صدر ٹرمپ اور شہباز شریف کی ملاقات آج وائٹ ہاؤس میں ہوگی، آرمی چیف عاصم منیر بھی شریک ہوں گے
اشاعت کی تاریخ: 25th, September 2025 GMT
وزیراعظم پاکستان میاں محمد شہباز شریف اور امریکی صدر ڈونلڈ ٹرمپ کے درمیان آج واشنگٹن کے وائٹ ہاؤس میں باضابطہ ملاقات ہوگی۔
غیر ملکی میڈیا کے مطابق وزیراعظم پاکستان میاں محمد شہباز شریف اور امریکی صدر ڈونلڈ ٹرمپ کی ملاقات کی وائٹ ہاؤس نے تصدیق کر دی ہے، جو مقامی وقت کے مطابق ساڑھے چار بجے اوول آفس میں منعقد ہوگی۔
ذرائع کے مطابق دونوں رہنماؤں کی اس ملاقات میں عالمی اور علاقائی معاملات پر تفصیلی گفتگو متوقع ہے، جب کہ آرمی چیف جنرل عاصم منیر سمیت دیگر اعلیٰ حکام بھی اس موقع پر وزیراعظم کے ہمراہ ہوں گے۔
ملاقات کے ایجنڈے میں دوطرفہ تعلقات، تجارت، انسداد دہشت گردی میں تعاون، افغانستان کی صورتحال اور خطے کے مجموعی حالات جیسے اہم امور شامل ہیں۔
وزیراعظم شہباز شریف، امریکی صدر سے ملاقات کے بعد اسی روز واپس نیویارک روانہ ہو جائیں گے تاکہ اقوام متحدہ کی جنرل اسمبلی کے اجلاس میں شریک ہو سکیں۔ وہ جمعہ کے روز اجلاس سے خطاب بھی کریں گے، جس میں پاکستان کے موقف اور خطے کی صورتحال پر روشنی ڈالنے کا امکان ہے۔
یاد رہے کہ چند روز قبل نیویارک میں اسلامی ممالک کے رہنماؤں کے ساتھ امریکی صدر ڈونلڈ ٹرمپ کے اجلاس کے دوران بھی وزیراعظم شہباز شریف اور صدر ٹرمپ کی ملاقات ہوئی تھی۔
اس موقع پر دونوں رہنما خوشگوار اور بے تکلف ماحول میں ایک دوسرے سے طویل گفتگو کرتے رہے۔ ملاقات کے دوران امریکی صدر نے نائب وزیراعظم اسحاق ڈار سے بھی مصافحہ کیا اور وزیراعظم شہباز شریف کے ساتھ گفتگو کے اختتام پر ’تھمز اپ‘ کا اشارہ کیا، جسے مثبت پیغام کے طور پر دیکھا گیا۔
اسلامی ممالک کے اجلاس کے دوران وزیراعظم شہباز شریف نے امیر قطر، اردن کے بادشاہ اور انڈونیشیا کے صدر سے بھی علیحدہ ملاقاتیں کیں۔ ان ملاقاتوں میں غزہ میں جنگ بندی کے امکانات اور خطے کے دیگر معاملات پر تفصیلی بات چیت کی گئی۔
.
ذریعہ: Al Qamar Online
کلیدی لفظ: وزیراعظم شہباز شریف امریکی صدر
پڑھیں:
شہباز شریف کی ٹرمپ سے ملاقات طے ہوگئی
وزیراعظم شہباز شریف کی امریکی صدر ڈونلڈ ٹرمپ سے ملاقات طے پاگئی جو کہ وائٹ ہاؤس میں ہوگی۔
نجی ٹی وی کے مطابق نیویارک میں اقوام متحدہ کی جنرل اسمبلی اجلاس میں شریک وزیراعظم پاکستان شہباز شریف کی مختلف ممالک کے سربراہان سے ملاقاتیں ہوں گی۔
ان کی امریکی صدر ڈونلڈ ٹرمپ سے 25 ستمبر کو اہم ملاقات طے پا گئی جو کہ وائٹ ہاؤس میں ہوگی۔
ملاقات کا وقت آئندہ 24 سے 48 گھنٹے میں طے ہوگا، ملاقات دونوں رہنمائوں کے درمیان علیحدہ اور خصوصی نوعیت کی ہوگی، ملاقات میں فیلڈ مارشل عاصم منیر کی بھی شرکت کا امکان ہے۔
افغانستان کی آزادی و خود مختاری کا احترام کرتے ہیں، چین