کابل سے بھارت تک طیارے کے پہیوں میں سفر، 13 سالہ افغان لڑکا زندہ بچ گیا
اشاعت کی تاریخ: 23rd, September 2025 GMT
data-id="863a0a8" data-element_type="widget" data-widget_type="theme-post-content.default">
افغانستان سے تعلق رکھنے والا 13 سالہ لڑکا ایک حیران کن اور خطرناک انداز میں بھارت پہنچ گیا۔
رپورٹس کے مطابق یہ لڑکا قندوز شہر سے تعلق رکھتا ہے اور اُس نے نجی ایئر لائن کی پرواز RQ-4401 کے پہیوں میں چھپ کر کابل سے نئی دہلی کا سفر کیا۔ طیارہ لینڈ ہونے کے بعد لڑکا دہلی ایئرپورٹ کے رن وے پر اکیلا گھومتا ہوا ملا، جسے فوراً بھارتی سیکیورٹی اہلکاروں نے حراست میں لے لیا۔
تحقیقات میں انکشاف ہوا کہ لڑکے نے یہ سفر صرف تجسس کی وجہ سے کیا۔ اُس نے بتایا کہ وہ ایران جانا چاہتا تھا مگر یہ بھی نہیں جانتا تھا کہ جہاز اصل میں نئی دہلی جا رہا ہے۔ بھارتی سیکیورٹی فورسز نے کئی گھنٹے پوچھ گچھ کے بعد اُسے اسی پرواز کے ذریعے واپس کابل بھیج دیا۔ لڑکے کے پاس سے ایک چھوٹا سا سرخ رنگ کا آڈیو اسپیکر بھی ملا۔
بھارتی حکام کے مطابق لڑکا کابل ایئرپورٹ کی سیکیورٹی چیک سے بچ نکلنے میں کامیاب رہا اور مسافروں کے پیچھے پیچھے جہاز کے لینڈنگ گیئر کے خانے میں جا چھپا۔ یہ واقعہ افغانستان کی ایئرپورٹ سیکیورٹی پر بھی بڑے سوالات کھڑا کر رہا ہے، جس پر سرحدی پولیس نے تحقیقات شروع کر دی ہیں۔
ماہرین کا کہنا ہے کہ طیارے کے پہیوں میں چھپ کر سفر کرنا نہایت جان لیوا عمل ہے۔ اس دوران شدید سردی اور آکسیجن کی کمی کے باعث زندہ بچنے کے امکانات بہت کم ہوتے ہیں۔ اکثر افراد لینڈنگ کے وقت پہیے کھلنے پر نیچے گر کر ہلاک ہو جاتے ہیں، جبکہ اس 13 سالہ لڑکے کا زندہ بچ جانا ایک معجزہ قرار دیا جا رہا ہے۔
ویب ڈیسک
شیخ یاسین
ذریعہ: Jasarat News
پڑھیں:
حقائق کی تصحیح: پاکستان بھارت جنگ میں بھارت کے آٹھ طیارے گرے تھے
سٹی42: : امریکی صدر ڈونلڈ ٹرمپ نے ایک بار پھر 6 مئی سے 10 مئی تک پاکستان اور بھارت کی 90 گھنٹے کی جنگ کا ذکر چھیڑ کر اپنے "دفاعی اتحادی" کی دھوتی بیچ بازار کھول دی۔ اس بار صدر ٹرمپ نے پاک بھارت جنگ کا ذکر کرتے ہوئے انکشاف کیا کہ پاکستان نے جنگ میں آٹھ طیارے گرائے تھے۔
صدر ڈونلڈ ٹرمپ نے بھارت اور پاکستان کے درمیان مئی کی جنگ اور حالیہ پر گفتگو کرتے ہوئے انکشاف کیا ہے کہ پاکستان اور بھارت کی جنگ کے دوران آٹھ (8)طیارے گرائے گئے۔
واٹس ایپ صارفین کیلئے خوشخبری ,اب بغیر فون نکالے ایپ استعمال کرنا ممکن
ایک تقریب سے خطاب میں ٹرمپ نے کہا کہ “کچھ اخبارات میں آیا کہ سات یا آٹھ طیارے گرائے گئے، میں کسی اخبار کا نام نہیں لوں گا، کیونکہ زیادہ تر جھوٹی خبریں دیتے ہیں، لیکن حقیقت یہ ہے کہ جنگ کے دوران آٹھ (8)طیارے گرائے گئے۔”
ٹرمپ نے مزید کہا کہ انہوں نے پاکستان اور بھارت دونوں ممالک کو خبردار کیا تھا کہ اگر جنگ کرو گے تو ہم تجارت نہیں کریں گے، جس پر دونوں ملک امن پر رضامند ہوئے۔
یوٹیوبرڈکی بھائی کےمقدمہ میں مبینہ رشوت لینےوالےافسران نےاستعفے دیدیئے
ٹرمپ نے اپنا نیریٹیو دہراتے ہوئے کہا، اپنی صدارت کے دوران محض آٹھ ماہ میں میں نے آٹھ جنگوں کا خاتمہ کیا۔
امریکی صدر نے کہا کہ ان کی قیادت میں امریکہ نے مختصر مدت میں کئی تنازعات ختم کیے۔
چھ اور سات مئی کی درمیانی شب جس وقت بھارت نے پاکستان کی چھ شہروں میں سویلین مساجد پر میزائل مارنے کے لئے درجنوں طیارے اڑائے تھے، پاکستان ائیر فورس نے اس جسارت کا سختی سے جواب دیا، سخت ڈوگ فائٹ ہوئی اور پاکستان نے دشمن کے کئی طیارے گرا دیئے؛ یہ طیارے کتنے تھے؟ دنیا کی سب سے بڑی پاور کے پریذیڈنٹ ڈونلڈ ٹرمپ آج انکشاف کر رہے ہیں کہ انڈیا کے گرائے گئے طیارے آٹھ تھے۔ اس جنگ مین پاکستان ائیر فورس کا کوئی نقصان نہیں ہوا تھا۔ پاکستان کے دفاعی ذرائع اور وزیر دفاع کے ساتھ وزیر اعظم بھی یہ بتا چکے ہیں کہ اس رات پاکستان جارحیت کرنے والے دشمن کا بہت زیادہ نقصٓن کر سکتا تھا لیکن پاکستان نے ریسٹرین سے کام لیا تھا اور صرف پاکستانی حدود کے اندر آنے کی جسارت کرنے والے طیاروں کا پیچھا کر کے انہین مار گرایا تھا لیکن اندیا کی حدود کے اندر بہت گہرائی مین جا کر کارروائی کرنے سے گریز کیا تھا، حالانکہ پاکستان ائیرفورس کے جوان ایسا کر سکتے تھے۔
اپٹما نے وزارت فوڈ سکیورٹی کے خلاف نائب وزیراعظم اسحاق ڈار کو خط لکھ دیا
اس ڈوگ فائیٹ کے دو دن بعد جب بھارت نے اپنی شرم ناک شکست کا بدلہ لینے کی غرض سے پاکستان ائیر فورس کے تین ائیر بیسز پر میزائل مارنے کی کمینی حرکت کی تو پاکستان نے شدید غصے کے ساتھ اس کا جواب دیا اور بھارت کے اندر میزائلوں سے اور ورکنگ باؤنڈری، لائن آف کنٹرول پر توپوں سے حملے کر کے بھارت کو بھیانک سزائیں دیں۔ اس جواب کا سائیبر وار پہلو بھارت کے لئے تباہ کن اور دنیا کے لئے حیران کن تھا، پاکستان نے ڈھائی گھنتوں کے رسپانس میں بھارت کو مفلوج کر ڈالا تھا۔ اور اس کے بعد حملے روک کر دنیا سے کہا تھا کہ بھارت کو سمجھائین کہ مل چکی سزا پر صبر کرے۔ بھارت نے پھر صدر ڈونلڈ ٹرمپ کے مشورے پر یہ ہی کیا کہ مل چکی بھیانک سزا پر صبر کیا، کیونکہ صبر نہ کرتا تو پاکستان دس مئی کی صبح بھارت کو پتھر کے زمانے میں دھکیلنے کے لئے مکمل تیاری کئے بیتھا تھا۔
پنجاب حکومت کے نئے پنشن رولز سے متعلق کیس کی سماعت,جواب طلب
Waseem Azmet
ہنگو پولیس کے قافلے پر بم حملہ، ایس ایچ او سمیت 2 اہلکار زخمی