وطنِ عزیز کے خلاف دشمن قوتیں ایک بار پھر متحرک ہو چکی ہیں، طاہر کھوکھر
اشاعت کی تاریخ: 23rd, September 2025 GMT
سابق وزیر نے کہا کہ بھارت نے نہ صرف کشمیریوں کے حقِ خودارادیت کو دبا رکھا ہے بلکہ پاکستان کے اندر دہشت گردی کو فروغ دینے میں بھی پیش پیش ہے، بھارت ایک طرف خود کو دنیا میں جمہوریت کا علمبردار ظاہر کرتا ہے اور دوسری جانب کشمیر میں انسانی حقوق کی کھلم کھلا خلاف ورزیاں کر رہا ہے۔ اسلام ٹائمز۔ پاسبانِ وطن پاکستان کے مرکزی صدر اور سابق وزیر سیاحت و ٹرانسپورٹ محمد طاہر کھوکھر نے کہا ہے کہ وطنِ عزیز کے خلاف دشمن قوتیں ایک بار پھر متحرک ہو چکی ہیں جو ملک میں بدامنی پھیلانے، پاک فوج کو بدنام کرنے اور عوام میں انتشار پیدا کرنے کی گھناؤنی سازشوں میں مصروف ہیں تاہم پوری قوم ان ناپاک عزائم کے خلاف متحد ہے اور پاک فوج کے ساتھ مضبوطی سے کھڑی ہے۔ انہوں نے یہ بات ایک اہم پریس بیان میں کہی جس میں انہوں نے حالیہ دہشت گردی کے واقعات، سرحدی کشیدگی اور بھارت کی جارحیت پر شدید تشویش کا اظہار کرتے ہوئے کہا کہ دشمن ملک پاکستان کے امن و استحکام کو سبوتاژ کرنے کے لیے ایک بار پھر اپنے ایجنٹوں کو متحرک کر چکا ہے لیکن پاکستانی قوم افواج پاکستان کی قربانیوں کو کبھی رائیگاں نہیں جانے دے گی۔محمد طاہر کھوکھر نے کہا کہ پاک فوج کے بہادر جوان ملک کے کونے کونے میں عوام کے تحفظ اور امن کی بحالی کے لیے اپنی جانوں کا نذرانہ پیش کر رہے ہیں، ہمارے شہداء ہمارے ہیرو ہیںان کی قربانیاں اس ملک کی بقاء اور آزادی کی ضمانت ہیں جو عناصر ان قربانیوں کو شک کی نگاہ سے دیکھتے ہیں، وہ درحقیقت دشمن کے بیانیے کو فروغ دے رہے ہیں۔
انہوں نے کہا کہ دشمن قوتیں پاکستان کے اندر ایک سوچے سمجھے منصوبے کے تحت عوام اور افواج کے درمیان خلیج پیدا کرنے کی کوشش کر رہی ہیں ہمیں یہ سمجھنے کی ضرورت ہے کہ پاکستان دشمن عناصر کس طرح ہمارے اندر نفرت، بدگمانی اور انتشار پیدا کر رہے ہیں ہمیں متحد ہو کر ان سازشوں کا مقابلہ کرنا ہو گا۔ سابق وزیر نے کہا کہ بھارت نے نہ صرف کشمیریوں کے حقِ خودارادیت کو دبا رکھا ہے بلکہ پاکستان کے اندر دہشت گردی کو فروغ دینے میں بھی پیش پیش ہے، بھارت ایک طرف خود کو دنیا میں جمہوریت کا علمبردار ظاہر کرتا ہے اور دوسری جانب کشمیر میں انسانی حقوق کی کھلم کھلا خلاف ورزیاں کر رہا ہے۔ انہوں نے کہا کہ بھارت کی خفیہ ایجنسیاں پاکستان کے اندر تخریب کاری، دہشت گردی اور فرقہ واریت کو ہوا دینے میں ملوث ہیں۔ کلبھوشن یادیو جیسے بھارتی جاسوس اس بات کا ثبوت ہیں کہ بھارت پاکستان کے امن کو سبوتاژ کرنے کے لیے ہر حد پار کر چکا ہے۔
طاہر کھوکھر نے کہا کہ پاک فوج نہ صرف ملک کی جغرافیائی سرحدوں کی حفاظت کر رہی ہے بلکہ دہشت گردی، قدرتی آفات اور داخلی خطرات کے خلاف بھی ہر اول دستے کے طور پر کردار ادا کر رہی ہے، ہماری افواج صرف جنگی محاذ پر ہی نہیں بلکہ امن و تعمیر کی راہوں میں بھی سب سے آگے ہیں۔انہوں نے کہا کہ پاکستان کا ہر محب وطن شہری افواج پاکستان کی قربانیوں کا دل سے معترف ہے اور کسی بھی قسم کے منفی پروپیگنڈے میں آنے کے بجائے اس مقدس ادارے کا بھرپور دفاع کرے گا۔ انہوں نے کہا کہ آج وقت ہے کہ ہم ذاتی سیاسی اور مسلکی اختلافات کو بالائے طاق رکھ کر ملکی سلامتی کے لیے ایک ہو جائیں جو قومیں اپنی فوج اور اداروں کے ساتھ کھڑی ہوتی ہیں دشمن ان کا کچھ نہیں بگاڑ سکتا، دشمن کی سازشوں کو ناکام بنانے کے لیے ہمیں ایک متحد قوم بن کر سامنے آنا ہو گا۔
ذریعہ: Islam Times
کلیدی لفظ: پاکستان کے اندر انہوں نے کہا کہ طاہر کھوکھر کہ پاکستان کہ بھارت کے خلاف پاک فوج کہ پاک ہے اور کے لیے
پڑھیں:
ایشیا کپ 2025: بھارت کے خلاف میچ سے قبل پاکستان نے حکمت عملی طے کرلی
ایشیا کپ 2025 کے سپر فور مرحلے میں روایتی حریف بھارت کے خلاف اہم میچ سے قبل پاکستان کرکٹ ٹیم کی مینجمنٹ نے اپنی حکمت عملی طے کر لی ہے۔
یہ بھی پڑھیں: ’پاکستان سے میچ سے قبل فون بند کرکے سو جاؤ‘، بھارتی کپتان کا ٹیم کو مشورہ
میڈیا رپورٹس کے مطابق ٹیم مینجمنٹ اور کپتان کی قیادت میں ایک اہم میٹنگ ہوئی جس میں بھارت کے خلاف پلیئنگ الیون پر تفصیلی مشاورت کی گئی۔ میٹنگ میں نوجوان اوپنر صائم ایوب کے بیٹنگ آرڈر میں تبدیلی پر غور کیا گیا اور انہیں اوپننگ سے ہٹا کر چوتھے نمبر پر کھلانے کا امکان ہے تاکہ ان کی بیٹنگ تکنیک زیادہ مؤثر ثابت ہو۔
دبئی میں بھارت کے میچ سے قبل چئیرمین @MohsinnaqviC42 کی پاکستانی کرکٹرز سے آئی سی سی اکیڈمی میں ملاقات، اتوار کو مشکل مشن کی تکمیل میں مصروف پاکستانی کرکٹ ٹیم بدلہ لینے کے لئے پرعزم pic.twitter.com/lO3sVVStH2
— Abdul Majid Bhatti (@bhattimajid) September 20, 2025
چیئرمین پی سی بی محسن نقوی نے بھی قومی کھلاڑیوں سے اکیڈمی میں ملاقات کی، اس موقع پر قومی کھلاڑیوں نے عزم کا اظہار کیا کہ بھارت سے سابقہ میچ میں شکست کا بدلہ جیت کی صورت میں لیں گے۔
دوسری جانب حسن نواز کو ڈراپ کرنے پر اتفاق کیا گیا ہے اور ان کی جگہ آل راؤنڈر حسین طلعت کو ٹیم میں شامل کرنے کا فیصلہ کیا گیا ہے تاکہ مڈل آرڈر میں استحکام لایا جاسکے۔
یہ بھی پڑھیں: ایشیا کپ، سپر فور میں پاکستان کا بھارت سے اگلا مقابلہ اب کب ہوگا؟
فاسٹ بولنگ کے شعبے میں تجربہ کار شاہین شاہ آفریدی اور حارث رؤف پر انحصار برقرار رکھنے کا فیصلہ کیا گیا ہے۔
پاکستان اور بھارت کے درمیان یہ ہائی وولٹیج مقابلہ کل (اتوار) کو دبئی انٹرنیشنل اسٹیڈیم میں کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایشیا کپ بدلہ بھارت پاکستان پی سی بی حکمت عملی محسن نقوی
بھارت اور امریکا کے درمیان تجارتی مذاکرات کا پہلا مرحلہ ناکام