بھارت کے خلاف تاریخی فتح اور آزادی کا جشن
اشاعت کی تاریخ: 14th, August 2025 GMT
ملک بھر میں آج بھارت کے خلاف تاریخی فتح اور آزادی کا جشن منایا جارہا ہے، ملک کا ہر شہر ہر گلی، محلہ سبز ہلالی پرچم کے رنگوں میں رنگ گیا۔
12 بجتے ہی دارالحکومت اسلام آباد سمیت ملک کے مختلف شہروں میں شاندار آتش بازی کا مظاہرہ کیا گیا۔
جناح اسپورٹس کمپلیکس میں یومِ آزادی اورمعرکہ حق کی فتح کی مرکزی تقریب ہوئی، جس میں صدر مملکت، وزیرِاعظم ، تینوں مسلح افواج کے سربراہان، وفاقی کابینہ ارکان،قومی اسمبلی اور سینیٹ ارکان سمیت دوست ممالک کے سفراء، اور بڑی تعداد میں شہری بھی شریک تھے۔
گورنر ہاؤس کراچی میں جشن آزادی معرکہ حق کے سلسلے میں اونٹوں کی ریلی کا انعقاد کیا گیا اونٹوں پر پاکستانی پرچم لگایا ہوا تھا۔
تقریب میں تینوں مسلح افواج پر مشتمل میوزک بینڈ کا شاندار مارچ پاسٹ کیا جبکہ پاک آرمی، پاک بحریہ اور پاک فضائیہ کے چاق و چوبند دستوں سمیت پنجاب رینجرز، ایف سی خیبرپختونخوا کے دستوں نے بھی مارچ پاسٹ کیا۔
یومِ آزادی اور معرکہ حق کی فتح کی تقریب میں اسپیشل سروسز گروپ کے کمانڈوز نے بھی مارچ پاسٹ کا مظاہرہ کیا۔
تقریب میں ترکیہ اور آذربائیجان کی مسلح افواج کے دستوں نے بھی مارچ پاسٹ کیا۔
بھارت کے خلاف تاریخی فتح اور آزادی کا جشن پوری قوم اس وقت دہری خوشی منا رہی ہے، ملک کا ہر شہر، ہر گلی، محلہ سبز ہلالی پرچم کے رنگوں میں رنگ گیا۔
وزیراعظم کی سب کو مل کرکام کرنے کی پیشکشوزیراعظم شہباز شریف نے ایک مرتبہ پھر پاکستان کی خاطر سب کو مل کر کام کرنے کی پیش کش کردی۔
یومِ آزادی اور معرکہ حق فتح کی تقریب سے خطاب میں وزیراعظم نے کہا کہ آج کے اس عظیم دن پر وہ تمام جماعتوں کو میثاقِ پاکستان کا حصہ بننے کی دعوت دیتے ہیں۔
وزیراعظم شہبازشریف نے کہا ہے کہ معرکہ حق نے ثابت کیا کہ ہم اس آزادی کی حفاظت کرنے کی طاقت رکھتے ہیں۔
شہباز شریف نے یہ بھی کہا کہ پاکستان میں سب کو احتجاج کا حق ہے، جلاؤ گھیراؤ کا نہیں، سیاست کا حق ہے بغاوت کا نہیں، تنقید کا حق ہے توہین کا نہیں، ہمارے پاس عظیم ماضی ہے، اب روشن مستقبل کی طرف بڑھنا ہے۔
وزیراعظم نے معرکہ حق ماڈل کی نقاب کشائی بھی کی۔
قومی اسمبلی میں یوم آزادی اور معرکہ حق پر متفقہ قرارداد منظور کی گئی، لازوال قربانیوں کو خراج تحسین پیش کیا گیا، اپنی سالمیت اور خودمختاری کی ہر قیمت پر حفاظت کا عزم دہرایا۔
.ذریعہ: Jang News
پڑھیں:
رائزنگ اسٹارز ایشیا کپ، بھارت کے خلاف کامیابی کے ہیرو معاذ صداقت کون ہیں؟
رائزنگ اسٹارز ٹی20 ایشیا کپ کے چھٹے میچ میں پاکستان شاہینز نے بھارت اے کو 8 وکٹوں سے شکست دے کر سیمی فائنل میں جگہ بنالی۔ اس شاندار فتح میں 20 سالہ معاذ صداقت بیٹنگ اور بولنگ میں شاندار کارکردگی دکھا کر ٹیم کا ہیرو بن کر ابھرے۔
معاذ صداقت کا تعلق پشاور سے ہے اور وہ 15 مئی 2005 کو پیدا ہوئے۔ وہ بائیں ہاتھ کے بیٹسمین اور بائیں بازو کے اسپن بولر ہیں، اور بطور بیٹنگ آل راؤنڈر پاکستان کرکٹ میں ابھرتے ہوئے نوجوان کھلاڑیوں میں سے ہیں۔
مزید پڑھیں:رائزنگ اسٹارز ایشیا کپ، پاکستان نے بھارت کو شکست دے کر سیمی فائنل کے لیے کوالیفائی کرلیا
معاذ نے چھوٹے عمری سے ہی پلاسٹک بال کے ساتھ گلیوں میں کھیلنا شروع کیا اور اسکول، کلب اور انڈر 19 کرکٹ میں بہترین کارکردگی دکھائی۔ ان کی شاندار کارکردگی نے انہیں پاکستان اے ٹیم تک پہنچایا اور اب رائزنگ اسٹارز ایشیا کپ میں وہ پاکستان کے لیے ہیرو بن کر سامنے آئے ہیں۔
معاذ صداقت کی ریکارڈ کی جھلک:فرسٹ کلاس: 24 میچز، 1413 رنز، اوسط 39.25، 2 سینچریاں، 12 نصف سینچریاں، بولنگ میں 17 وکٹیں
لسٹ اے: 20 میچز، 598 رنز، اوسط 33.22، 1 سنچری، 4 نصف سنچریاں، بولنگ میں 13 وکٹیں
Player of the match in successive ACC #AsiaCupRisingStars2025 games, Maaz Sadaqat reflects on his performances ????️#PAKvIND | #BackTheBoysInGreen pic.twitter.com/W64eqZSXCv
— Pakistan Cricket (@TheRealPCB) November 16, 2025
ٹی20 میچز: 22 میچز، 668 رنز، اوسط 41.75، 5 نصف سینچریاں، بولنگ میں 11 وکٹیں
رائزنگ اسٹارز ایشیا کپ کے بھارت اے کے خلاف میچ میں معاذ نے 47 گیندوں پر ناقابل شکست 79 رنز کی شاندار اننگز کھیلی، جس میں 7 چوکے اور 4 چھکے شامل تھے۔
مزید پڑھیں:سری لنکا کو ون ڈے سیریز میں وائٹ واش کرنے کا کریڈٹ کسے جاتا ہے؟ شاہین آفریدی نے بتا دیا
معاذ صداقت نے بولنگ میں بھی صرف 12 رنز دے کر 2 وکٹیں حاصل کیں، جس سے پاکستان شاہینز کو فیصلہ کن فتح حاصل ہوئی۔ محمد فائق نے معاذ کے ساتھ 14 گیندوں پر 16 ناقابل شکست رنز کی شراکت قائم کی۔
All-round Maaz stars in Pakistan Shaheens’ thumping win over India A
Read more ➡️ https://t.co/UJ2NSgWyPp#PAKvIND | #BackTheBoysInGreen
— PCB Media (@TheRealPCBMedia) November 16, 2025
معاذ نے ٹورنامنٹ میں پہلے بھی عمان کے خلاف ناٹ آؤٹ 96 رنز بنائے اور 2 وکٹیں حاصل کیں۔ ان کے شاندار کھیل کی وجہ سے وہ نہ صرف پاکستان کی موجودہ ٹیم کے لیے بلکہ مستقبل کے عالمی کرکٹ میں بھی امید کی کرن بن چکے ہیں۔
معاذ صداقت نے پاکستان اے، پاکستان انڈر 19 اور خیبر پختونخوا الیون سمیت پشاور زلمی کے لیے بھی نمایاں کارکردگی دکھائی ہے، اور وہ نوجوان کھلاڑیوں کے لیے مثال بن چکے ہیں کہ کس طرح چھوٹی عمر میں محنت، ٹیلنٹ اور لگن سے بڑے اسٹیج پر اثر ڈالا جا سکتا ہے۔
Scenes from Doha, Qatar ????
Pakistan Shaheens claim their second successive win in the ACC #AsiaCupRisingStars2025 ????#PAKvIND | #BackTheBoysInGreen pic.twitter.com/Po6Cx1qUCQ
— Pakistan Cricket (@TheRealPCB) November 16, 2025
معاذ صداقت کی یہ کارکردگی مستقبل میں پاکستان کرکٹ کے لیے بڑی امیدیں جگانے والی ہے، اور نوجوان کرکٹرز کے لیے ایک مثال بھی بن گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت پاکستان شاہینز رائزنگ اسٹارز رائزنگ اسٹارز ایشیا کپ معاذ صداقت
شیرشاہ سے انتہائی مطلوب دہشت گرد گرفتار