مودی کے پاس استعفے یا کنٹرولڈ آپریشن کا آپشن، اب کی بار پہلے سے زیادہ سخت جواب ملےگا، وزیراعظم آزاد کشمیر
اشاعت کی تاریخ: 12th, August 2025 GMT
وزیراعظم آزاد کشمیر چوہدری انوارالحق نے کہا ہے کہ مسلح افواج پاکستان نے حالیہ جنگ میں بھارت کو منہ توڑ جواب دیا ہے، دشمن اب بھی کوئی مس ایڈونچر کر سکتا ہے لیکن اب کی بار پہلے سے زیادہ ذلت اٹھانا پڑےگی۔
’وی نیوز‘ کو خصوصی انٹرویو دیتے ہوئے وزیراعظم آزاد کشمیر چوہدری انوارالحق نے کہاکہ مئی میں ہونے والی جنگ میں بھارت کو ہزیمت اٹھانا پڑی اور اب 3 ماہ بعد بھارتی ایئر چیف کو یاد آیا ہے کہ انہوں نے بھی پاکستان کے طیارے گرائے تھے، جو بوکھلاہٹ کا ثبوت ہے۔
یہ بھی پڑھیں: بھارت کو جواب دینے کے لیے لائن آف کنٹرول عبور کرنی پڑی تو کرجائیں گے، وزیراعظم آزاد کشمیر
چوہدری انوارالحق نے کہاکہ پاکستان نے بھارت کو ہر محاذ پر شکست دی، جس کے بعد لوک سبھا میں ہونے والی بحث میں کانگریس سمیت دیگر سیاسی پارٹیوں نے مودی کے بیانیے کے بخیے ادھیڑ دیے ہیں۔
انہوں نے کہاکہ اب مودی کے پاس دو ہی آپشن ہیں کہ وہ اخلاقی جرات کا مظاہرہ کرتے ہوئے استعفیٰ دے دیں، یا دوسرے آپشن کے طور پر وہ کوئی کنٹرولڈ آپریشن کرنے کی کوشش کرسکتے ہیں، لیکن مسلح افواج پاکستان سمیت پوری قوم بھارت کے کسی بھی مس ایڈونچر کا جواب دینے کے لیے پوری طرح سے تیار ہے۔
چوہدری انوارالحق نے کہاکہ ڈی جی آئی ایس پی آر لیفٹیننٹ جنرل احمد شریف چوہدری واضح کر چکے ہیں کہ اس بار ہم بھارت میں گہرائی سے حملہ کریں گے۔
’کشمیری بھارت کی دہشتگرد فوج کے خلاف برسرپیکار ہیں‘انہوں نے کہاکہ میں بحیثیت وزیراعظم یہ کہہ چکا ہوں کہ بھارت بلوچستان میں جو کچھ کررہا ہے اگر یہ بند نہ کیا تو اندر گھس کر مارا جائےگا۔
ایک سوال کے جواب میں انہوں نے کہاکہ بحیثیت مسلمان اور کشمیری ہم پر جہاد لازم ہے، پاکستان ہماری سیاسی، سفارتی، اخلاقی اور مالی حمایت کررہا ہے، لیکن بحیثیت کشمیری ہمیں بھارت کے خلاف جہاد کرنے سے کوئی قانون نہیں روکتا، کیوں کہ کشمیری تو بھارت کی دہشتگرد فوج کے خلاف برسرپیکار ہیں۔
چوہدری انوارالحق نے کہاکہ کشمیر میں مسلح جدوجہد کے حوالے سے جب میں نے بیان دیا تو بھارتی وزیر دفاع راج ناتھ سنگھ میں میرا نام لے کر دھمکی دی تھی۔
انہوں نے کہاکہ 5 اگست 2019 کو بھارت نے کشمیر کی خصوصی حیثیت ختم کی تاکہ کشمیر کی ڈیموگرافی تبدیل کی جاسکے، جس کے جواب میں اس وقت کی حکومت پاکستان نے آدھا گھنٹا کھڑا ہوکر احتجاج کرنے کا فیصلہ کیا، اگر آپ ایسے فیصلے کریں گے تو پھر نوجوان نسل کے ذہنوں میں سوالات تو پیدا ہوں گے۔
وزیراعظم آزاد کشمیر نے کہاکہ فیلڈ مارشل عاصم منیر کی قیادت میں اس پالیسی کو اب درست کردیا گیا ہے۔
’مسئلہ کشمیر حل ہو جائے تو پاکستان اور بھارت امن سے رہ سکتے ہیں‘انہوں نے کہاکہ بھارت اور پاکستان کے درمیان جتنی جنگیں ہوئیں وہ کشمیر کے نام پر ہوئیں، مسئلہ کشمیر حل ہوجائے تو پاکستان اور بھارت امن سے رہ سکتے ہیں۔
انہوں نے کہاکہ اس وقت مقبوضہ کشمیر میں کٹھ پتلی حکومت قائم ہے، جس کا وزیراعلیٰ یوم شہدا منانے کے لیے جاتا ہے تو اس کی اپنی فورسز اسے دھکے دیتی ہیں۔
وزیراعظم نے کہاکہ بھارت نے پہلگام واقعے کا الزام پاکستان پر لگایا اور اس بنیاد پر پاکستان پر حملہ کیا، 10 لاکھ فوج کے ہوتے ہوئے اگر دہشتگردی کا واقعہ ہوتا ہے تو اس کی ذمہ داری فورسز پر عائد ہوتی ہے، لہٰذا مقبوضہ کشمیر میں اقوام متحدہ کی افواج طلب کی جائیں۔
انہوں نے کہاکہ مسلح افواج پاکستان نے 4 روزہ جنگ میں بھارت کو ناکوں چنے چبوائے، پھر اس کے بعد سفارتی محاذ پر بھی چیئرمین پیپلزپارٹی بلاول بھٹو زرداری کی قیادت میں ہمارے وفد نے بہترین سفارتکاری کی۔
ایک سوال کے جواب میں چوہدری انوارالحق نے کہاکہ بیرون ممالک میں مقیم کشمیری مسئلہ کشمیر کو بہترین طریقے سے اجاگر کررہے ہیں، اور ان کے دل میں ہمارے سے زیادہ تڑپ ہے، پاکستان سے علیحدہ ہوکر میرے ذہن میں کوئی بات نہیں آتی کیوں کہ قائداعظم محمد علی جناح نے کہا تھا کہ کشمیر پاکستان کی شہ رگ ہے۔
’3 روپے یونٹ بجلی اور 2 ہزار روپے من آٹا کہیں پر بھی نہیں ملتا‘چوہدری انوارالحق نے کہاکہ جو سہولیات آزاد کشمیر کے عوام کو میسر ہیں وہ پوری دنیا میں کسی اور کو نہیں، کیوں کہ 3 روپے یونٹ بجلی اور 2 ہزار روپے من آٹا پوری دنیا میں کسی کو نہیں ملتا۔
وزیراعظم نے کہاکہ عوام کی جانب سے بنیادی مسائل حل کرنے کا مطالبہ درست ہے، لیکن اس کی آڑ میں حدود کراس کرنے کی کوشش کی گئی تو آہنی ہاتھوں سے نمٹا جائےگا۔
انہوں نے ایکشن کمیٹی کو مخاطب کرتے ہوئے کہاکہ اگر آپ کا بیانیہ اتنا ہی مقبول ہے تو آئین الیکشن کمیشن میں اپنی پارٹی رجسٹرڈ کرائیں، آئندہ انتخابات میں دودھ کا دودھ اور پانی کا پانی ہو جائےگا۔
انہوں ںے کہاکہ جتھوں کو حکومتی نظام یرغمال بنانے کی اجازت نہیں دی جا سکتی، ہم کوشش کریں گے کہ بات چیت کے ذریعے مسئلے کو کوئی حل نکل آئے۔
’بلوچستان میں حقوق کی تحریک کے پیچھے بیرونی ہاتھ کارفرما ہے‘چوہدری انوارالحق نے کہاکہ بلوچستان کی کچھ خواتین اسلام آباد میں بیٹھ کر لاپتا افراد کے حقوق کی بات کرتی ہیں، ان سے پوچھا جائے کہ مسلح افواج پاکستان اور دیگر شہید ہونے والوں کے کیا کوئی حقوق نہیں؟، اصل میں اس کے پیچھے بیرونی ہاتھ کار فرما ہے۔
انہوں نے کہاکہ اسی طرح ایکشن کمیشن قابض اور محافظ فوج میں کوئی فرق نہیں کررہی، جب آپ قومی سلامتی کے معاملے پر بات کرتے ہیں تو پھر روکنا ضروری ہو جاتا ہے۔
چوہدری انوارالحق نے کہاکہ ایکشن کمیٹی کی جانب سے مہاجرین کی نشستیں ختم کرنے کا مطالبہ کیا جا رہا ہے، جس کا کوئی جواز نہیں۔
’مجھ سے سیاسی جماعت کا سوال وہ کرے جس کی اپنی کوئی سیاسی ولدیت ہو‘ایک اور سوال کے جواب میں انہوں نے کہاکہ مجھ سے سیاسی جماعت کا سوال وہ کرے جس کی اپنی کوئی سیاسی ولدیت ہو۔
وزیراعظم نے ایکشن کمیٹی کے اراکین کو مشورہ دیتے ہوئے کہاکہ آپ ایل او سی کراس کرکے مقبوضہ کشمیر کے عوام کی مدد کریں جو بھارت کے خلاف برسرپیکار ہیں۔
اپنی حکومت کی کامیابیاں گنواتے ہوئے انہوں نے کہاکہ ہم آزاد کشمیر کے 33 حلقوں میں 3300 کلومیٹر سڑکیں تعمیر کروا رہے ہیں، شاہراہ نیلم کی توسیع کی گئی ہے تاکہ سیاحت کو فروغ دیا جا سکے۔
’حکومت تعلیمی پیکج کا اعلان کرنے جارہی ہے‘چوہدری انوارالحق نے کہاکہ حکومت نے ہیلتھ پیکج کا اعلان کیا اور اب تعلیمی پیکج دینے جارہی ہے، ہم نے نے گورننس بہتر کرنے کی بھرپور کوشش کی اور مافیاز پر ہاتھ ڈالا ہے۔
یہ بھی پڑھیں: وزیراعظم آزاد کشمیر نے عالمی مبصرین کو ریاست کے دورے کی دعوت دیدی
ایک اور سوال کے جواب میں انہوں نے کہاکہ جب آپ ’اسٹیٹس کو‘ کو توڑتے ہیں تو پھر مخالفت بڑھ جاتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
5 اگست 2019 wenews ایکشن کمیٹی پاک بھارت جنگ چوہدری انوارالحق عوامی حقوق کی تحریک فیلڈ مارشل عاصم منیر مقبوضہ کشمیر وزیراعظم آزاد کشمیر وی نیوز.ذریعہ: WE News
کلیدی لفظ: 5 اگست 2019 ایکشن کمیٹی پاک بھارت جنگ چوہدری انوارالحق عوامی حقوق کی تحریک فیلڈ مارشل عاصم منیر وی نیوز مسلح افواج پاکستان سوال کے جواب میں انہوں نے کہاکہ ایکشن کمیٹی پاکستان نے نے کہاکہ ا میں بھارت کہ کشمیر کشمیر کے بھارت کو کے خلاف کے لیے
پڑھیں:
بھارت خطے میں عدم استحکام پیدا کرنے پر بضد ہے، جارحیت کا منہ توڑ جواب دیا جائے گا، فیلڈ مارشل
بھارت خطے میں عدم استحکام پیدا کرنے پر بضد ہے، جارحیت کا منہ توڑ جواب دیا جائے گا، فیلڈ مارشل WhatsAppFacebookTwitter 0 10 August, 2025 سب نیوز
واشنگٹن (سب نیوز)فیلڈ مارشل سید عاصم منیر نے کہا ہے کہ بیرون ملک مقیم پاکستانی برین گین ہیں، بھارت کی دوغلی پالیسیوں کو عالمی سطح پر بے نقاب کیا، بھارت اب بھی خطے میں عدم استحکام پیدا کرنے پر بضد ہے، پاکستان واضح کرچکا ہے کہ کسی بھی بھارتی جارحیت کا منہ توڑ جواب دیا جائے گا۔
پاک فوج کے شعبہ تعلقات عامہ (آئی ایس پی آر)کے مطابق فیلڈ مارشل سید عاصم منیر نے امریکا کے دورے کے دوران پاکستانی کمیونٹی سے خطاب کرتے ہوئے کہا کہ امریکا میں مقیم پاکستانیوں سے خطاب میرے لیے اعزاز کی بات ہے، بیرون ملک مقیم پاکستانی عزت و وقار کا سرچشمہ اور دیگر پاکستانیوں کی طرح پرجوش ہیں، بیرون ملک پاکستانی برین ڈرین نہیں بلکہ برین گین ہے۔عاصم منیر نے کہا کہ پاکستان کی ترقی اور خوشحالی دنیا بھر میں بسنے والے پاکستانیوں سے وابستہ ہے اور ناگہانی آفات میں یہ طبقہ ہمیشہ سب سے پہلے وطن کے لیے لبیک کہتا ہے۔
فیلڈ مارشل نے بھارت پر شدید تنقید کرتے ہوئے کہا کہ بھارت خود کو وشوا گرو کے طور پر پیش کرنے کی کوشش کررہا ہے لیکن حقیقت اس کے برعکس ہے۔ بھارت کی خفیہ ایجنسی را کی ٹرانس نیشنل دہشت گرد سرگرمیوں میں شمولیت عالمی سطح پر شدید تشویش کا باعث ہے، اس کی مثالیں کینیڈا میں سکھ رہنما کا قتل، قطر میں 8 بھارتی نیول افسران کا معاملہ اور کلبھوشن یادیو جیسے واقعات ہیں۔فیلڈ مارشل سید عاصم منیر نے مزید کہا کہ پاکستان نے بھارت کی دوغلی پالیسیوں کے خلاف کامیاب سفارتی جنگ لڑی ہے۔ انہوں نے حالیہ بھارتی جارحیت کو پاکستان کی خود مختاری کی سنگین خلاف ورزی قرار دیتے ہوئے کہا کہ اس نے معصوم شہریوں کو شہید کیا اور خطے کو ایک بڑے تصادم کے دہانے پر پہنچا دیا۔ پاکستان نے اس کا بھرپور اور پرعزم جواب دیا اور وسیع تر تنازع کو روکنے میں کامیابی حاصل کی۔
انہوں نے مزید کہا کہ مقبوضہ کشمیر بھارت کا اندرونی معاملہ نہیں بلکہ ایک نامکمل بین الاقوامی ایجنڈا ہے، جسے قائداعظم نے پاکستان کی شہ رگ قرار دیا تھا۔ پاکستان سلامتی کونسل کی قراردادوں کی مکمل حمایت کرتا ہے اور کسی بھی بھارتی جارحیت کا منہ توڑ جواب دیا جائے گا۔فیلڈ مارشل عاصم منیر نے کہا کہ پاکستان دہشت گردی کے خلاف آخری فصیل ہے اور دہشت گردوں کے لیے کوئی ہمدردی نہیں، انہیں پوری قوت سے انصاف کا سامنا کرنا ہوگا۔
سید عاصم منیر نے سوشل میڈیا کے مثبت اور منفی کردار پر بھی روشنی ڈالتے ہوئے کہا کہ یہ ایک طاقتور ذریعہ ہے مگر ملک دشمن عناصر اسے افراتفری پھیلانے کے لیے بھی استعمال کرتے ہیں۔امریکا کے ساتھ تعلقات پر بات کرتے ہوئے فیلڈ مارشل نے کہا کہ محض ڈیڑھ ماہ میں ان کا دوسرا دورہ پاک-امریکہ تعلقات میں نئی جہت کی علامت ہے۔ ممکنہ تجارتی معاہدے سے بھاری سرمایہ کاری کی توقع ہے جبکہ امریکا، سعودی عرب، متحدہ عرب امارات اور چین کے ساتھ مختلف مفاہمتی یادداشتوں پر عمل درآمد جاری ہے۔انہوں نے مزید کہا کہ پاکستان کی حالیہ سفارتی اور عسکری کامیابیاں اللہ تعالی کی رحمت، قوم کی اجتماعی کوشش، سیاسی قیادت کی بصیرت اور افواج پاکستان کی پیشہ ورانہ مہارت کا نتیجہ ہیں۔فیلڈ مارشل کا مزید کہنا تھا کہ اب سوال یہ نہیں کہ اگر ہم اٹھیں گے بلکہ یہ ہے کہ کتنی جلدی اور کتنی قوت سے ہم اٹھیں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرجھوٹے دعوے عالمی سطح پر بھارت کی مزید جگ ہنسائی کا باعث بنیں گے،عرفان صدیقی جھوٹے دعوے عالمی سطح پر بھارت کی مزید جگ ہنسائی کا باعث بنیں گے،عرفان صدیقی سائبر حملوں میں کاروباری نظام جام ہونے کا خطرہ، نیشنل سرٹ نے خبردار کردیا نئی انڈسٹریل پالیسی تیار، رواں ماہ وفاقی کابینہ سے منظوری متوقع ڈپٹی چیئرمین سینیٹ کی خواجہ سعد رفیق سے ملاقات، ملکی سیاسی صورتحال پر گفتگو غزہ پر فوجی قبضے کے منصوبے پر پھوٹ، وزیر خزانہ نے نیتن یاہو کی حکومت گرانے کی دھمکی دیدی یومِ آزادی کی تیاریاں عروج پر، ملک بھر میں جشن کا سماںCopyright © 2025, All Rights Reserved
رابطہ کریں ہمارے بارے ہماری ٹیم
اسلام آبا ہائیکورٹ کا بلوچ لاپتہ افراد کے لواحقین کا احتجاج ختم کرانے کے لیے ڈپٹی کمشنر کو مظاہرین سے مذاکرات کا حکم