معرکہ حق میں جے 10 سی کا اہم کردار: صدر زرداری کا طیارے بنانے والے ایئر کرافٹ کمپلیکس کا دورہ
اشاعت کی تاریخ: 14th, September 2025 GMT
صدرِ مملکت آصف علی زرداری نے چین کے ایوی ایشن انڈسٹری کارپوریشن (اے وی آئی سی) کے ایئرکرافٹ کمپلیکس کا تاریخی دورہ کیا، جو بھارت کے ساتھ جنگ بندی کے 128ویں دن انجام پایا۔
صدر مملکت جو مسلح افواج کے سپریم کمانڈر بھی ہیں، اس موقع پر پورے کمپلیکس میں گئے جہاں جے 10 سی طیاروں کی تیاری کی جاتی ہے۔
یہ بھی پڑھیں: بھارتی رافیل کی رینج 150 جبکہ پاکستانی جے10 سی کی 200 کلومیٹر ہے، ایئر کموڈور ریٹائرڈ خالد چشتی
جے 10 سی طیارے نے مئی 2025 کے معرکہ حق میں اہم کردار ادا کیا تھا۔ دورے کے دوران صدر زرداری نے انجینئرز اور سائنسدانوں سے ملاقات کی اور انہیں جے 10، جے ایف 17 اور جدید ترین جے 20 اسٹیلتھ فائٹرز پر تفصیلی بریفنگ دی گئی۔
صدر کو ڈرون ٹیکنالوجی، خودکار یونٹس اور ملٹی ڈومین آپریشنز کے بارے میں بھی آگاہ کیا گیا۔
صدر مملکت نے کہاکہ جے 10 اور جے ایف 17 طیاروں نے پاک فضائیہ کی صلاحیتوں کو نمایاں طور پر تقویت دی ہے، جبکہ معرکہ حق اور آپریشن ’بنیان مرصوص‘ میں ان طیاروں کی کارکردگی شاندار رہی۔
انہوں نے ’اے وی آئی سی‘ کو چین کی تکنیکی برتری اور پاک چین اسٹریٹجک شراکت داری کی علامت قرار دیا۔
یہ پہلا موقع ہے کہ کسی غیر ملکی سربراہِ مملکت نے اس کمپلیکس کا دورہ کیا۔ صدر کے ہمراہ چیئرمین پیپلز پارٹی بلاول بھٹو زرداری، خاتون اول آصفہ بھٹو اور سینیٹر سلیم مانڈوی والا بھی موجود تھے۔
یہ بھی پڑھیں: پاک چین دوستی آنے والے وقتوں میں مزید مستحکم ہوگی: صدر مملکت آصف زرداری
اس موقع پر پاکستان کے سفیر خلیل ہاشمی اور چین کے سفیر جیانگ زائی ڈونگ بھی صدر مملکت کے ہمراہ تھے۔
صدر آصف علی زرداری نے اس عزم کا اعادہ کیا کہ پاکستان چین کے ساتھ دفاعی پیداوار اور ہوا بازی کے شعبوں میں تعاون کو مزید وسعت دے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آصف زرداری ایئر کرافٹ کمپلیکس کا دورہ پاک چین دوستی جے 10 سی دورہ چین صدر مملکت معرکہ حق وی نیوز.
ذریعہ
ذریعہ: WE News
کلیدی لفظ: پاک چین دوستی دورہ چین صدر مملکت معرکہ حق وی نیوز کمپلیکس کا صدر مملکت معرکہ حق
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار