اسرائیلی حملے کے بعد ڈونلڈ ٹرمپ اور قطری وزیراعظم کی پہلی ملاقات آج طے
اشاعت کی تاریخ: 12th, September 2025 GMT
امریکی صدر ڈونلڈ ٹرمپ نے اعلان کیا ہے کہ وہ جمعے کو نیویارک میں قطر کے وزیراعظم شیخ محمد بن عبدالرحمن الثانی سے ملاقات کریں گے۔ وائٹ ہاؤس کے ایک اہلکار کے مطابق ملاقات کے ایجنڈے کے بارے میں تفصیلات نہیں بتائی گئیں۔
یہ ملاقات ایسے وقت میں ہونے جا رہی ہے جب منگل کے روز امریکی اتحادی اسرائیل نے دوحہ میں حماس کے سیاسی رہنماؤں کو نشانہ بنانے کے لیے حملہ کیا۔ اس اقدام نے غزہ میں جاری تقریباً 2 سال پرانے تنازع کو ختم کرنے کے لیے امریکا کی حمایت یافتہ صلح کی کوششوں کو شدید نقصان پہنچایا۔
یہ بھی پڑھیں: قطر پر اسرائیلی حملہ: سلامتی کونسل کی مذمت، قطری وزیراعظم کا دوٹوک مؤقف
اسرائیلی حملے کی مشرقِ وسطیٰ سمیت دنیا بھر میں مذمت کی گئی، اور خدشہ ظاہر کیا گیا کہ یہ خطے میں مزید کشیدگی بھڑکا سکتا ہے۔
صدر ٹرمپ نے اسرائیلی کارروائی پر ناراضی کا اظہار کرتے ہوئے اسے یکطرفہ قدم قرار دیا جو نہ امریکا کے مفاد میں ہے نہ اسرائیل کے۔
امریکا قطر کو اپنا مضبوط خلیجی اتحادی سمجھتا ہے۔ قطر طویل عرصے سے غزہ میں جنگ بندی کے مذاکرات، اسرائیلی یرغمالیوں کی رہائی اور جنگ کے بعد کے منصوبے میں اہم ثالث کا کردار ادا کر رہا ہے۔
یہ بھی پڑھیں:نیتن یاہو نے یرغمالیوں کی رہائی کی امید ختم کر دی، قطری وزیراعظم
قطری وزیراعظم الثانی نے اسرائیل پر امن کے امکانات کو سبوتاژ کرنے کی کوشش کا الزام لگایا، لیکن کہا کہ قطر ثالثی کا کردار ترک نہیں کرے گا۔ وہ امریکی وزیرِ خارجہ مارکو روبیو سے بھی ملاقات کریں گے۔
اکتوبر 2023 سے جاری اسرائیلی حملوں نے غزہ میں تباہی مچا دی ہے۔ فلسطینی حکام کے مطابق اب تک 64,000 سے زیادہ افراد ہلاک ہو چکے ہیں، جبکہ تقریباً پوری آبادی بے گھر ہوچکی ہے اور خطے کو قحط کے خطرے کا سامنا ہے۔
یہ بھی پڑھیں: قطر پر حملے کے بعد صدر ٹرمپ نے اسرائیلی وزیراعظم سے کیا جاننا چاہا؟
ماہرین اور انسانی حقوق کے متعدد ادارے اسرائیل کی کارروائی کو نسل کشی قرار دے رہے ہیں، تاہم اسرائیل اس مؤقف کو مسترد کرتا ہے۔
یہ جنگ اُس وقت شروع ہوئی جب اکتوبر 2023 میں حماس کے عسکریت پسندوں نے اسرائیل پر حملہ کیا تھا، جس میں 1,200 افراد ہلاک اور 250 سے زائد کو یرغمال بنایا گیا تھا۔ اس کے بعد اسرائیل نے غزہ کے ساتھ ساتھ لبنان، شام، ایران اور یمن پر بھی فضائی حملے کیے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا ڈونلڈ ٹرمپ شیخ محمد بن عبدالرحمٰن الثانی قطر.
ذریعہ
ذریعہ: WE News
کلیدی لفظ: امریکا ڈونلڈ ٹرمپ شیخ محمد بن عبدالرحم ن الثانی نے اسرائیل کے بعد
پڑھیں:
اسرائیل کی عدم آمادگی امریکا ایران معاہدے کو خطرے میں ڈال سکتی ہے، تجزیہ کار
مشرق وسطیٰ کونسل برائے عالمی امور کے فیلو عمر رحمان نے الجزیرہ سے گفتگو کرتے ہوئے کہا اسرائیل کے عزائم سے یہ تاثر ملتا ہے کہ وہ جنوبی لبنان پر طویل مدت تک اپنا کنٹرول برقرار رکھنا چاہتا ہے اور وہاں آبادی کی جبری بے دخلی کی پالیسی پر عمل پیرا ہے، جس کے آثار موجودہ صورتحال میں نمایاں طور پر دیکھے جا سکتے ہیں۔ اسلام ٹائمز۔ تجزیہ کاروں نے کہا ہے کہ اسرائیل کی عدم آمادگی امریکہ اور ایران کے درمیان ممکنہ معاہدے کو خطرے میں ڈال سکتی ہے۔ عالمی تجزیہ کاروں نے کہا ہے کہ اسرائیل اس وقت ایسے کسی معاہدے کیلئے تیار دکھائی نہیں دیتا، جس کے تحت لبنان میں جاری کشیدگی اور جنگی کارروائیوں کا خاتمہ ضروری ہو۔ مشرق وسطیٰ کونسل برائے عالمی امور کے فیلو عمر رحمان نے الجزیرہ سے گفتگو کرتے ہوئے کہا اسرائیل کے عزائم سے یہ تاثر ملتا ہے کہ وہ جنوبی لبنان پر طویل مدت تک اپنا کنٹرول برقرار رکھنا چاہتا ہے اور وہاں آبادی کی جبری بے دخلی کی پالیسی پر عمل پیرا ہے، جس کے آثار موجودہ صورتحال میں نمایاں طور پر دیکھے جا سکتے ہیں۔
انہوں نے کہا کہ اگرچہ واشنگٹن اور تہران کے درمیان اب بھی بعض اختلافات موجود ہیں، تاہم دونوں ممالک ایسے معاہدے تک پہنچ سکتے ہیں، جسے بعد میں مزید تفصیل کے ساتھ مذاکرات کے ذریعے وسعت دی جا سکے، حزب اللہ کے ساتھ جنگ بندی کے معاہدے پر آمادہ نہ ہونے کی اسرائیلی پالیسی پورے عمل کو سبوتاژ کرنے اور امریکہ ایران معاہدے کو ناکام بنانے کی صلاحیت رکھتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ