سپریم کورٹ بار ایسوسی ایشن انتخابات، عاصمہ جہانگیر گروپ کو واضح برتری
اشاعت کی تاریخ: 17th, October 2025 GMT
اسلام آباد:
سپریم کورٹ بار ایسوسی ایشن کے سالانہ انتخابات میں غیر حتمی نتیجہ کے مطابق عاصمہ جہانگیر گروپ کے صدارتی امیدوار ہارون الرشید کو 373 ووٹوں کی واضح برتری حاصل ہوگئی ہے۔
ایکسپریس نیوز کے مطابق سپریم کورٹ بار ایسوسی ایشن کے سالانہ انتخابات میں صدارت کے لیے عاصمہ جہانگیر گروپ کے ہارون الرشید اور حامد خان گروپ کے توفیق آصف کے درمیان مقابلہ ہوا اور ہارون الرشید کو واضح برتری حاصل ہو گئی ہے۔
غیر حتمی نتیجے کے مطابق خیبرپختونخوا کے تمام پولنگ اسٹیشنز پر بھی عاصمہ جہانگیر گروپ کے صدارتی امیدوار ہارون الرشید کو واضح برتری حاصل ہوئی اور غیر حتمی نتیجے کے مطابق کوئٹہ پولنگ اسٹیشن میں 225 ووٹ ڈالے گئے جہاں ہارون الرشید نے 120 ووٹ لیے جبکہ توفیق آصف نے 101 ووٹ لے سکے۔
غیرحتمی نتیجے کے مطابق سکھر سے ہارون الرشید کے 55 اور توفیق آصف کے 15ووٹ رہے، بنوں میں ہارون الرشید کے 25 ووٹ جبکہ توفیق آصف کو 5 ووٹ ملے، سوات سے عاصمہ جہانگیر گروپ کے ہارون الرشید کو 27 اور حامد خان گروپ کے امیدوار توفیق آصف کے 23 ووٹ لے سکے۔
لاہور رجسٹری سے عاصمہ جہانگیر گروپ کے ہارون الرشید نے 629 ووٹ حاصل کیے، حامد خان گروپ کے توفیق آصف نے 431 ووٹ حاصل کیے، لاہور رجسٹری سے عاصمہ جہانگیر گروپ کے ہارون الرشید کو 198 ووٹ کی برتری حاصل رہی۔
ملتان پولنگ اسٹیشن سے ہارون الرشید 135 ووٹ لیکر آگے رہے، توفیق آصف 115 ووٹ لے سکے، ڈیرہ اسماعیل خان میں ہارون رشید 23، توفیق آصف 17 ووٹ حاصل کرسکے، سوات میں ہارون الرشید 27 جبکہ توفیق آصف 23 ووٹ حاصل کرسکے۔
پشاور میں ہارون الرشید کو 186 اور توفیق آصف کو 181 ووٹ ملے، ایبٹ آباد سے ہارون الرشید 55، توفیق آصف نے 19 ووٹ حاصل کیے، حیدرآباد سے ہارون الرشید کو 64 اور توفیق آصف کو 33 ووٹ ملے۔
غیرحتمی نتیجے کے مطابق کراچی سے ہارون الرشید کے 196 جبکہ توفیق آصف کے 184 ووٹ ملے، ملتان میں ہارون الرشید 137، توفیق آصف 112 ووٹ ملے۔
اسلام آباد کی پرنسپل سیٹ سے توفیق آصف نے 359 ووٹ لیے اور ہارون الرشید 341 ووٹ حاصل کرسکے۔
Tagsپاکستان.
ذریعہ
ذریعہ: Al Qamar Online
کلیدی لفظ: پاکستان میں ہارون الرشید ہارون الرشید کو سے ہارون الرشید نتیجے کے مطابق جبکہ توفیق آصف توفیق آصف نے توفیق آصف کے واضح برتری ووٹ حاصل ووٹ ملے
پڑھیں:
یو اے ای ویزا آن ارائیول کی نئی شرائط اور فیس جاری
دبئی: یو اے ای ویزا آن ارائیول سے متعلق متحدہ عرب امارات نے نئی شرائط، فیس اور درخواست کے طریقہ کار کی تفصیلات جاری کر دی ہیں۔ نئی ہدایات کے تحت مخصوص ممالک کے اہل شہری امارات پہنچنے پر 14 یا 60 روزہ ویزا حاصل کر سکیں گے، تاہم اس کے لیے مقررہ شرائط پر پورا اترنا لازمی ہوگا۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق بھارت، انڈونیشیا، ویتنام، تھائی لینڈ، فلپائن، کینیا اور جنوبی افریقہ کے شہری، اور ان کے ہمراہ سفر کرنے والے اہل خانہ، اس سہولت سے فائدہ اٹھا سکتے ہیں۔
حکام کے مطابق درخواست گزار کے پاس کم از کم چھ ماہ کے لیے کارآمد پاسپورٹ، سفید پس منظر والی حالیہ رنگین تصویر اور امریکا، برطانیہ، یورپی یونین، کینیڈا، آسٹریلیا، نیوزی لینڈ، جاپان، جنوبی کوریا یا سنگاپور کی جانب سے جاری کردہ قابل قبول رہائشی پرمٹ یا ویزا ہونا ضروری ہے۔
اعلامیے کے مطابق 14 روزہ ویزا آن ارائیول کو صرف ایک مرتبہ مزید 14 دن کے لیے توسیع دی جا سکتی ہے، جبکہ 60 روزہ ویزا میں توسیع کی سہولت دستیاب نہیں ہوگی۔
جی ڈی آر ایف اے نے بتایا کہ ویزا کے لیے درخواست اس کی سرکاری ویب سائٹ یا اسمارٹ ایپ کے ذریعے جمع کرائی جا سکتی ہے۔ درخواست کی منظوری کے بعد ویزا رجسٹرڈ ای میل پر ارسال کیا جائے گا، جبکہ عام طور پر درخواستوں پر 48 گھنٹوں کے اندر کارروائی مکمل کر لی جاتی ہے۔
فیس کے حوالے سے جاری تفصیلات کے مطابق 14 روزہ ویزا آن ارائیول کی فیس 172.50 درہم جبکہ 60 روزہ ویزا کی فیس 422.50 درہم مقرر کی گئی ہے۔
جی ڈی آر ایف اے کا کہنا ہے کہ اس سہولت کا مقصد بین الاقوامی مسافروں کے لیے سفری عمل کو مزید آسان بنانا، سیاحت کو فروغ دینا اور زیادہ سے زیادہ سیاحوں کو متحدہ عرب امارات کی جانب راغب کرنا ہے۔
ادارے کے اعداد و شمار کے مطابق سال 2026 کے پہلے چھ ماہ کے دوران اس پروگرام کے تحت 73 ہزار 551 ویزے جاری کیے جا چکے ہیں، جو اس سہولت کی بڑھتی ہوئی مقبولیت کی نشاندہی کرتے ہیں۔
اہم وضاحت: جاری کردہ شرائط میں پاکستانی پاسپورٹ ہولڈرز شامل نہیں ہیں۔ یہ سہولت صرف ان مخصوص ممالک کے شہریوں کے لیے ہے جن کا جی ڈی آر ایف اے نے اعلان کیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار