ٹی ایل پی کو اہل غزہ سے کوئی ہمدردی نہیں، احتجاج مذہبی سیاست کو زندہ رکھنے کی کوشش ہے، سوشل میڈیا پر بحث
اشاعت کی تاریخ: 11th, October 2025 GMT
مذہبی سیاسی جماعت تحریک لبیک پاکستان (ٹی ایل پی) کی جانب سے امریکی سفارتخانے کی طرف مارچ کی کال کے باعث راولپنڈی اسلام آباد میں راستے سیل ہیں، جبکہ پنجاب کے مختلف علاقوں میں بھی ہنگامی صورت حال ہے۔
یہ بھی پڑھیں: تحریک لبیک کے احتجاج سے اسلام آباد میں زندگی مفلوج، باپ بیمار بچی کو اٹھائے بھاگتا رہا، ویڈیو وائرل
تحریک لبیک پاکستان لاہور سے اسلام آباد کی جانب مارچ کررہی ہے، جسے روکنے کے لیے پولیس اور دیگر قانون نافذ کرنے والے اداروں نے مختلف مقامات پر رکاوٹیں کھڑی کرکے شاہراہوں کو بند کیا ہوا ہے، جس کے باعث لوگوں کو مشکلات کا سامنا کرنا پڑ رہا ہے۔
ٹی ایل پی کا مؤقف ہے کہ وہ فلسطین کے عوام کے ساتھ اظہار یکجہتی کرنے آ رہے ہیں، لیکن سوشل میڈیا پر عوام سوال اٹھا رہے ہیں کہ جب فلسطین میں اسرائیل گولہ باردو برسا رہا تھا، تب یہ مذہبی جماعت خاموش تھی، اب جب وہاں امن معاہدہ ہوگیا ہے تو ان کو یکجہتی کیوں یاد آگئی؟
معروف صحافی اطہر سلیم نے سوشل میڈیا پر ایک پوسٹ میں لکھا کہ تحریک لبیک پاکستان کوئی جماعت نہیں بلکہ ایک جتھہ ہے، جب حماس نے امن منصوبہ قبول کرلیا، تو پاکستان میں ہنگامہ کیوں؟
ٹی ایل پی ایک منافق اور مفاد پرست مولویوں کا جتھہ ہے! جب حماس نے امن منصوبہ قبول کر لیا، تو پاکستان میں ہنگامہ کیوں؟ ٹی ایل پی کا احتجاج دراصل مذہبی سیاست کو زندہ رکھنے اور میڈیا میں جگہ بنانے کی کوشش ہے۔ pic.
— Ather Salem® (@Atharsaleem01) October 10, 2025
انہوں نے مزید لکھا کہ ٹی ایل پی کا احتجاج دراصل مذہبی سیاست کو زندہ رکھنے اور میڈیا میں جگہ بنانے کی کوشش ہے۔
واضح رہے کہ ٹی ایل پی کے مارچ میں موجود مسلح شرپسند عناصر قانون نافذ کرنے والے اداروں پر حملے کررہے ہیں، جبکہ ایمبولیسنز کو بھی راستہ نہیں دیا جارہا۔
یہ بھی پڑھیں: چیف جسٹس کو قتل کی دھمکی دینے پر تحریک لبیک پاکستان کے نائب امیر ظہیرالحسن شاہ گرفتار
سوشل میڈیا صارفین کی جانب سے حکومت سے اپیل کی گئی ہے کہ ہر صورت میں ریاست کی رٹ بحال رہنی چاہیے، کسی کو بھی اس بات کی اجازت نہیں دی جا سکتی کہ وہ سسٹم کو یرغمال بنا لے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تحریک لبیک پاکستان ٹی ایل پی احتجاج راولپنڈی اسلام آباد عوام کو مشکلات موبائل فون سروس بند وی نیوزذریعہ: WE News
کلیدی لفظ: تحریک لبیک پاکستان ٹی ایل پی احتجاج راولپنڈی اسلام ا باد عوام کو مشکلات موبائل فون سروس بند وی نیوز تحریک لبیک پاکستان سوشل میڈیا ٹی ایل پی
پڑھیں:
مذہبی جماعت احتجاج، پولیس کے 112 جوان زخمی، کئی لاپتا
تھانے پر حملہ،مظاہرین نے اہلکاروں کو یرغمال بنالیا، سرکاری املاک کو نقصانپہنچایا
جب ملک ترقی کرتا ہے کوئی نہ کوئی گروہ انتشار کی کوشش کرتا ہے،ڈی آئی جی پنجاب
ڈی آئی جی آپریشنز فیصل کامران کا کہنا ہے کہ مذہبی جماعت کے احتجاج کے باعث پولیس کے 112 جوان زخمی اور کئی اہلکار لاپتا ہیں۔ڈی آئی جی آپریشنز فیصل کامران نے لاہور میں پریس کانفرنس کرتے ہوئے کہا کہ اطلاعات اور ویڈیوز ہیں کہ مظاہرین نے اہلکاروں کو یرغمال بنا رکھا ہے، سرکاری املاک کو بھی نقصان پہنچایا گیا ہے، ان کے ہاتھ میں جو چیز آتی ہے اس کو تباہ کرتے جاتے ہیں۔انہوں نے کہا کہ مذہبی جماعت کی جانب سے پرتشدد احتجاج کیا جارہا ہے، جب بھی ملک ترقی کرتا ہے کوئی نہ کوئی گروہ انتشار کی کوشش کرتا ہے، برائے نام ایشو پر احتجاج کا سلسلہ شروع کیا گیا، ایسا کوئی راستہ نہیں اپنایا گیا جس سے شہر محفوظ ہو۔فیصل کامران نے کہا کہ ہم نے کسی بھی موقع پر بات چیت کے دروازے بند نہیں کیے، شہری ون فائیو پر شکایات کررہے ہیں کہ ان کی گاڑیاں چھینی جارہی ہیں، مذہبی سیاسی جماعت کے کارکنان شہریوں اور ان کی املاک کو نقصان پہنچا رہے ہیں۔ڈی آئی جی آپریشنز نے کہا کہ احتجاج کی وجہ سے عام شہریوں کی زندگی متاثر ہورہی ہے، کارکنان نے تھانے پر بھی حملہ کیا، یہ جتھے جہاں جارہے ہیں وہاں توڑ پھوڑ کررہے ہیں، مجھے سمجھ نہیں آیہ یہ جتھے کس طرح کا احتجاج کررہے ہیں۔انہوں نے کہا کہ شہریوں کی حفاظت کے لیے پولیس اپنا کام کرتی رہے گی، جہاں بات چیت ہوسکتی ہے وہاں بھی ہم حاضر ہیں جو شہریوں کو نقصان پہنچائے گا اس سے ہم نمٹیں گے۔
جڑواں شہروں میں پلاسٹک آلودگی انسانی صحت کے لئے بڑا چیلنج بن گئی