدر ٹرمپ کے ایلچی اسٹیو وٹکوف نے ماسکو میں صدر پیوٹن سے ملاقات کی، جس کے بعد صدر ٹرمپ نے پیش رفت کا عندیہ دیا تھا، ان کا کہنا تھا کہ اس بات کا اچھا امکان ہے کہ ہم اس طویل سفر کے اختتام کے قریب پہنچ رہے ہیں۔ ’یہ سفر طویل تھا اور اب بھی جاری ہے، لیکن قوی امکان ہے کہ جلد ملاقات ہوگی۔‘
یوکرین اور یورپ کے حکام نے ماسکو پر الزام لگایا ہے کہ وہ جنگ بندی میں تاخیر کر رہا ہے، جبکہ روسی فوج مشرقی یوکرین میں اپنی پیش قدمی جاری رکھے ہوئے ہے، یوکرین نے بھی روس کے اندر گہرائی تک ڈرون حملے کیے ہیں۔
مزید پڑھیں:
مئی میں روسی اور یوکرینی حکام نے برسوں بعد پہلی براہِ راست امن بات چیت ترکی میں کی تھی، لیکن صدر پیوٹن اس میں شریک نہیں ہوئے، اس وقت صدر ٹرمپ نے کہا تھا کہ ان کے خیال میں مسئلہ صرف ان کی اور صدر پیوٹن کی براہِ راست ملاقات سے حل ہو سکتا ہے۔
’چاہے آپ کو یہ پسند ہو یا نہ ہو، کچھ نہیں ہونے والا جب تک ہم دونوں اکٹھے نہیں بیٹھتے لیکن ہمیں اسے حل کرنا ہوگا، کیونکہ بہت سے لوگ مر رہے ہیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیو وٹکوف الاسکا امریکا روس صدر پیوٹن صدر ٹرمپ یوکرین.ذریعہ: WE News
کلیدی لفظ: اسٹیو وٹکوف الاسکا امریکا صدر پیوٹن یوکرین اور صدر پیوٹن تھا کہ
پڑھیں:
پاک سعودیہ دفاعی تعاون معاہدے نے تاریخی تعلقات کو نئی جہت دی: محسن نقوی
اسلام آباد (نیوزڈیسک) وفاقی وزیر داخلہ محسن نقوی نے کہا ہے کہ پاک سعودیہ دفاعی تعاون معاہدے نے تاریخی تعلقات کو نئی جہت دی ہے، دفاعی، اقتصادی اور ثقافتی شراکت داری نے باہمی تعلقات کو نئی بلندیوں تک پہنچایا ہے۔
وزیر داخلہ محسن نقوی نے سعودی عرب کے قومی دن پر شاہ سلمان بن عبدالعزیز، ولی عہد محمد بن سلمان، شاہی خاندان اور سعودی عوام کو مبارکباد دی۔
اس موقع پر محسن نقوی کا کہنا تھا کہ سعودی قیادت، سعودی سفیر اور عوام کیلئے خیر سگالی اور نیک خواہشات کا اظہار کرتا ہوں، ولی عہد محمد بن سلمان کی ولولہ انگیز قیادت میں سعودی عرب نے ترقی کے سنگ میل عبور کئے ہیں۔
انہوں نے کہا کہ سعودی عرب کی ترقی پاکستان کیلئے فخر اور حوصلے کا باعث ہے، اسلام اور مسلمانوں کی خدمت کیلئے سعودی عرب کے شاہی خاندان کی خدمات کو فراموش نہیں کیا جا سکتا، پاک سعودیہ تعلقات دو بھائیوں کی وہ مقدس میراث ہے جو دلوں کی گہرائیوں سے جڑی ہوئی ہے، ایک دوسرے کیلئے قربانی، وفا اور خلوص کے رشتے نے اس دوستی کو ہر آزمائش میں سرخرو کیا ہے۔
وفاقی وزیر داخلہ کا کہنا تھا کہ پاکستان اور سعودی عرب کا روحانی و ثقافتی تعلق جغرافیے سے ماورا ہے، سعودی حکومت نے ہر موقع پر پاکستان کے ساتھ بے لوث دوستی کا ثبوت دیا ہے، چاہے قدرتی آفات ہوں یا عالمی چیلنجز۔
محسن نقوی نے کہا کہ پاکستان اور سعودی عرب کے مابین گہرے اور دیرینہ تعلقات ہمیشہ قائم و دائم رہیں گے، پاکستانی قوم سعودی عرب کی سلامتی، استحکام اور خوشحالی کیلئے دل کی گہرائیوں سے دعاگو ہے۔
Post Views: 1
مٹ جائے گی مخلوق تو انصاف کروگے؟