فیلڈ مارشل عاصم منیر زبردست فائٹرہیں، صدر ٹرمپ کا سیول میں خطاب
اشاعت کی تاریخ: 29th, October 2025 GMT
امریکی صدر ڈونلڈ ٹرمپ نے ایک بار پھر دعویٰ کیا ہے کہ انہوں نے پاکستان اور بھارت کے درمیان ممکنہ جنگ کو رکوا کر لاکھوں جانیں بچائیں۔
جنوبی کوریا کے دارالحکومت سیول میں ایپک سی ای او سمٹ کے موقع پر خطاب میں صدر ٹرمپ نے کہا کہ پاکستان کے وزیراعظم اور فیلڈ مارشل عاصم منیر ’عظیم انسان اور زبردست فائٹر‘ ہیں۔
صدر ٹرمپ کے بقول، پاکستان کے فیلڈ مارشل عاصم منیر ایک زبردست فائٹر ہیں۔ ’میں انہیں اور وزیراعظم کو شاندار قیادت پر خراجِ تحسین پیش کرتا ہوں، دونوں نے امن کے لیے مثبت کردار ادا کیا۔‘
یہ بھی پڑھیں: پاک بھارت جنگ میں 7 طیارے تباہ ہوئے: ٹرمپ نے ایک بار پھر ذکر چھیڑ دیا
ٹرمپ نے کہا کہ ماضی میں پاکستان اور بھارت جنگ کے دہانے پر پہنچ گئے تھے، دونوں ملکوں نے ایک دوسرے کے 7 طیارے مار گرائے تھے، جو ایک خطرناک صورتِ حال تھی کیونکہ دونوں ایٹمی طاقتیں ہیں۔
’میں نے وزیراعظم مودی سے کہا کہ اگر تم جنگ جاری رکھتے ہو تو ہم تجارتی معاہدہ نہیں کریں گے، اور یہی بات میں نے پاکستان سے بھی کہی کہ اگر تم بھارت سے لڑتے ہو تو امریکا تمہارے ساتھ تجارت بند کر دے گا۔‘
ٹرمپ کے مطابق، میں نے دونوں کو خبردار کیا کہ اگر لڑائی بند نہ کی تو 250 فیصد ٹیکس لگا دوں گا، جس کے بعد 48 گھنٹے کے اندر دونوں ملکوں نے جنگ روکنے پر رضامندی ظاہر کر دی۔
مزید پڑھیں: ڈونلڈ ٹرمپ نے 27ویں بار پاک بھارت جنگ رکوانے کا تذکرہ کردیا
صدر ترمپ کے بقول، 2 دن بعد دونوں ممالک نے فون کر کے کہا کہ ہم سمجھ گئے، اب لڑائی بند کر دی گئی ہے۔ ’کیا بائیڈن ایسا کر سکتے تھے؟‘
امریکی صدر نے کہا کہ انہیں اس بات پر فخر ہے کہ ان کی پالیسیوں نے صرف جنوبی ایشیا ہی نہیں بلکہ دنیا بھر میں جنگوں کو روکنے میں مدد دی۔
’میں نے پچھلے 8 ماہ میں 8 جنگیں روکی ہیں۔ تجارت اور ٹیرف کے ذریعے تنازعات ختم کیے۔ حال ہی میں کمبوڈیا اور تھائی لینڈ کے درمیان تنازع بھی دو دن میں حل کرایا، جس پر ملائیشیا میں امن معاہدے پر دستخط ہوئے۔‘
مزید پڑھیں: پاک بھارت اور ایران اسرائیل جنگ بندی کے اعلانات، صدر ٹرمپ کے بیانات میں کیا مماثلت رہی؟
ٹرمپ نے کہا کہ جنگیں روکنا صرف امریکا کے لیے نہیں بلکہ پوری دنیا کے لیے فائدہ مند ہے۔ ’ہم نے لاکھوں لوگوں کی زندگیاں بچائیں، یہ ہماری بڑی کامیابی ہے۔‘
ٹرمپ نے اپنی تقریر میں متعدد بار کہا کہ دنیا کو جنگوں نہیں، امن کی ضرورت ہے، اور امریکا اب طاقت کے ساتھ امن قائم کرنے کے مشن پر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی صدر بائیڈن پاکستان تھائی لینڈ ٹیرف ڈونلڈ ٹرمپ فائٹر فیلڈ مارشل عاصم منیر کمبوڈیا وزیر اعظم.
ذریعہ
ذریعہ: WE News
کلیدی لفظ: امریکا امریکی صدر بائیڈن پاکستان تھائی لینڈ ٹیرف ڈونلڈ ٹرمپ فائٹر فیلڈ مارشل عاصم منیر کمبوڈیا فیلڈ مارشل عاصم منیر نے کہا کہ کے لیے
پڑھیں:
بلاول کل چلاس جبکہ آصفہ بھٹو ہنزہ میں خطاب کریں گی
رکن قومی اسمبلی بی بی آصفہ بھٹو زرداری کل بتاریخ تین جون بروز بدھ شام چار بجے گلگت بلتستان کے ضلع ہنزہ کی تحصیل علی آباد کے ڈگری کالج گراؤنڈ میں انتخابی جلسے سے خطاب کریں گی۔ اسلام ٹائمز۔ رکن قومی اسمبلی بی بی آصفہ بھٹو زرداری کل بتاریخ تین جون بروز بدھ شام چار بجے گلگت بلتستان کے ضلع ہنزہ کی تحصیل علی آباد کے ڈگری کالج گراؤنڈ میں انتخابی جلسے سے خطاب کریں گی۔ جبکہ پاکستان پیپلزپارٹی کے چیئرمین بلاول بھٹو زرداری کل تین جون بروز بدھ شام پانچ بجے گلگت بلتستان کے ضلع دیامر کی تحصیل چلاس میں واقع فٹبال گراؤنڈ میں انتخابی جلسہ عام سے خطاب کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ