انصاف عام کیا جائے، عوام کو سہولت دی جائے تاکہ پاکستان ترقی کرے،شیخ رشید
اشاعت کی تاریخ: 3rd, September 2025 GMT
راولپنڈی (نیوزڈیسک) عوامی مسلم لیگ کے سربراہ اور سابق وفاقی وزیر شیخ رشید احمد نے کہا ہے کہ انصاف کو عام کیا جائے، عوام کو سہولت ملے تو ہی ملک میں امن و سکون قائم ہوگا اور پاکستان ترقی کی راہ پر گامزن ہوگا۔
انسدادِ دہشت گردی عدالت راولپنڈی کے باہر میڈیا سے گفتگو کرتے ہوئے شیخ رشید نے کہا کہ جج صاحب کی طبیعت ناساز تھی، ہماری صرف حاضری لگائی گئی۔ میرے بھتیجے کو فیصل آباد میں چار مقدمات میں دس دس سال کی سزا سنائی گئی ہے، حالانکہ وہ کبھی فیصل آباد گیا ہی نہیں۔ جرح کی اجازت تک نہیں دی گئی، وکیل اور گواہ دونوں سرکاری ہیں۔
انہوں نے کہا کہ انصاف کی دھجیاں بکھر گئی ہیں۔ جن غریب ورکرز کو سزائیں دی جا رہی ہیں، ان کے گھروں میں فاقے ہیں، بچوں کی فیس دینے تک کے پیسے نہیں۔ ایسے حالات میں انصاف کو رسوا کیا جا رہا ہے۔
شیخ رشید نے کہا کہ ملک میں ایسا نظام عدل قائم ہونا چاہیے جس پر عوام کو اعتماد ہو۔ انصاف سب کے لیے یکساں ہوگا تو ہی پاکستان آگے بڑھے گا۔
کالا باغ ڈیم کے حوالے سے گفتگو کرتے ہوئے سابق وفاقی وزیر نے کہا کہ انہوں نے اپنے سیاسی کیریئر میں 16 سے 17 بار وزارتیں سنبھالیں اور ہر بار ڈیم بنانے کی کوشش کی، لیکن سندھ کے لوگ کالا باغ ڈیم کو قبول نہیں کرتے۔ بھارت کی آبی جارحیت نے پاکستان کے کسان کو تباہ کر دیا ہے، اس لیے کسانوں کی حقیقی مدد کرنا ناگزیر ہے۔
Post Views: 6.ذریعہ: Daily Mumtaz
کلیدی لفظ: نے کہا کہ
پڑھیں:
نادرا نے عوام کیلئے ایک اور سہولت متعارف کرا دی
نیشنل ڈیٹا بیس اینڈ رجسٹریشن اتھارٹی کے مطابق شروع میں محدود پیمانے پر یونین کونسل میں نکاح کے آن لائن اندراج کا آغاز کیا گیا ہے۔ نادرا کا مقصد شہریوں کیلئے خدمات تک رسائی کو مزید آسان بنانا ہے۔ پاک آئی ڈی موبائل ایپ کے ذریعے نکاح کا اندراج متعلقہ یونین کونسل میں کروا یا جا سکتا ہے۔ اسلام ٹائمز۔ نادرا نے عوام کیلئے ایک اور سہولت متعارف کرا دی ہے۔ اب مخصوص یونین کونسل کے شہریوں کو گھر بیٹھے اپنے نکاح کا آن لائن اندارج کروانے کی سہولت حاصل ہو گی۔ نیشنل ڈیٹا بیس اینڈ رجسٹریشن اتھارٹی کے مطابق شروع میں محدود پیمانے پر یونین کونسل میں نکاح کے آن لائن اندراج کا آغاز کیا گیا ہے۔ نادرا کا مقصد شہریوں کیلئے خدمات تک رسائی کو مزید آسان بنانا ہے۔ پاک آئی ڈی موبائل ایپ کے ذریعے نکاح کا اندراج متعلقہ یونین کونسل میں کروا یا جا سکتا ہے۔
اندراج کے بعد اپنی شادی کا رجسٹریشن سرٹیفکیٹ موبائل ایپ کے آئی ڈی والٹ میں ڈاؤن لوڈ کر سکتے ہیں۔ ابتدائی طور پر نادرا نے یہ سہولت پنجاب کے تین ضلعوں جہلم، چکوال اور ننکانہ صاحب میں شہریوں کو دی ہے۔ چکوال کی 71، جہلم کی 44 اور ننکانہ صاحب کی 65 یونین کونسلز کے شہری اب اپنے گھروں میں آرام سے اس سہولت استفادہ کر سکتے ہیں۔ نادرا کے مطابق یہ سہولت مرحلہ وار پاکستان کے تمام شہریوں کو حاصل ہو جائے گی۔
حیدرآباد ،شہریوں کی بڑی تعداد نے کشمیریوں کی حمایت میں کیے گئے مظاہرے میں بھرپور شرکت کی