نوجوان نسل میں بے انتہا تخلیقی صلاحیتیں ہیں۔ڈاکٹرافتخار ملک
اشاعت کی تاریخ: 16th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر )پاکستان کے نوجوانوں میں بے انتہا تخلیقی صلاحتیں ہیں۔حرف عقیدت محمد ؐ پر کیلی گرافی نمائش مثبت اقدام اور قابل تعریف ہے ۔حکومتی ادارے اور سماجی تنظیمیں آرٹسوں کی سرپرستی کریں ۔کیلی گرافک آرٹسوں نے قلم کی حرمت کا پاس رکھا ہے ۔یہ بات ملک کے نامور دانشور ،شاعر ڈاکٹر افتخار احمد ملک ایڈووکیٹ نے وی ٹرسٹ گلشن اقبال میں می اینڈ مائی کے زیراہتمام حرف عقیدت محمد ؐ پر کیلی گرافی نمائش میںبطور مہمان خصوصی خطاب کرتے ہوئے کہی ۔اس موقع پر ملک کے نامور خطاط انور انصاری ،جاوید قمر ،نمائش کے آرگنائزر نامور آرٹسٹ طارق ٹونکی ،خالد سبا ء،اسماء عفیفہ ،قاسم جمال ،بصر اے صدیقی، عبدالکریم ،شہزاد کہتری ،طیبہ آصف ،محمد علی ،لاہور سے تشریف لائے ہوئے معروف آرٹسٹ قاری محمد اظہرودیگر نے خطاب کیا ۔اس موقع پر اول انعام کرن ،دوئم قرۃ العین ،سوئم آرمیش اورخصوصی انعام عبداللہ زاہدہ نے حاصل کیا ۔پوزیشن حاصل کرنے والے آرٹسٹ کو ایوارڈ اور کیش انعام بھی دیا گیا ۔مہمان خصوصی ڈاکٹر افتخار احمد ملک ایڈووکیٹ نے اپنے خطاب میں کہا کہ کیلی گرافک ایک ہنر ہے ایسے تخلیق کاروں کی ہمیں سرپرستی کرنا چاہیے ۔حکومتی ادارے اسکولوں میں کیلی گرافک کی تعلیم دیں ۔پاکستان میں اعلی پائے کے آرٹسٹ پیدا ہوئے ہیں ہمیں نوجوان نسل کو بھی آگے لانا چاہیے ۔حرف عقیدت محمد ؐ پر کیلی گرافی نمائش ایک کارنامہ اور حضور ؐ سے عقیدت اور محبت کا عملی نمونہ ہے ۔ملک کے نامور خطاط اور شاعر استاد انور انصاری نے کہا کہ ان کی زندگی رنگوں کے درمیان گزری ہے ۔مجھے خوشی ہے کہ نوجوان نسل میں کیلی گرافی کا شوق ہے اور یہاں بہترین کام سامنے آیا ہے ۔نمائش کے آرگنائزر طارق ٹونکی نے کہا کہ یہ ہماری تیسری نمائش ہے ہم ہرماہ اس طرح کی نمائشوں کا انعقاد کرتے رہے گے ،پروگرام آرگنائزر خالد سباء نے کہا کہ نوجوان نسل میں بہت ٹیلنٹ ہے ہم اس ٹیلنٹ کو آگے لائینگے اور ان کی بھرپور سرپرستی کی جائے گی ۔اسماء عفیفہ نے کہا کہ می اینڈ مائی کیلی گرافی آرٹسوں کی تربیت کا کام کررہی ہے اور ہم کالج ،یونی ورستیوں میں بھی اس طرح کی نمائش کا انعقاد کررہے ہیں ۔معروف صحافی ،کالم نگار سماجی رہنما قاسم جمال نے کہا کہ تخلیق کار بہت محنت سے پیدا ہوتے ہیں ہمیں پاکستان کے اس قیمتی سرمائے کی حفاظت بھی کرنی ہے اور ان کی سرپرستی بھی کرنی چاہیے۔
ذریعہ: Jasarat News
کلیدی لفظ: نوجوان نسل
پڑھیں:
فوجی سفاکیت کی انتہا؛ 2نہتے فلسطینیوں کو بھون ڈالا؛ ویڈیو وائرل
مغربی کنارہ (ویب ڈیسک) اسرائیلی سیکیورٹی فورسز کی فائرنگ میں دو نہتے فلسطینی شہید ہوگئے۔غزہ کے بعد اسرائیلی فوج نے اب مغربی کنارے کو بھی اپنی سفاکیت، جارحیت اور مشقِ جنگ کا نیا مرکز بنالیا۔
عالمی خبر رساں ادارے کے مطابق مقبوضہ مغربی کنارے کے علاقے جنین میں ایک چھاپہ مار کارروائی کے دوران اسرائیلی سیکیورٹی فورسز نے انسانی حقوق کی خلاف ورزی کی تمام حدیں پار کرلیں۔
اسرائیلی سیکیورٹی فورسز کے اہلکار سرچ آپریشن کے لیے ایک عمارت پر پہنچے تھے جس کے گیراج سے دو فلسطینی نوجوان ہاتھ اُٹھائے باہر آتے ہیں اور دونوں کے پاس اسلحہ بھی نہیں ہوتا۔
صیہونی سیکیورٹی فورسز کے جارح مزاج اہلکاروں نے دونوں نوجوانوں کو زمین پر بٹھایا اور پوچھ گچھ کے بعد دوبارہ گیراج میں جانے کی ہدایت کی۔ جیسے ہی نوجوان اندر جانے کے لیے مڑے۔ گولیوں کی ترتراہٹ سے فضا گونج اُٹھی۔
جس کے دوران دونوں فلسطینی نوجوان گولیاں لگنے سے موقع پر ہی شہید ہوگئے۔ سامنے کی عمارت سے کسی نے اس دردناک لمحے کی ویڈیو بناکر سوشل میڈیا پر ڈال دیا اور اسرائیلی سیکیورٹی فورسز کا چہرہ بے نقاب کردیا۔
ویڈیو وائرل نہ ہوتی تو یہ سفاکانہ عمل بھی ایسے ہزاروں قتل کے ساتھ ہمیشہ کے لیے دب جاتا لیکن ایسا نہ ہوسکا۔ جس پر چار و ناچار اسرائیلی اسٹیٹ اٹارنی نے گولی مارنے والے اہلکار خلاف فوجداری تحقیقات شروع کر دیں۔
ویڈیو وائرل ہونے کے بعد فرانس، جرمنی، اٹلی اور برطانیہ نے مشترکہ بیان میں اسرائیل سے مغربی کنارے میں پرتشدد اقدامات روکنے، بستیوں کی توسیع واپس لینے اور فلسطینی اتھارٹی کے روکے گئے ٹیکس فنڈز بحال کرنے کا مطالبہ کیا۔
فلسطینی میڈیا کے مطابق شہید ہونے والوں کی شناخت 26 سالہ محمود قاسم عبداللہ اور 37 سالہ یوسف عساسہ کے نام سے ہوئی۔
اسرائیل کا دعویٰ ہے کہ دونوں مشتبہ افراد دھماکوں اور فائرنگ کے حملوں میں ملوث تھے اور جنین کی اسلامک جہاد سے منسلک ہیں جس کی تصدیق اسلامک جہاد نے کی۔
اقوامِ متحدہ نے اور فلسطینی اتھارٹی نے اس واقعے کی مذمت کرتے ہوئے اسے جنگی جرم قرار دیا اور عالمی تحقیقات کا مطالبہ کیا۔
دوسری جانب اسرائیلی وزیر قومی سلامتی ایتمار بن گویر نے ملوث اہلکاروں کی بھرپور حمایت کی اور کہا کہ دہشتگردوں کو مار دینا چاہیے۔
خیال رہے کہ 7 اکتوبر 2023 میں حماس کے اسرائیل پر حملے کے بعد سے مغربی کنارے میں بھی فوجی کارروائیوں میں بڑا اضافہ ہوا ہے۔
مغربی کنارے میں اسرائیلی فوج کی ان کارروائیوں میں اب تک ایک ہزار سے زائد فلسطینی شہید ہوچکے ہیں۔
جس پر اسرائیل کا کہنا ہے کہ زیادہ تر ہلاکتیں مسلح افراد یا مظاہرین سے جھڑپوں کے دوران ہوئے ہیں۔
ضمنی الیکشن میں جیت نوازشریف کے نام کرتی ہوں: مریم نواز