برازیل میں انوکھا واقعہ: شہری نے انشورنس رقم کیلیے اپنی ہی لگژری گاڑی کو آگ لگا دی
اشاعت کی تاریخ: 26th, October 2025 GMT
data-id="863a0a8" data-element_type="widget" data-widget_type="theme-post-content.default">
برازیل: ایک حیران کن واقعے میں ایک برازیلی شہری نے انشورنس رقم حاصل کرنے کے لیے اپنی ہی قیمتی گاڑی کو نذرِ آتش کر دیا، تاہم اس کی چالاکی سی سی ٹی وی کیمرے کی آنکھ سے نہ بچ سکی۔
غیر ملکی میڈیا کے مطابق واقعہ 5 اکتوبر کو ریاست پاراناکے علاقے لاپا میں پیش آیا، جب ایک شخص نے پولیس کو اطلاع دی کہ اسے نامعلوم مسلح افراد نے ٹریفک میں روک کر اس کی پورش 911 کیریرا میں باندھ دیا اور گاڑی کو ایک ویران علاقے میں لے جا کر آگ لگا دی۔
ملزم نے پولیس کو بتایا کہ وہ محض قسمت سے بچ گیا کیونکہ کچھ راہگیروں نے اس کی چیخیں سن کر گاڑی کا دروازہ توڑا اور اسے نکال لیا، اس نے دعویٰ کیا کہ اسے معمولی جھلسنے کے زخم آئے ہیں اور اسے اپنے مبینہ حملہ آوروں کے بارے میں کوئی علم نہیں۔
پولیس کی تحقیقات نے معاملہ پلٹ دیا، قریبی فارم ہاؤس کی سی سی ٹی وی فوٹیج میں دکھایا گیا کہ وہی شخص خود اپنی پورش کار کو آگ لگا رہا تھا۔
تحقیقاتی افسران کے مطابق ابتدائی شواہد سے ظاہر ہوتا ہے کہ ملزم نے اپنی گاڑی کو جان بوجھ کر جلایا تاکہ انشورنس کلیم حاصل کر سکے، پولیس نے معاملے کو فراڈ اور جھوٹی رپورٹنگ کے تحت درج کر کے مزید تفتیش شروع کر دی ہے۔
پولیس کے مطابق اگر جرم ثابت ہوگیا تو ملزم کو جیل اور بھاری جرمانے دونوں کا سامنا کرنا پڑ سکتا ہے۔
ذریعہ: Jasarat News
کلیدی لفظ: گاڑی کو
پڑھیں:
کرکٹر صہیب مقصود کو 9 ماہ بعد اپنی گاڑی واپس مل گئی
قومی کرکٹر صہیب مقصود کو بالآخر 9 ماہ بعد اپنی گاڑی واپس مل گئی۔
سماجی رابطے کی ویب سائٹ ایکس پر جاری اپنے بیان میں صہیب مقصود نے وزیر اعلیٰ پنجاب مریم نواز اور وزیر داخلہ محسن نقوی کا شکریہ ادا کیا، جنہوں نے گاڑی واپس دلوانے میں ان کی مدد کی۔
صہیب نے کہا، “میں دل کی گہرائیوں سے وزیر اعلیٰ اور وزیر داخلہ کا شکر گزار ہوں، جن کی مدد سے میری گاڑی واپس آئی۔ ہمیشہ سچ کی جیت ہوتی ہے، الحمدللہ۔”
انہوں نے آر پی او ملتان اور سی پی او ملتان کا بھی شکریہ ادا کیا کہ جنہوں نے اس معاملے میں فوری کارروائی کی اور انصاف دلایا۔
صہیب مقصود نے مزید بتایا کہ پنجاب حکومت اور پنجاب پولیس کے حکام گزشتہ تین چار دنوں سے ان کے ساتھ مسلسل رابطے میں تھے اور انصاف کا حصول ممکن بنایا۔
یاد رہے کہ صہیب مقصود کے ساتھ گاڑی فروخت کرنے کے دوران فراڈ کا واقعہ پیش آیا تھا، جس پر انہوں نے پنجاب حکومت سے مدد کی اپیل کی تھی۔
بھارتی تعلیمی اداروں میں مسلم طلبہ سے امتیازی سلوک