خاتون مسافر کا 14 تولے سونا اور نقدی چوری کرنے والا ملزم گرفتار
اشاعت کی تاریخ: 14th, November 2025 GMT
ٹرین میں سفر کے دوران خاتون مسافر کا 14 تولے سونا، ایک لاکھ روپے نقدی اور موبائل فون چوری کرنے والے ملزم کو پولیس نے گرفتار کر لیا۔
لاہور سے جاری ریلوے پولیس کے ترجمان کے مطابق ریلوے پولیس نے بروقت کارروائی کرتے ہوئے ٹرین میں خاتون مسافر کا قیمتی سامان چوری کرنے والے ملزم کو گرفتار کرلیا۔ گرفتار ملزم کے قبضے سے 12 تولے سونا اور موبائل فون برآمد کرلیا گیا، جبکہ ایک لاکھ روپے نقدی اب تک مفقود ہے۔
ترجمان کے مطابق لاہور سے جاری ریلوے پولیس کے ترجمان کے مطابق متاثرہ خاتون چند روز قبل کراچی سے فیصل آباد جانے والی ٹرین میں سفر کر رہی تھیں۔ دورانِ سفر خانپور اور شہداد پور کے درمیان ملزم نے خاتون کے پرس سے 14 تولے سونا، ایک لاکھ روپے نقد اور موبائل فون چرالیا۔
پولیس نے واقعے کی اطلاع ملنے پر فوری کارروائی کرتے ہوئے خانپور ریلوے اسٹیشن پر مقدمہ درج کیا اور جدید ٹریکنگ کے ذریعے ملزم کو محراب پور، سندھ سے گرفتار کرلیا۔ ترجمان کے مطابق، ملزم پیشہ ور اور عادی مجرم ہے، جس کے خلاف مختلف شہروں میں متعدد مقدمات پہلے سے درج ہیں۔
ریلوے پولیس نے برآمد شدہ سامان متاثرہ خاتون کے حوالے کرنے کی تیاری شروع کر دی ہے، جبکہ مزید تحقیقات جاری ہیں تاکہ چوری کی باقی رقم بھی برآمد کی جا سکے۔
.
ذریعہ
ذریعہ: Al Qamar Online
کلیدی لفظ: پاکستان کھیل ترجمان کے مطابق ریلوے پولیس تولے سونا پولیس نے
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی