پرنس اینڈریو کو جلاوطنی کا خطرہ! شاہ چارلس سے تعلقات نازک موڑ پر پہنچ گئے
اشاعت کی تاریخ: 28th, October 2025 GMT
برطانوی شاہی خاندان کے متنازع رکن پرنس اینڈریو ایک بار پھر مشکلات میں گھر گئے ہیں، اور اطلاعات کے مطابق وہ شاہ چارلس کی جانب سے ممکنہ مکمل جلاوطنی کے خطرے سے دوچار ہیں۔
مشہور برطانوی جریدے Heat World سے بات کرتے ہوئے شاہی خاندان کے قریبی ذرائع نے انکشاف کیا کہ پرنس اینڈریو اس وقت شدید دباؤ میں ہیں۔
ذرائع کے مطابق، ’اینڈریو اس وقت ایک ایسی صورتحال میں پھنسے ہوئے ہیں جہاں ہر راستہ نقصان دہ دکھائی دیتا ہے۔‘
انہوں نے بتایا، ’ایک طرف وہ اس بات پر یقین رکھتے ہیں کہ اپنی ساکھ بحال کرنے اور مستقبل محفوظ بنانے کا واحد راستہ یہی ہے کہ وہ اپنی کہانی خود دنیا کے سامنے رکھیں۔ دوسری طرف، وہ اب بھی شاہی خاندان کی کسی حد تک پسندیدگی اور رعایت کے متمنی ہیں لیکن وہ دونوں چیزیں ایک ساتھ حاصل نہیں کر سکتے۔‘
یہ بھی پڑھیے ملکہ برطانیہ کا مطالبہ جس نے بادشاہ چارلس کو سخت پریشان کرکے رکھ دیا
ذرائع کا مزید کہنا تھا کہ اگر پرنس اینڈریو خاموش رہنے کا فیصلہ کرتے ہیں تو وہ ان لاکھوں پاؤنڈز سے محروم رہ جائیں گے جن کی انہیں اپنی نئی زندگی شروع کرنے کے لیے اشد ضرورت ہے۔ اور یہ بھی کوئی ضمانت نہیں کہ خاموشی اختیار کرنے سے شاہ چارلس کا رویہ ان کے حق میں بدل جائے گا۔
البتہ اگر وہ کتاب لکھنے اور اپنی کہانی منظر عام پر لانے کا فیصلہ کرتے ہیں، جیسا کہ کئی لوگ پیش گوئی کر رہے ہیں، تو اس کا مطلب شاہی خاندان سے مکمل بے دخلی ہو گا۔
ذرائع کے بقول، ’اب صرف وقت ہی بتائے گا کہ وہ کون سا راستہ چنتے ہیں۔‘
یہ تنازع اس وقت اور شدت اختیار کر گیا جب ورجینیا جیفری کی کتاب “Nobody’s Girl” ان کی وفات کے بعد Penguin Random House کے تحت شائع ہوئی۔
یہ بھی پڑھیے جیفری ایپسٹین اسکینڈل سے شاہ چارلس کی سابق بھابی، بھتیجیوں کا کیا تعلق تھا؟
پبلشر کے مطابق، ’اس کتاب میں جیفری نے اپنے ان دنوں کی تفصیل بیان کی ہے جب وہ جیفری ایپسٹین اور گزلین میکسویل کی قید میں رہیں، جنہوں نے انہیں اور دیگر لڑکیوں کو بااثر شخصیات کے پاس اسمگل کیا۔‘
مزید بتایا گیا کہ، ’کتاب میں ان واقعات کا بھی ذکر ہے جن میں جیفری نے بچپن میں جنسی زیادتی برداشت کی، اور بعد ازاں محض 19 سال کی عمر میں ایپسٹین اور میکسویل کے چنگل سے فرار حاصل کیا۔‘
پبلشر نے مزید کہا، ’ورجینیا جیفری نے اپنی زندگی دوبارہ تعمیر کی، اپنے مجرموں کو عدالتوں میں لا کر جواب دہ بنایا، اور دیگر متاثرہ خواتین کے لیے آواز بلند کی۔
‘Nobody’s Girl’ ان کی آواز اور ان کے حوصلے کو ہمیشہ کے لیے زندہ رکھے گی۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برطانوی بادشاہ چارلس شہزادہ اینڈریو.
ذریعہ
ذریعہ: WE News
کلیدی لفظ: برطانوی بادشاہ چارلس شہزادہ اینڈریو پرنس اینڈریو شاہی خاندان شاہ چارلس کے لیے
پڑھیں:
سونم وانگچک نے 26 روز تک جاری رہنے والی اپنی بھوک ہڑتال ختم کر دی
بھارت کے معروف سماجی کارکن سونم وانگچک نے 26 روز تک جاری رہنے والی اپنی بھوک ہڑتال ختم کرنے کا اعلان کر دیا ہے۔ انہوں نے کہا کہ طویل مذاکرات اور ملک میں ممکنہ تشدد کے خدشات کے پیش نظر یہ فیصلہ کیا گیا۔
عرب میڈیا کے مطابق سونم وانگچک نے سوشل میڈیا پلیٹ فارم ایکس پر جاری بیان میں بتایا کہ مختلف شرائط پر ہونے والے طویل مذاکرات کے بعد اور ملک میں کشیدگی کے امکانات کو دیکھتے ہوئے انہوں نے اپنا احتجاج ختم کر دیا ہے۔
Just now in the presence of Union Ministers Sh. JP Nadda, Dr. Jitendra Singh and the senior leaders of Apex Body of Leh Ladakh I finally broke my fast after 26 days. Earlier 65 members of parliament from different political parties had visited or signed letters urging me to break… pic.twitter.com/RFCet7Oksy
— Sonam Wangchuk (@Wangchuk66) July 23, 202659 سالہ سونم وانگچک نے 28 جون کو بھوک ہڑتال کا آغاز کیا تھا۔ ان کی یہ ہڑتال بھارت میں نوجوانوں کی قیادت میں چلنے والی کاکروچ موومنٹ سے اظہارِ یکجہتی کے لیے تھی۔
اس تحریک کے شرکاء میڈیکل کالجوں کے داخلہ امتحانات کے پرچوں کے مبینہ لیک ہونے کے معاملے پر بھارتی وزیرِ تعلیم دھرمیندر پردھان سے استعفے کا مطالبہ کر رہے ہیں۔
مظاہرین کا مؤقف ہے کہ امتحانی نظام میں شفافیت کو یقینی بنانے اور ذمہ داروں کے خلاف کارروائی کے لیے وزیرِ تعلیم کو اپنے عہدے سے الگ ہونا چاہیے۔
سونم وانگچک کے بھوک ہڑتال ختم کرنے کے اعلان کے باوجود بھارت میں امتحانی نظام اور حکومتی پالیسیوں کے خلاف احتجاجی تحریک بدستور جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار