ایم ڈی کیٹ پالیسی بدلنے کیخلاف درخواست پر پی ایم ڈی سی حکام عدالت میں طلب
اشاعت کی تاریخ: 12th, November 2025 GMT
— فائل فوٹو
اسلام آباد ہائی کورٹ نے ایم ڈی کیٹ پالیسی بدلنے کے معاملے پر پی ایم ڈی سی حکام کو نوٹس جاری کر کے 14 نومبر کو عدالت میں طلب کر لیا۔
عدالت میں جسٹس ارباب محمد طاہر نے درخواست گزار میڈیکل طلبا و طالبات کی درخواست پر سماعت کی۔
درخواست گزار کے وکیل راجا رضوان عباسی نے عدالت کو بتایا کہ پچھلے سال امتحان کا طریقہ کار آسان تھا اس بار پالیسی تبدیل ہوگئی، نئی پالیسی میں تبدیلی سے پچھلے سال پاس ہونے والوں کو مسائل ہوئے۔
جسٹس ارباب محمد طاہر نے کہا کہ قانون کی جو خلاف ورزی ہوئی ہے وہ بتائیں ہم آرڈر کردیں گے۔ جس پر درخواست گزار کے وکیل راجا رضوان عباسی نے بتایا کہ پی ایم ڈی سی والے اب کالجز کو اختیارات دے رہے ہیں۔
جسٹس ارباب محمد طاہر نے استفسار کیا کہ آپ چاہتے ہیں پی ایم ڈی سی کا اختیار ہونا چاہیے؟ جس پر درخواست گزار کے وکیل راجا رضوان عباسی نے جواب دیتے ہوئے کہا کہ جی بالکل ان کا اختیار ہے جب کہ یہ کالجز کو اختیارات دے رہے ہیں۔
اُنہوں نے عدالت سے استدعا کی کہ پی ایم ڈی سی کو یکساں فارمولا رائج کرنے کی ہدایات دی جائیں اور رجسٹریشن کی آج آخری تاریخ ہے تو عدالت حکم امتناع جاری کرے۔
عدالت نے رجسٹریشن کی آج آخری تاریخ پر فوری حکم امتناع جاری کرنے کی استدعا مسترد کرتے ہوئے درخواست گزار کے وکیل راجا رضوان عباسی کو ہدایت کی کہ آج ویسے بھی ہڑتال ہے آپ اپنی گزارشات جمع کروا دیں۔
جسٹس ارباب محمد طاہر نے کہا کہ ہم نے نوٹس جاری کرکے پی ایم ڈی سی حکام کو جمعہ کے روز عدالت بلا لیا ہے۔
.
ذریعہ
ذریعہ: Jang News
کلیدی لفظ: درخواست گزار کے وکیل راجا رضوان عباسی جسٹس ارباب محمد طاہر نے پی ایم ڈی سی
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار