پاکستان کی ثقافتی و قومی زندگی میں ہندو برادری کی گرانقدر خدمات ہیں;بلاول بھٹو زرداری کا دیوالی پر پیغام
اشاعت کی تاریخ: 20th, October 2025 GMT
سٹی 42: پی پی پی چیئرمین بلاول بھٹو زرداری نے دیوالی تہوار کے موقع پر پیغام دیتے ہوئے کہا ایک ایسا پاکستان جہاں تمام مذاہب کے ماننے والے وقار اور ہم آہنگی کے ساتھ زندگی گزاریں۔
چیئرمین بلاول بھٹو زرداری کی دیوالی کے پُرمسرت موقع پر پاکستان سمیت دنیا بھر کی ہندو برادری کو دلی مبارکباد دی اور کہا دیوالی یاد دلاتی ہے کہ روشنی ہمیشہ اندھیرے پر غالب اور نفرت و تقسیم پر سچ، امن اور محبت ہی ہمیشہ فتح پاتے ہیں۔ قائدِ عوام اور شہید محترمہ بینظیر بھٹو کے وژن کی پیروی کرتے ہوئے ایک ترقی پسند و جامع پاکستان کی تعمیر کے لیے پرعزم ہیں۔ایک ایسا پاکستان جہاں تمام مذاہب کے ماننے والے وقار اور ہم آہنگی کے ساتھ زندگی گزاریں۔ پاکستان کی ثقافتی و قومی زندگی میں ہندو برادری کی گرانقدر خدمات ہیں۔
قتل میں ملوث اشتہاری ملزم سعودی عرب سے گرفتار
ہندو برادری دیوالی کے حقیقی جذبے یعنی ہمدردی، اتحاد اور امید کو اپنائیں۔ آپ کی زندگیاں دیوالی کی روشنیوں کی طرح ہمیشہ خوشیوں، ہم آہنگی اور خوشحالی سے جگمگاتی رہیں۔
.ذریعہ: City 42
پڑھیں:
پاکستان بھر میں دیوالی کا تہوار جوش و جذبے سے منایا جا رہا ہے
افشاں رضوان: پاکستان کے مختلف شہروں میں دیوالی کا تہوار ہندو برادری کی جانب سے روایتی مذہبی جوش و جذبے کے ساتھ منایا جا رہا ہے۔
لاہور کے راوی روڈ کرشنا مندر میں دیوالی کی تیاریاں مکمل کر لی گئی ہیں۔
مندر کو دیوں سے سجایا گیا ہے جبکہ عقیدت مندوں کی جانب سے مٹھائیاں تقسیم کی جا رہی ہیں۔ رات کے وقت پھلجھڑیاں اور پٹاخے جلانے کا بھی اہتمام کیا گیا ہے۔
ہندو برادری کے افراد نے اس موقع پر نئے کپڑے پہنے، ایک دوسرے کو دیوالی کی مبارکباد دی اور خوشیاں بانٹیں۔
خلاء میں بھیجا جانے والا سیٹلائیٹ پاکستان کو ماحولیاتی تبدیلیوں کے بارے تحقیق میں مدگار ثابت ہوگا؛ وزیراعظم
مندر کے پنڈت کاشی رام کے مطابق، "دیوالی ہندو مذہب میں خوشی اور روشنی کی علامت ہے، جو نیکی کی بدی پر فتح کی یاد دلاتی ہے۔"
انہوں نے بتایا کہ رات کے وقت مرکزی تقریب منعقد کی جائے گی جس میں مذہبی رسومات ادا کی جائیں گی۔
پنڈت کاشی رام نے کہا کہ"آج کے دن ہم نے پاکستان کی سلامتی اور خوشحالی کے لیے خصوصی دعا کی ہے۔"
آئی ایم ایف اور پاکستان کے درمیان سٹاف لیول معاہدہ طے پاگیا