27ویں ترمیم: سینیٹ میں 67 ارکان کی حمایت موجود تھی، 3 بچا کے رکھے، فیصل واوڈا
اشاعت کی تاریخ: 10th, November 2025 GMT
سینیٹر فیصل واوڈا نے کہا کہ وہ اسٹیبلشڈ جمہوریت کے مداح ہیں، 27ویں ترمیم کی سینیٹ سے منظوری سے قبل ہی لوگوں کو مٹھائی کھلا دی تھی، ہمارے پاس 67 ارکان کی حمایت موجود تھی، 3 بچا کے رکھے تھے، اب 27ویں ترمیم کو چھوڑیں 28ویں کی بات کریں۔
نجی ٹی وی سے گفتگو کرتے ہوئے سینیٹر فیصل واوڈا نے کہا کہ میں اس ترمیم کی منظوری سے پہلے ہی مٹھائی کھلا چکا تھا، ایک سال پہلے ہی بتا دیا تھا کہ 27ویں ترمیم آئے گی۔
یہ بھی پڑھیں: 27ویں آئینی ترمیم پاس ہوچکی، 28ویں ترمیم کی بات کریں، سینیٹر فیصل واوڈا کا دعویٰ
فیصل واوڈا نے کہا کہ اس ترمیم کی منظوری کے لیے حکومت کو 64 ووٹ درکار تھے، حکومت کے پاس سینیٹ میں 67 ارکان موجود تھے، 3 بچا کے رکھے ہوئے ہیں، پی ٹی آئی نے مدد کی، جب بھی ایسی صورتحال آتی ہے تو پی ٹی آئی مدد کو آ جاتی ہے، 27ویں ترمیم کی بات اب چھوڑیں 28ویں کی بات کریں۔
انہوں نے کہا کہ جس طرح ہائبرڈ گاڑیاں بدلتی ہیں، اس طرح ہائبرڈ نظام بھی بدل رہا ہے، اب اپوزیشن کیوں پیٹ رہی ہے، چیئرمین سینیٹ نے 59 بار کہا کہ کیا کسی کو ان ترامیم پر اعتراض ہے تو کسی نے نہیں کہا کہ انہیں اعتراض ہے، اپوزیشن نے واک آؤٹ کیا نہ کہ خود کو رجسٹرڈ کروایا۔
یہ بھی پڑھیں: عمران خان کی جان بچانے کا فارمولہ کیا ہے؟ فیصل واوڈا نے بتادیا
ان کا کہنا تھا کہ پی ٹی آئی نے آرٹیکل 243 میں ترمیم کے حوالے سے سوشل میڈیا پر طوفان کھڑا کیا ہوا تھا جبکہ سینیٹ میں اس معاملے پر کسی نے بھی تقریر نہیں کی، یہ لوگ کھلے عام حمایت نہیں کرتے، اندر سے مدد کرتے ہیں، ہم بھی ان کی مدد کرتے ہیں۔
فیصل واوڈا نے کہا کہ آئینی ترامیم پاس کروانے کے لیے پارلیمان میں ایسے بھی لوگ موجود ہیں جنہیں پڑھنا لکھنا نہیں آتا، کوئی اردو بول سکتا ہے، انگریزی نہیں لکھ سکتا نہ پڑھ سکتا ہے، ترامیم پر بات کر کے وقت ضائع نہ کریں، ملک کو چلنے دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
27ویں ترمیم we news فیصل واوڈا.ذریعہ: WE News
کلیدی لفظ: 27ویں ترمیم فیصل واوڈا فیصل واوڈا نے کہا کہ 27ویں ترمیم ترمیم کی کی بات
پڑھیں:
28 ویں کی تیاری کریں‘، فیصل واوڈا 27 ویں ترمیم کی منظوری سے پہلے مٹھائی لیکر پارلیمنٹ ہاؤس پہنچ گئے
27 ویں ترمیم کی منظوری سے قبل ہی سینیٹر فیصل واوڈا مٹھائی کی ٹوکری لے کر پارلیمنٹ ہاؤس پہنچ گئے۔27 ویں ترمیم کی ممکنہ منظوری کے موقع پر فیصل واوڈا کی جانب سے پارلیمنٹ ہاؤس کے باہر صحافیوں کو مٹھائی کھلائی گئی۔ اس موقع پر گفتگو کرتے ہوئے فیصل واوڈا نے کہا کہ میں ایڈوانس مٹھائی کھانے آیا ہوں، نوکری کے ساتھ نخرا نہیں چلے گا۔انہوں نے کہا کہ ڈیفنس لائن کو مزید ہم نے مضبوط کرنا ہے، جتنی چیزیں ہو رہی ہیں وہ ہٹ کے نہیں ہو رہیں، جو چیز اس صدر کے لیے ہوگی وہ آگے کے لیے بھی ہوگی، آپ 27 ویں ترمیم کی مٹھائی کھائیں اور 28 ویں کی تیاری کریں۔
پاکستان نے جنوبی افریقا کو 2 وکٹوں سے شکست دے دی، سلمان آغا اور رضوان کی شاندار بیٹنگ