پاکستان کا پہلا ہائپر اسپیکٹرل سیٹلائٹ ’ایچ-ایس ون‘، سپارکو کا بڑا کارنامہ
اشاعت کی تاریخ: 19th, October 2025 GMT
دفترِ خارجہ نے اس پیش رفت کو پاکستان کے خلائی پروگرام میں ایک اہم سنگِ میل قرار دیتے ہوئے کہا کہ یہ لانچ سپارکو کے اس عزم کی توثیق ہے کہ وہ قومی ترقی کے لیے خلائی ٹیکنالوجی سے فائدہ اٹھانے کے لیے پرعزم ہے، یہ پیش رفت پاکستان اور چین کے درمیان خلا کی پُرامن تلاش اور سماجی و معاشی ترقی کے لیے اس کے استعمال میں طویل المدتی تعاون کو اجاگر کرتی ہے۔ متعلقہ فائیلیںاسلام ٹائمز۔ پاکستان کی خلائی ایجنسی نے اتوار کے روز ملک کے پہلے ہائپر اسپیکٹرل سیٹلائٹ (HS-1) کو چین کے ایک لانچ سینٹر سے خلا میں روانہ کر دیا۔ دفترِ خارجہ نے اسے پاکستان کے خلائی پروگرام میں ایک اہم پیش رفت قرار دیا ہے۔ ہائپر اسپیکٹرل امیجنگ ایک جدید کیمرہ ٹیکنالوجی ہے، جو سیٹلائٹ میں زمین اور خلا کے مطالعے کے لیے استعمال کی جاتی ہے۔ جرنل آف کمپیوٹیشنل انٹیلیجنس اینڈ نیوروسائنس میں شائع ہونے والی تحقیق کے مطابق، یہ ٹیکنالوجی عام سیٹلائٹ کیمروں سے مختلف ہے، کیوں کہ عام کیمرے صرف چند رنگوں (جیسے سرخ، سبز، اور نیلا) کو قید کرتے ہیں، جب کہ ہائپر اسپیکٹرل کیمرے سیکڑوں انتہائی باریک رنگی بینڈز کو ریکارڈ کرتے ہیں، اس سے وہ نوری فرق معلوم کیے جا سکتے ہیں جو انسانی آنکھ یا عام سیٹلائٹ نہیں دیکھ سکتے۔
دفترِ خارجہ کی جانب سے جاری بیان میں کہا گیا کہ پاکستان اسپیس اینڈ اپر ایٹماسفیئر ریسرچ کمیشن (سپارکو) نے چین کے سیٹلائٹ لانچ سینٹر سے پاکستان کے پہلے ہائپر اسپیکٹرل سیٹلائٹ (HS-1) کی کامیاب لانچ کے ساتھ ایک بڑا سنگِ میل عبور کر لیا ہے۔ بیان کے مطابق، HS-1 جدید ہائپر اسپیکٹرل امیجنگ ٹیکنالوجی سے لیس ہے، جو سیکڑوں باریک اسپیکٹرل بینڈز میں ڈیٹا حاصل کرنے کی صلاحیت رکھتی ہے۔ دفتر خارجہ نے کہا کہ یہ ٹیکنالوجی زمین کے استعمال، سبزیات کی صحت، آبی وسائل، اور شہری ترقی کی درست نگرانی اور تجزیے کو ممکن بنائے گی۔ بیان میں مزید کہا گیا کہ یہ سیٹلائٹ درست زراعت، ماحولیاتی نگرانی، شہری منصوبہ بندی، اور آفات کے انتظام جیسے شعبوں میں قومی صلاحیتوں میں نمایاں اضافہ کرے گا۔
اس کے اعلیٰ ریزولوشن ڈیٹا سے وسائل کے بہتر انتظام میں مدد ملے گی اور پاکستان کو ماحولیاتی تبدیلیوں سے متعلق چیلنجز کا مقابلہ کرنے میں مضبوطی حاصل ہوگی۔ HS-1 سے توقع ہے کہ وہ چین-پاکستان اقتصادی راہداری (سی پیک) جیسے ترقیاتی منصوبوں میں حصہ ڈالے گا، جو خطرات کی نشاندہی کرے گا اور پائیدار انفرااسٹرکچر کی ترقی کو فروغ دے گا۔ دفترِ خارجہ نے اس پیش رفت کو پاکستان کے خلائی پروگرام میں ایک اہم سنگِ میل قرار دیتے ہوئے کہا کہ یہ لانچ سپارکو کے اس عزم کی توثیق ہے کہ وہ قومی ترقی کے لیے خلائی ٹیکنالوجی سے فائدہ اٹھانے کے لیے پرعزم ہے۔ مزید کہا گیا کہ یہ پیش رفت پاکستان اور چین کے درمیان خلا کی پُرامن تلاش اور سماجی و معاشی ترقی کے لیے اس کے استعمال میں طویل المدتی تعاون کو اجاگر کرتی ہے۔
وزیرِ خارجہ محمد اسحٰق ڈار نے HS-1 پر کام کرنے والی پاکستان اور چین کی سائنسی و تکنیکی ٹیموں کو ان کی لگن، پیشہ ورانہ مہارت، اور مثالی تعاون پر سراہا۔ 15 اکتوبر کو سپارکو نے چین کے جیوکوان سیٹلائٹ لانچ سینٹر سے HS-1 سیٹلائٹ کی لانچ کا اعلان کیا تھا۔ گزشتہ ماہ سپارکو کے ایک سینئر عہدیدار نے کہا تھا کہ ادارہ آفات کے خطرات کے انتظام کے فریم ورک میں خلائی بنیادوں پر مبنی ایپلی کیشنز کو ضم کر رہا ہے، جس سے سائنسی بنیادوں اور بین الاقوامی تعاون پر مبنی راستہ ہموار ہو رہا ہے تاکہ قدرتی آفات کے لیے بہتر تیاری کی جا سکے۔ جولائی میں وزارتِ خارجہ نے چین سے ایک ریموٹ سینسنگ سیٹلائٹ کی کامیاب لانچ کا اعلان کیا تھا، جس کا مقصد پاکستان کی زرعی نگرانی اور آفات کے انتظام سمیت دیگر صلاحیتوں کو مضبوط بنانا تھا۔
دفترِ خارجہ کے مطابق اگست میں پاکستان نے چین کے لانچ سینٹر سے ایک اور ریموٹ سینسنگ سیٹلائٹ کامیابی سے لانچ کیا تھا، جس کا مقصد بھی زرعی نگرانی اور آفات کے انتظام میں پاکستان کی صلاحیت کو مزید بہتر بنانا تھا۔ سیٹلائٹ کے خلا میں روانگی کے مشن کی تکمیل پر پاکستان زندہ باد کے نعرے لگائے گئے۔ پاکستان کا یہ مشن قومی خلائی پالیسی اور وژن 2047 کا اہم سنگِ میل ہے، سال 2025 میں خلا میں بھیجا جانے والا یہ پاکستان کا تیسرا سیٹلائٹ ہے۔ پاکستانی سائنس دانوں اور انجینئرز کی موجودگی میں لانچ کی تیاریاں مکمل کی گئیں، ہائپر اسپیکٹرل سیٹلائٹ سیلابوں، لینڈ سلائیڈز اور دیگر قدرتی آفات کی پیشگوئی میں مدد گار اور معاون ثابت ہوگا۔
ذریعہ: Islam Times
کلیدی لفظ: ہائپر اسپیکٹرل سیٹلائٹ لانچ سینٹر سے ترقی کے لیے پاکستان کے کے انتظام آفات کے پیش رفت چین کے نے چین کے خلا
پڑھیں:
مصری وزیر خارجہ کا دورہ پاکستان، ملاقاتوں کی تفصیلات جاری
اسلام آباد: (نیوزڈیسک) وزارت خارجہ نے کہا ہے کہ مصری وزیر خارجہ ڈاکٹر بدر عبدالعاطی نے 29 سے 30 نومبر تک پاکستان کا سرکاری دورہ کیا۔
وفاقی دارالحکومت سے جاری اپنے ایک بیان میں ترجمان دفتر خارجہ کا کہنا تھا کہ ڈاکٹر بدر عبدالعاطی نے ڈپٹی وزیراعظم اسحاق ڈار سے ون آن ون اور وفد کی سطح پر ملاقاتیں کیں، پاکستان اور مصر کے دوطرفہ تعلقات کے تمام پہلوؤں کا جامع جائزہ لیا گیا جس میں سیاسی، اقتصادی، تجارتی اور دفاعی تعاون پر تفصیلی تبادلہ خیال کیا گیا۔
ترجمان کا کہنا تھا کہ صحت کے شعبے میں تعاون اور ہیپاٹائٹس سی کے خاتمے کے لیے مصر کی معاونت کا اعتراف کیا گیا، دونوں ممالک نے نجی شعبے کے تعاون کو مضبوط بنانے پر اتفاق کیا، پہلے مرحلے میں 250 اور دوسرے مرحلے میں 500 پاکستانی بزنس ہاؤسز کی نشاندہی کا فیصلہ کیا گیا۔
دفتر خارجہ کا کہنا تھا کہ پاکستان-مصر بزنس کونسل کے قیام پر دونوں وزرائے خارجہ کا اتفاق ہوا، پاکستان-مصر بزنس فورم 2026 کی دوسری سہ ماہی میں منعقد ہوگا، بزنس فورم JMC اجلاس کے موقع پر قاہرہ میں ہو گا، مشترکہ وزارتی کمیشن کی سربراہی دونوں وزرائے خارجہ کریں گے۔
ترجمان نے بتایا کہ ادارہ جاتی میکنزم فعال کرنے کے لیے 2026 کی پہلی سہ ماہی میں سینئر حکام کا اجلاس ہوگا، جامعہ الازہر کی جانب سے پاکستانی طلبہ کے لیے سکالرشپس دُگنا کرنے کا اعلان بھی کیا گیا، پاکستان نے غزہ میں جنگ بندی اور انسانی امداد کے لیے مصر کے کردار کو سراہا۔
اِسی طرح دونوں ممالک نے آزاد و خودمختار ریاستِ فلسطین کی حمایت کا اعادہ کیا، مصری وزیر خارجہ ڈاکٹر بدر عبدالعاطی نے صدر آصف علی زرداری سے بھی ملاقات کی، صدر نے پاکستان-مصر تاریخی تعلقات مضبوط بنانے کی خواہش کا اظہار کیا۔
دفتر خارجہ نے بتایا کہ صدر مملکت نے غزہ کی صورتِ حال پر مصر کے سفارتی کردار کو بھی سراہا، مصری وزیر خارجہ نے فیلڈ سید مارشل عاصم منیر سے بھی ملاقات کی، ملاقات میں دفاعی تعاون، تربیت اور علاقائی سکیورٹی پر گفتگو ہوئی۔
علاوہ ازیں دونوں ممالک نے مسلح افواج کے اعلیٰ سطحی رابطے جاری رکھنے پر اتفاق کیا، ڈاکٹر بدر عبدالعاطی نے پاکستانی کاروباری برادری سے بھی ملاقات کی اور تجارت اور سرمایہ کاری میں تعاون بڑھانے کے وسیع امکانات پر بھی روشنی ڈالی گئی۔
رحیم یار خان:ڈکیتی کے دوران فائرنگ سے 2 بھائی جاں بحق, ملزمان فرار