امریکی وفد کی ایک ہفتے میں تیسری بار اسرائیل آمد، نیتن یاہو کو قابو میں رکھنے کی کوشش
اشاعت کی تاریخ: 24th, October 2025 GMT
امریکی نائب صدرجے ڈی وینس، وزیر خارجہ مارکو روبیو اور صدر ٹرمپ کے مشیر برائے مشرق وسطیٰ جیرڈ کشنر اس وقت اسرائیل میں موجود ہیں تاکہ غزہ جنگ بندی معاہدے پر عمل درآمد کی رفتار کا جائزہ لیا جا سکے اور اسرائیلی وزیر اعظم نیتن یاہو کو کسی بھی مہم جوئی سے روکنے کی کوشش کی جائے۔
رپورٹس کے مطابق، جے ڈی وینس محض ایک ہفتے میں تیسری بار اسرائیل پہنچے ہیں۔ امریکی وفد نے نیتن یاہو سے ملاقات میں زور دیا کہ غزہ کے لیے کوئی متبادل منصوبہ (پلین بی) نہیں ہے اور صدر ٹرمپ چاہتے ہیں کہ جنگ بندی معاہدے پر مکمل عمل ہو۔
امریکی وزیر خارجہ مارکو روبیو نے اسرائیلی حکام کو ہدایت کی کہ غزہ جنگ بندی پر ہرصورت عمل درآمد یقینی بنایا جائے۔ انہوں نے کہا کہ غزہ کے بعد اگلا مرحلہ ممکنہ طور پر مزید عرب ممالک کے ساتھ اسرائیل کے ابراہیمی معاہدے کی توسیع ہو سکتا ہے۔ روبیو نے حماس کوغیر مسلح بنانے کی ضرورت پر بھی زور دیا اور اقوام متحدہ کے امدادی ادارے اونرا پر حماس کے کارکنوں کی بھرتیوں کا الزام عائد کیا، اس بنیاد پر اونرا کو غزہ میں خوراک کی تقسیم کے کسی مرحلے میں شامل نہیں کیا جائے گا۔
غزہ جنگ بندی کا پہلا مرحلہ 10 اکتوبر سے نافذ عمل ہے۔ اس کے تحت حماس نے تمام زندہ اسرائیلی یرغمالیوں کو رہا کر دیا، جبکہ مردہ یرغمالیوں کی لاشیں واپس کرنے کا سلسلہ جاری ہے۔ اس کے بدلے میں اسرائیل نے بھی ہزار سے زائد فلسطینی قیدیوں کو رہا کیا اور متعدد فلسطینیوں کی میتیں واپس کی ہیں۔
امریکی وفد کا مقصد واضح ہے: نیتن یاہو کو کسی بھی یک طرفہ کارروائی سے روکنا اور غزہ جنگ بندی کو برقرار رکھنا۔
ذریعہ
ذریعہ: Daily Mumtaz
پڑھیں:
پنجاب کے وزیر تعلیم رانا سکندر حیات نے ٹیچر بننے کا اعلان کردیا
لاہور (ڈیلی پاکستان آن لائن ) پنجاب کے وزیر تعلیم رانا سکندر حیات نے ٹیچر بننے کا اعلان کردیا۔
تفصیلات کے مطابق رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔
وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
مزید :
پاکستان نے ورلڈ کپ 2028 کیلیے براہ راست کوالیفائی کر لیا