اورنگی کے مسائل کے اصل ذمے دار پی پی کے قابض میئرو ٹاؤن چیئرمین ہیں ٗ منعم ظفر
اشاعت کی تاریخ: 20th, September 2025 GMT
data-id="863a0a8" data-element_type="widget" data-widget_type="theme-post-content.default">
250920-01-13
کراچی (اسٹاف رپورٹر) امیر جماعت اسلامی کراچی منعم ظفر خان نے کہا ہے کہ کراچی جو کبھی روشنیوں کا شہر کہلایاجاتا تھا، آج بدترین مسائل کا شکار ہے ٗکراچی کے مسائل کے اصل ذمے دار پیپلزپارٹی کی صوبائی حکومت اور قابض میئر ہیں ٗ پیپلزپارٹی کا نصب العین ہے کہ اداروں پر قبضہ کر کے عوام کے حقوق غصب کیے جائیں ،شہر ی پانی، بجلی اور گیس جیسی بنیادی ضروریات سے محروم ہیں، سڑکیں کھنڈرات میں بدل گئی ہیں جبکہ گلیاں کچرے اور غلاظت کے ڈھیر کا منظر پیش کر رہی ہیں،کراچی کی طرح اورنگی ٹاؤن پر بھی قابض چیئرمین براجماں ہیں ، عوام مسائل کی دلدل میں پھنسے ہوئے ہیں ،اہل اورنگی اپنے ووٹ کی طاقت سے جاگیرداروں اور وڈیروں سے نجات حاصل کر کے جماعت اسلامی کے نامزد امیدواروں کو کامیاب کریں ٗالیکشن کمیشن اور اس کاعملہ عوام کے ووٹ کا تقدس برقرار رکھے اور حقیقی نمائندوں کو کامیاب قرار دے۔ان خیالات کا اظہار انہوں نے اورنگی ٹاؤن یوسی 1 میں ایک بڑے انتخابی جلسے سے خطاب کرتے ہوئے کیا۔ اس موقع پر امیر ضلع غربی مدثر حسین انصاری، نائب امیر ضلع خالد زمان شیخ، ضلعی سیکرٹری جنرل عبدالحنان خان ،اورنگی ٹاؤن یوسی 1کے لیے چیئرمین کے نامزد امیدوارخورشید عالم، یوسی 7سے وارڈ 4سے کونسلر کے نامزد امیدوار بلال نصیر نے بھی خطاب کیا۔منعم ظفر خان نے مزید کہا کہ کراچی کی آبادی 3 کروڑ سے تجاوز کر چکی ہے لیکن شہریوں کو ان کے بنیادی حقوق نہیں مل رہے۔ کراچی کو روزانہ 1200 ملین گیلن پانی کی ضرورت ہے مگر شہریوں کو صرف 500 تا 550 ملین گیلن ہی فراہم ہوتا ہے، باقی پانی ٹینکر مافیا کے ذریعے بیچا جا رہا ہے جسے سندھ حکومت اور مقامی نمائندوں کی سرپرستی حاصل ہے۔انہوں نے کہا کہ اورنگی ٹاؤن سب سے زیادہ پسماندہ علاقہ بن چکا ہے، جہاں بجلی کی لوڈشیڈنگ، گیس کی قلت اور تباہ حال سڑکوں نے عوام کی زندگی اجیرن کر دی ہے۔ انہوں نے میئر کراچی مرتضیٰ وہاب اور اورنگی ٹاؤن کے چیئرمین جمیل ضیا ڈاہری کو شدید تنقید کا نشانہ بناتے ہوئے کہا کہ یہ نمائشی بیانات دیتے ہیں لیکن عوامی مسائل کے حل میں مکمل طور پر ناکام ہو چکے ہیں۔امیر جماعت اسلامی نے کہا کہ شہر میں روزانہ ہزاروں ٹن کچرا پیدا ہوتا ہے لیکن اس کا نصف بھی بروقت نہیں اٹھایا جاتا، نتیجتاً گلیاں بیماریوں کا گڑھ بنی ہوئی ہیں۔ جماعت اسلامی اقتدار میں آکر ہر گھر تک صاف پانی پہنچائے گی، ٹینکر مافیا کا خاتمہ کرے گی، جدید کچرا مینجمنٹ نظام قائم کرے گی اور ترقیاتی منصوبے عوامی شراکت کے ساتھ مکمل کرے گی۔ کراچی ملک کو 60 فیصد ریونیو دیتا ہے مگر شہری بنیادی سہولتوں سے محروم ہیں، حکمران کراچی کو صرف ’’کیش مشین‘‘ سمجھتے ہیں۔ انہوں نے عوام سے اپیل کی کہ وہ نااہل حکمرانوں کو مسترد کریں اور جماعت اسلامی کا ساتھ دیں تاکہ کراچی کو اس کا کھویا ہوا مقام واپس دلایا جا سکے۔مدثر حسین انصاری نے کہا کہ عوام اب اپنے ووٹ پر ڈاکا نہیں ڈالنے دیں گے، وہ اپنے ووٹ کا تحفظ کریں گے۔ عوام کی بڑی تعداد نے اس جلسہ عام میں شریک ہوکر جماعت اسلامی کے امیدوار خورشید عالم کے حق میں فیصلہ سنادیا ہے، اگر اورنگی ٹاؤن کے عوام کو حقیقی نمائندگی مل جاتی تو آج صورتحال تبدیل ہوتی۔ عوامی رائے عامہ ہموار کی جائے اور گھر گھر سندھ حکومت اور پی پی پی کے ٹاؤن چیئرمین اور ان کی ٹیم کی کارکردگی سے عوام کو آگاہ کیا جائے تاکہ یہاں کے عوام کی ان ظالم لوگوں سے جان چھوٹ سکے۔
امیر جماعت اسلامی کراچی منعم ظفر خان ، امیر ضلع کیماڑی مولانا فضل احد حنیف ، نامزد امیدوار وائس چیئرمین یوسی8بلدیہ ٹائون یاسرحیات بلدیہ ٹائون 24کی مارکیٹ میں بلدیاتی ضمنی انتخابات کے سلسلے میں کارنر میٹنگ سے خطاب کررہے ہیں
.
ذریعہ
ذریعہ: Jasarat News
کلیدی لفظ: جماعت اسلامی انہوں نے نے کہا کہا کہ
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ