پی آئی اے کی برطانیہ کے لیے پروازیں پانچ سال بعد بحال، پہلی فلائٹ روانہ
اشاعت کی تاریخ: 25th, October 2025 GMT
اسلام آباد : پاکستان کی قومی فضائی کمپنی پی آئی اے نے 5 سال بعد برطانیہ کے لیے پروازوں کا سلسلہ دوبارہ شروع کر دیا، جس کا افتتاح وزیر دفاع خواجہ آصف نے اسلام آباد ایئرپورٹ پر منعقدہ پروقار تقریب میں کیا۔
بحالی کے بعد اسلام آباد سے مانچسٹر کے لیے پہلی پرواز 284 مسافروں کے ساتھ روانہ ہوئی، جسے وزیر دفاع اور برطانوی ہائی کمشنر جین میریٹ نے الوداع کیا۔
افتتاحی تقریب میں وزارت دفاع، سول ایوی ایشن اتھارٹی اور برطانوی ہائی کمیشن کے اعلیٰ حکام شریک ہوئے۔
اس موقع پر خواجہ آصف نے کہا کہ پی آئی اے کی پروازوں کی بحالی پاکستان کی سفارتی کاوشوں کی ایک بڑی کامیابی ہے، جس کا سہرا پاکستانی سفارت خانے، وزارت خارجہ اور برطانوی حکام کے تعاون کو جاتا ہے۔ انہوں نے کہا کہ جعلی پائلٹ لائسنس اسکینڈل نے قومی ایئرلائن کی ساکھ کو نقصان پہنچایا تھا، مگر حکومت نے اس بحران کے بعد ادارے کے معیار کو بہتر بنانے کے لیے سنجیدہ اصلاحات کیں۔
خواجہ آصف کا کہنا تھا کہ پی آئی اے کے یورپی آپریشن کی بحالی پاکستانی معیشت اور بیرونِ ملک مقیم پاکستانیوں کے لیے خوش آئند پیش رفت ہے۔ انہوں نے ہدایت دی کہ پی آئی اے اپنے فلائٹ شیڈول کو مزید بہتر بنائے، مسافروں کو معیاری سہولیات فراہم کرے اور فضائی بیڑے کو جدید خطوط پر استوار کرے۔ براہِ راست پروازیں برطانیہ میں مقیم 16 لاکھ سے زائد پاکستانیوں کا دیرینہ مطالبہ تھیں۔
تقریب میں مسافروں کے لیے خصوصی قرعہ اندازی کا اہتمام بھی کیا گیا، جس میں ایک خوش نصیب کو 660 سی سی گاڑی انعام میں ملی جبکہ دیگر مسافروں کو موبائل فون اور مختلف تحائف دیے گئے۔
پی آئی اے کے چیف ایگزیکٹو آفیسر نے معزز مہمانوں کو یادگاری شیلڈز پیش کیں اور بتایا کہ ابتدائی طور پر اسلام آباد سے مانچسٹر کے لیے ہفتہ وار دو پروازیں چلائی جائیں گی، جو منگل اور ہفتے کو آپریٹ ہوں گی۔
ترجمان پی آئی اے کے مطابق اگلے مرحلے میں لندن اور برمنگھم کے لیے بھی براہ راست پروازیں شروع کی جائیں گی۔ برطانیہ میں پاکستان کے ہائی کمشنر محمد فیصل نے بھی اس موقع پر خوشی کا اظہار کیا اور کہا کہ یہ پیش رفت دونوں ملکوں کے تعلقات کو مزید مضبوط بنائے گی۔ انہوں نے امید ظاہر کی کہ جلد پی آئی اے یورپ کے دیگر شہروں کے لیے بھی اپنی سروسز بحال کرے گا۔
.
ذریعہ
ذریعہ: Al Qamar Online
کلیدی لفظ: اسلام آباد پی آئی اے کے لیے
پڑھیں:
پہلی ہی گیند پر وکٹ: شاہین آفریدی پاکستان کے عظیم کپتانوں کی فہرست میں شامل
پاکستان کے کپتان شاہین شاہ آفریدی نے آسٹریلیا کے خلاف دوسرے ایک روزہ میچ میں ایک منفرد اعزاز اپنے نام کر لیا۔
یہ بھی پڑھیں: دوسرا ون ڈے: آسٹریلیا کے 232 رنز کے ہدف کے تعاقب میں پاکستان کی بیٹنگ جاری
قذافی اسٹیڈیم لاہور میں کھیلے گئے میچ کے آغاز پر شاہین نے پہلی ہی گیند پر آسٹریلوی اوپنر الیکس کیری کو بولڈ کر کے پاکستانی کرکٹ کی تاریخ میں اپنا نام درج کرا دیا۔
شاہین شاہ آفریدی اب پاکستان کے صرف تیسرے کپتان بن گئے ہیں جنہوں نے ون ڈے انٹرنیشنل میں حریف ٹیم کی اننگز کی پہلی ہی گیند پر وکٹ حاصل کی۔ اس سے قبل یہ کارنامہ پاکستان کے لیجنڈری فاسٹ بولرز وسیم اکرم اور وقار یونس انجام دے چکے ہیں۔
A unique feat for Pakistan captain @iShaheenAfridi today ????
➡️ Download #PCBLIVE app now ????
Google Play Store: https://t.co/5mBlUcoG8g
Apple App Store: https://t.co/RpeYQPshnh
Watch Live: https://t.co/M8wsOD8omx#PAKvAUS | #TakraarKaTime | #BackTheBoysInGreen pic.twitter.com/lh6zWbjS25
— Pakistan Cricket (@TheRealPCB) June 2, 2026
وسیم اکرم نے سنہ 1993 میں کراچی میں زمبابوے کے خلاف اینڈی فلاور کو پہلی گیند پر آؤٹ کیا تھا جبکہ وقار یونس نے 2001 میں لیڈز میں انگلینڈ کے مارکس ٹریسکوتھک کو ابتدائی گیند پر پویلین بھیجا تھا۔
پہلی گیند پر وکٹ لینے والے پاکستانی کپتان
وسیم اکرم: سنہ 1993 بمقابلہ زمبابوے (کراچی)
وقار یونس: سنہ 2001 بمقابلہ انگلینڈ (لیڈز)
شاہین شاہ آفریدی: سنہ 2026 بمقابلہ آسٹریلیا (لاہور)
شاہین آفریدی نے صرف ابتدائی وکٹ پر ہی اکتفا نہیں کیا بلکہ شاندار بولنگ کا سلسلہ جاری رکھتے ہوئے آسٹریلیا کے مزید 2 کھلاڑیوں کو بھی آؤٹ کیا۔ انہوں نے 47ویں اوور میں میتھیو کوہنیمن اور 49ویں اوور میں نیتھن ایلس کی وکٹ حاصل کی اور 8 اوورز میں 36 رنز دے کر 3 وکٹیں اپنے نام کیں۔
مزید پڑھیے: شاہین آفریدی نے تاریخ رقم کر دی، ورلڈ ٹیسٹ چیمپیئن شپ میں 100 وکٹیں لینے والے پہلے پاکستانی بولر بن گئے
شاہین کے علاوہ حارث رؤف، ابرار احمد اور عرفات منہاس نے بھی عمدہ بولنگ کا مظاہرہ کیا جس کے باعث آسٹریلوی ٹیم مقررہ 50 اوورز میں 9 وکٹوں کے نقصان پر 231 رنز تک محدود رہی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ