نادرا کا اہم فیصلہ، بیرونِ ملک پاکستانیوں کے لیے این آئی سی او پی منسوخی فیس ختم
اشاعت کی تاریخ: 17th, October 2025 GMT
نادرا (نیشنل ڈیٹا بیس اینڈ رجسٹریشن اتھارٹی) نے بیرونِ ملک پاکستانیوں کے قومی شناختی کارڈ (NICOP) کی منسوخی پر فیس ختم کر دی ہے۔ یہ سہولت کسی پاکستانی شہری کے انتقال کی صورت میں لواحقین کے لیے عمل کو آسان اور تیز تر بنانے کے لیے فراہم کی گئی ہے۔
وفاقی وزیرِ داخلہ کی ہدایت پر نئی پالیسی نافذ
یہ نئی پالیسی وفاقی وزیرِ داخلہ محسن نقوی کی ہدایت پر متعارف کرائی گئی ہے، جس کے تحت لواحقین اب انتقال کی رجسٹریشن کے بعد بغیر کسی فیس کے مرحوم کا این آئی سی او پی منسوخ کرا سکتے ہیں۔ یہ سہولت یونین کونسل یا پاکستانی سفارت خانے کے ذریعے رجسٹریشن کے بعد حاصل کی جا سکتی ہے۔
آن لائن اور ایپ کے ذریعے آسان طریقہ کار
نادرا کے مطابق منسوخی کا عمل اب Pak-ID موبائل ایپ کے ذریعے یا کسی بھی نادرا سینٹر پر جا کر مکمل کیا جا سکتا ہے۔ اس کے ساتھ ہی نادرا نے مرحوم کے اصل کارڈ کی جمع کرانے کی شرط بھی ختم کر دی ہے۔
یہ بھی پڑھیں:نادرا کا فیس وصولی کے لیے نیا اور آسان طریقہ کار کیا ہے؟
اہلِ خانہ کے لیے سہولت
اب والدین، بہن بھائی، شریکِ حیات یا اولاد میں سے کوئی بھی فرد مرحوم کے کارڈ کی منسوخی کی درخواست دے سکتا ہے۔ یہ اقدام نادرا کے اس وسیع منصوبے کا حصہ ہے جس کے تحت ملک بھر میں پیدائش اور اموات کے اندراج کے عمل کو ڈیجیٹلائز کیا جا رہا ہے۔
ہسپتالوں میں خودکار رجسٹریشن نظام
نادرا نے صوبائی حکومتوں کے تعاون سے ہسپتالوں اور صحت مراکز میں ڈیجیٹل رجسٹریشن نظام متعارف کرایا ہے تاکہ اموات اور پیدائش کے اندراج کا عمل شفاف اور مؤثر بنایا جا سکے۔ یہ نظام نیشنل بائیومیٹرک اینڈ رجسٹریشن پالیسی فریم ورک کے تحت شروع کیا گیا ہے، جس کی منظوری وزیراعظم شہباز شریف نے یکم جنوری 2025 کو دی تھی۔
ابتدائی مرحلہ ملک کے 50 سے زائد اسپتالوں میں فعال
فی الحال یہ نظام آزمائشی مرحلے میں ہے اور ملک بھر کے 50 سے زائد اسپتالوں میں فعال کیا جا چکا ہے، جن میں اسلام آباد کے پی آئی ایم ایس، سی ڈی اے اور فیڈرل گورنمنٹ اسپتال، لاہور کا لیڈی ایچسن اسپتال، کوئٹہ کا بولان میڈیکل کالج اور شیخ زاید اسپتال سمیت خیبرپختونخوا، گلگت بلتستان، حیدرآباد اور مٹیاری کے متعدد مراکز شامل ہیں۔
یہ بھی پڑھیں:نادرا نے شہریوں کے لیے نئی سہولت متعارف کرانے کا اعلان کردیا
نادرا کا ہدف: شفاف اور جدید رجسٹریشن نظام
نادرا کے مطابق جب یہ نظام مکمل طور پر فعال ہو جائے گا تو ہسپتال خودکار طور پر کسی بھی پیدائش یا موت کی اطلاع نادرا کو بھیجیں گے، جس کے بعد نادرا کی جانب سے متعلقہ خاندان کو ایس ایم ایس اور ایپ کے ذریعے رجسٹریشن کے مراحل سے آگاہ کیا جائے گا۔
نادرا کے مطابق ان اصلاحات کا مقصد قومی رجسٹریشن نظام کو مزید شفاف، شہری دوست اور جدید ٹیکنالوجی سے ہم آہنگ بنانا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
این آئی سی او پی بیرون ملک پاکستانی نادرا نیشنل ڈیٹا بیس اینڈ رجسٹریشن اتھارٹی.ذریعہ: WE News
کلیدی لفظ: این ا ئی سی او پی بیرون ملک پاکستانی کے ذریعے نادرا کے کے لیے کیا جا
پڑھیں:
پاکستانیوں کے لیے امارات کے ویزوں کی بندش کی خبریں بے بنیاد، قونصل جنرل کی وضاحت
متحدہ عرب امارات کے قونصل جنرل بخیت عتیق الرومیتی نے واضح کیا ہے کہ پاکستانی شہریوں کے لیے ویزوں کی بندش سے متعلق خبریں سراسر غلط ہیں۔ کراچی میں واقع ایشیا کے سب سے بڑے ویزا سینٹر میں پاکستانیوں کے لیے عملہ خدمات فراہم کر رہا ہے۔
سماء سے گفتگو میں انہوں نے کہا کہ پاکستان اور یو اے ای کے تعلقات مضبوط بنیادوں پر قائم ہیں اور ویزوں کے اجراء میں کوئی رکاوٹ نہیں ہے۔ بعض عناصر غلط افواہیں پھیلا کر پاکستان اور امارات کے تعلقات کو نقصان پہنچانے کی کوشش کر رہے ہیں۔
قونصل جنرل نے مزید کہا کہ کچھ ویزوں کے لیے پیشگی تاریخ لینا ضروری ہو سکتا ہے، تاہم علاج معالجے، تعلیمی سیمینارز اور دیگر ضروری خدمات کے لیے امارات کا تعاون بلا تعطل جاری ہے۔ پاکستانی شہری بلا جھجک ویزے کے لیے درخواست دے سکتے ہیں اور عملہ ہر وقت ان کی مدد کے لیے دستیاب ہے۔
بھارتی خاتون کی عجیب و غریب غلطی، پورا خاندان متاثر کردیا