پاکستان چاہتا ہے کہ افغانستان کی سرزمین دہشتگردی کے لیے استعمال نہ ہو، ترجمان دفتر خارجہ
اشاعت کی تاریخ: 10th, October 2025 GMT
ترجمان دفتر خارجہ نے ہفتہ وار بریفنگ میں بتایا کہ وزیراعظم شہباز شریف نے 5 سے 7 اکتوبر تک ملائیشیا کا سرکاری دورہ کیا، جو ملائیشیا کے وزیراعظم انور ابراہیم کی دعوت پر کیا گیا۔ وزیراعظم کے ہمراہ نائب وزیراعظم و وزیر خارجہ اسحاق ڈار بھی شریک تھے۔ ترجمان کے مطابق ملائیشیا کے وزیراعظم نے شہباز شریف کا پرتپاک استقبال کیا۔
یہ بھی پڑھیں:دہشتگردوں کے لیے کسی قسم کی لچک قابلِ برداشت نہیں، وزیردفاع کا افغانستان کو واضح پیغام
دونوں ممالک نے اعلیٰ سطحی رابطوں کو مستقل بنیادوں پر جاری رکھنے، دفاعی شعبے میں تعاون بڑھانے اور غزہ میں جاری نسل کشی کی شدید مذمت کرنے پر اتفاق کیا۔
پاکستان نے آسیان (ASEAN) کی چیئرمین شپ کے لیے ملائیشیا کی حمایت کا اعلان کیا، جبکہ وزیراعظم شہباز شریف کو لیڈرشپ اور گورننس میں اعزازی ڈگری بھی دی گئی۔
فلسطین پالیسی پر پاکستان کا دوٹوک مؤقفنائب وزیراعظم و وزیر خارجہ اسحاق ڈار نے قومی اسمبلی کو بتایا کہ پاکستان 1967 سے پہلے کی سرحدوں اور القدس الشریف کو فلسطین کا دارالحکومت تسلیم کرنے کی پالیسی پر قائم ہے۔
پاکستان نے صمود فلوٹیلا اور پانچ سو انسانی حقوق کارکنوں کی حراست کی مذمت کرتے ہوئے عالمی برادری سے غزہ میں فوری جنگ بندی کا مطالبہ کیا۔
اس موقع پر سابق سینیٹر مشتاق احمد نے نائب وزیراعظم سے ٹیلی فونک گفتگو میں ان کی بہادری اور کوششوں کو سراہا۔
غزہ امن منصوبہ، خطے کی صورتحال اور سفارتی رابطےترجمان دفتر خارجہ کے مطابق نائب وزیراعظم و وزیر خارجہ اسحاق ڈار نے 4 اکتوبر کو سعودی اور مصری وزرائے خارجہ سے غزہ امن منصوبے کے حوالے سے ٹیلی فونک گفتگو کی اور سعودی وزیر خارجہ کی کوششوں کو سراہا۔
یہ بھی پڑھیں:لیہہ میں مظاہرین کی ہلاکتیں انسانی حقوق کی سنگین خلاف ورزی ہیں، دفتر خارجہ
یکم اکتوبر کو انہوں نے ایرانی وزیر خارجہ سے بھی بات چیت کی، جبکہ پاکستان کے ایمبیسیڈر محمد صادق نے ماسکو میں چار ملکی فارمیٹ ڈائیلاگ میں پاکستان کی نمائندگی کی۔
افغانستان کی خودمختاری اور پاکستان کا مؤقفافغانستان کے بھارت سے تعلقات سے متعلق سوال پر ترجمان دفتر خارجہ نے کہا کہ افغانستان ایک خودمختار ملک ہے اور اپنی خارجہ پالیسی میں آزاد ہے۔
تاہم پاکستان یہ چاہتا ہے کہ افغان سرزمین کسی بھی صورت دہشتگردی کے لیے استعمال نہ ہو۔
افغانستان میں پاکستانی فوج کے مبینہ حملے کے سوال پر ترجمان نے کہا کہ پاکستان کی مسلح افواج انٹیلی جنس بنیادوں پر دہشتگردوں کو نشانہ بناتی ہیں۔
ترجمان نے واضح کیا کہ پاکستان افغانستان کی خودمختاری کا احترام کرتا ہے اور اپنے عوام کے تحفظ کے لیے پُرعزم ہے۔
امیر خان متقی کے دورے سے متعلق وضاحتترجمان دفتر خارجہ نے بتایا کہ افغانستان کے وزیر خارجہ امیر خان متقی کا اگست میں پاکستان کا کوئی دورہ شیڈول نہیں تھا۔
یہ بھی پڑھیں:امن نوبیل انعام 2025: صدر ٹرمپ پر سبقت پانے والی ماریا کورینا کون ہیں؟
انہوں نے کہا کہ بعض میڈیا رپورٹس غلط فہمی پر مبنی ہیں، پاکستان اور افغانستان کے تعلقات باہمی احترام اور رابطوں پر مبنی ہیں۔
امریکا سے تعلقات اور نوبل انعام کی نامزدگیپسنی میں امریکی بندرگاہ سے متعلق سوال پر ترجمان نے کہا کہ پاکستان اور امریکا کے تعلقات باہمی احترام پر مبنی ہیں۔
انہوں نے مزید بتایا کہ صدر ٹرمپ نے پاکستان اور بھارت کے درمیان جنگ بندی میں اہم کردار ادا کیا تھا، اسی لیے انہیں نوبل انعام کے لیے نامزد کیا گیا۔
4 مارچ 2024 کو محمد پہلوان سمیت آٹھ پاکستانیوں کو امریکا میں سزا سنائے جانے کے بعد انہیں ایمرجنسی سفری دستاویزات جاری کر دی گئی ہیں۔
غزہ سیز فائر میں پاکستان کا مثبت کردارترجمان دفتر خارجہ نے کہا کہ پاکستان غزہ سیز فائر عمل کا حصہ تھا اور اس نے امن کے قیام میں تعمیری کردار ادا کیا۔
انہوں نے کہا کہ پاکستان دنیا بھر میں انسانی حقوق اور عالمی امن کے فروغ کے لیے اپنی کوششیں جاری رکھے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان پاکستان ترجمان دفتر خارجہ دفتر خارجہ.ذریعہ: WE News
کلیدی لفظ: افغانستان پاکستان ترجمان دفتر خارجہ دفتر خارجہ ترجمان دفتر خارجہ نے نے کہا کہ پاکستان میں پاکستان پاکستان کا بتایا کہ انہوں نے کے لیے
پڑھیں:
دہشتگردی کی روک تھام کے لیے افغانستان پر بڑھتا عالمی دباؤ اور پاک افغان کشیدگی میں ثالث ممالک کا کردار
عالمی طاقتیں اور خطّے کے اہم ممالک پاک افغان کشیدگی ختم کرانے کے لیے سرگرم ہیں اور ساتھ ہی ساتھ وہ افغانستان میں دہشتگردی کی پناہ گاہوں کے بارے میں تشویش کا اظہار بھی کرتے ہیں، جس حقیقت سے افغانستان نظریں چراتا ہوا دکھائی دیتا ہے۔ لیکن عالمی دباؤ خطے سے دہشتگردی کے خاتمے کے لیے کتنا مؤثر ثابت ہو سکے گا، اس بات کا اندازہ اس چیز سے لگایا جا سکتا ہے کہ پاکستان سمیت خطے کے دیگر اہم ممالک، جن میں روس، چین اور ایران شامل ہیں، وہ بھی گزشتہ 3-4 برس میں افغان سرزمین سے ہونے والی دہشتگردی کا شکار ہوئے ہیں۔
یہ بھی پڑھیں:افغانستان میں دہشتگرد تنظیموں کے بڑھتے اثر و رسوخ پر روس کی وارننگ
عالمی طاقتیں اور خطے کے اہم ممالک اس نقطے پر متفق نظر آتے ہیں کہ افغان سرزمین دہشتگردی کے لیے استعمال نہیں ہونی چاہیے۔ اس تحریر میں ہم نے اس مسئلے سے متعلق تازہ ترین عالمی نقطہ نظر کا جائزہ لیا ہے۔
پاکستان کا مؤقف اور ترک و ایرانی کوششوں کا خیرمقدم21 نومبر کو ترجمان دفترِ خارجہ طاہر اندرابی نے واضح کیا کہ وہ پاکستان اور افغانستان کے درمیان کشیدگی کم کرانے کے لیے برادر ملک ترکیہ اور ایران کی کوششوں کے ساتھ ساتھ روس کی کوششوں کا بھی خیرمقدم کرتے ہیں۔
انہوں نے کہا کہ پاکستان اور افغانستان کے مابین کشیدگی ختم کرانے کے لیے ترکیہ نے اعلیٰ سطحی وفد کا اعلان کیا تھا لیکن اس کے آنے کی تاریخ ابھی طے نہیں ہوئی، تاہم تاخیر کے معاملے کو پاکستان یا افغانستان کے عدم تعاون سے نہ جوڑا جائے۔
میڈیا رپورٹس کے مطابق ترک اعلیٰ سطحی وفد، جس میں ترک وزیرخارجہ خاکان فیدان، ترک وزیر دفاع اور ترک انٹیلی جنس چیف شامل ہوں گے، اگلے ہفتے پاکستان کا دورہ کرے گا۔
افغان سرزمین دہشتگردی کے لیے استعمال نہ ہوپاکستانی دفترِ خارجہ سے جاری ایک بیان کے مطابق نائب وزیراعظم و وزیرِ خارجہ اسحاق ڈار، جو برسلز میں پاکستانی سفارتی وفد کی قیادت کر رہے تھے، اُن کے اور یورپی یونین کے اعلیٰ سطحی نمائندہ برائے خارجہ امور و سکیورٹی پالیسی کے درمیان مذاکرات کے بعد مشترکہ اعلامیے میں افغان طالبان رجیم پر زور دیا گیا کہ وہ افغان سرزمین سے دہشتگردی کے خاتمے کے مشترکہ ہدف کے حصول میں تعمیری کردار ادا کریں۔
یہ بھی پڑھیں:پراکسی وار کبھی ختم نہیں ہوئی، بھارت افغانستان کے راستے پاکستان کو متاثر کرنے کی کوشش کر رہا ہے، خواجہ آصف
مشترکہ اعلامیے میں کہا گیا کہ وزیروں نے پاکستان اور افغانستان کے تعلقات پر اکتوبر 2025 کی سرحدی کشیدگی کے تناظر میں گفتگو کی اور خطے میں امن، استحکام، خوشحالی اور پڑوسیوں کے درمیان بات چیت کے ذریعے مسائل کے حل کے اپنے عزم کا اعادہ کیا۔
اعلامیے میں مزید کہا گیا کہ افغانستان کی بگڑتی ہوئی سماجی و معاشی صورتحال پر تشویش کا اظہار کیا گیا اور ایک پُرامن، مستحکم اور خود مختار افغانستان کی حمایت کی گئی، جو علاقائی استحکام میں کردار ادا کرے۔ اقوام متحدہ کی سربراہی میں جاری ’دوحہ عمل‘ اور طالبان کی بین الاقوامی برادری سے کی گئی وعدہ بندیوں کے مطابق قابلِ اعتماد سیاسی عمل کی ضرورت پر زور دیا گیا۔
یورپی یونین نے افغان مہاجرین کی طویل میزبانی پر پاکستان کی تعریف کی اور کہا کہ کسی بھی واپسی کا عمل محفوظ، باعزت اور عالمی معیار کے مطابق ہونا چاہیے۔ دونوں فریقوں نے خواتین، بچیوں اور کمزور طبقات کے انسانی حقوق کے تحفظ پر زور دیا۔
اقوام متحدہ میں ڈنمارک کا اظہارِ تشویشاقوام متحدہ کی سلامتی کونسل کے اجلاس میں ڈنمارک نے خطے میں سرگرم تحریک طالبان پاکستان (ٹی ٹی پی) کو جنوبی اور وسطی ایشیا کے لیے سنگین خطرہ قرار دیتے ہوئے تشویش ظاہر کی۔ ڈنمارک کی نائب مستقل مندوب سینڈرا جینسن لانڈی نے بتایا کہ ٹی ٹی پی کے تقریباً چھ ہزار جنگجو افغان سرزمین پر موجود ہیں، جو پاکستان کے خلاف متعدد حملوں میں ملوث ہیں۔
ڈنمارک نے کہا کہ ٹی ٹی پی کو افغانستان کی ڈی فیکٹو حکام کی جانب سے مالی اور لاجسٹک تعاون حاصل ہے، جس کے باعث گروہ نہ صرف اپنی قوت برقرار رکھے ہوئے ہے بلکہ سرحد پار حملوں کی منصوبہ بندی بھی جاری ہے۔
یہ بھی پڑھیں:افغانستان دہشتگردوں کی محفوظ پناہ گاہیں، کالعدم ٹی ٹی پی کن علاقوں میں موجود ہے؟
اجلاس میں سلامتی کونسل پر زور دیا گیا کہ ٹی ٹی پی کی بڑھتی ہوئی سرگرمیوں کے خلاف مؤثر اقدامات یقینی بنائے جائیں تاکہ خطے کو مزید خطرات سے محفوظ رکھا جا سکے۔
علی لاریجانی کا دورۂ پاکستان، پاک افغان تناظر بھی زیر بحث آ سکتا ہےپاکستان کے لیے آئندہ ہفتہ سفارتی لحاظ سے خاصا مصروف رہنے کی توقع ہے، کیونکہ اس ہفتے نہ صرف ترک اعلیٰ سطحی وفد کی آمد متوقع ہے بلکہ ایران کے قومی سلامتی کے مشیر علی لاریجانی بھی پاکستان آ رہے ہیں۔
پاکستان میں ایرانی خبر رساں ادارے کے بیورو چیف افضل رضا کے مطابق یہ دورہ دوطرفہ نوعیت کا ہے، تاہم پاک افغان تعلقات بھی زیر بحث آ سکتے ہیں کیونکہ ایران اس معاملے میں ثالثی کی پیشکش کر چکا ہے۔
ایران اور روس کی مشترکہ کوششیںروس نے حالیہ سرکاری بیانات میں پاکستان اور افغانستان کے درمیان ثالثی کی پیشکش کی ہے، جبکہ ایران نے پاکستان، چین، روس اور ایران پر مشتمل علاقائی اجلاس بلانے کی تجویز دی ہے۔ اگر یہ علاقائی کوششیں کامیاب ہوتی ہیں تو یہ قیامِ امن کے لیے پیش رفت ثابت ہو سکتی ہے۔
چین کا مؤقفچین نے افغان سرزمین سے ہونے والی دہشتگردی پر ہمیشہ تشویش کا اظہار کیا ہے، خاص طور پر ایسٹ ترکستان اسلامک موومنٹ اور تحریک طالبان پاکستان جیسے گروہوں کی وجہ سے، جو چین کی قومی سلامتی کو متاثر کر سکتے ہیں۔
2025 میں چین نے اپنا مؤقف مزید واضح کرتے ہوئے کہا کہ افغان حکومت کو اپنی سرزمین کو دہشتگردی کے لیے استعمال ہونے سے روکنے کے لیے اقدامات کرنے چاہییں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار افغانستان پاک افغان پاکستان ٹی ٹی پی چین روس یورپی یونین
عوام کے مسائل کو وسائل کے اندر رہ کر حل کرنا ہے: فیصل راٹھور