ڈاکٹر نبیہا علی خان کا شادی کے بعد حارث کھوکھر سے طلاق لینے پر غور
اشاعت کی تاریخ: 23rd, November 2025 GMT
معروف ماہرِ نفسیات، سوشل میڈیا ایکٹیوسٹ اور میڈیا پرسنالٹی ڈاکٹر نبیہا علی خان نے حال ہی میں اپنے دیرینہ دوست حارث کھوکھر سے نکاح کیا اور ان کا نکاح مولانا طارق جمیل کے گھر پر ہوا۔
نکاح کی تصاویر اور ویڈیوز سوشل میڈیا پر تیزی سے وائرل ہوئیں لیکن ساتھ ہی جوڑے کو اس وقت شدید تنقید کا سامنا کرنا پڑا جب انہوں نے دلہن کے ملبوسات اور زیورات کی قیمت کا تذکرہ کیا۔
یہ پڑھیں: سوشل میڈیا ناقدین نے ڈاکٹر نبیہا کو رُلا دیا
اس کے بعد سے ڈاکٹر نبیہا اور حارث کئی انٹرویوز دے چکے ہیں اور اب انہوں نے میزبان وصی شاہ سے گفتگو میں اپنی دل کی بات بیان کی۔
وصی شاہ سے گفتگو کرتے ہوئے ڈاکٹر نبیہا علی خان جذبات پر قابو نہ رکھ سکیں اور روتے ہوئے بتایا کہ شادی کے فوراً بعد انہیں شدید ڈپریشن کا سامنا کرنا پڑا۔ انہوں نے کہا کہ زندگی کے سب سے خوشگوار لمحات سوشل میڈیا کی بے لچک تنقید نے اُن کے لیے خوفناک خواب بنا دیے۔
ڈاکٹر نبیہا کا کہنا تھا کہ یہ میری زندگی کا بدترین وقت تھا، میں نے کبھی نہیں سوچا تھا کہ اپنی شادی جیسے خوبصورت موقع پر مجھے ایسے حالات کا سامنا کرنا پڑے گا۔
انہوں نے مزید بتایا کہ اس حد تک دباؤ بڑھ گیا تھا کہ ایک موقع پر انہوں نے حارث کھوکھر سے طلاق لینے کا بھی سوچا کیونکہ اُن کی ذہنی صحت سخت متاثر ہوئی۔
انہوں نے کہا کہ اُن کے اوپر ہونے والی تنقید نے اُن کی خوشیوں کو دکھ میں بدل دیا اور کچھ لوگوں نے اُن کے زندگی کے سب سے قیمتی لمحے کو اُن کے لیے سب سے بڑا پچھتاوہ بنا دیا۔ ڈاکٹر نبیہا نے بتایا کہ ان سب باتوں کا درد صرف وہی سمجھ سکتی ہیں جنہوں نے خود محسوس کیا۔
یہ بھی پڑھیں: شادی کے لہنگے کی قیمت پر ڈاکٹر نبیہا کی وضاحت سامنے آگئی
ڈاکٹر نبیہا علی خان کی یہ جذباتی گفتگو سوشل میڈیا پر ایک نئی بحث کا باعث بن رہی ہے جہاں بہت سے صارفین اُن کے حق میں آواز اٹھا رہے ہیں کہ سوشل میڈیا پر ہونے والی بلاوجہ تنقید انسانی ذہنی صحت پر سنگین اثرات ڈال سکتی ہے۔
.
ذریعہ: Express News
کلیدی لفظ: ڈاکٹر نبیہا علی خان سوشل میڈیا میڈیا پر انہوں نے
پڑھیں:
بھارتی اداکار رونیت رائے نے سوشل میڈیا چھوڑنے کا اعلان کر دیا
بھارتی اداکار رونیت رائے نے اچانک سوشل میڈیا کی دنیا کو خیرباد کہہ دیا ہے۔ 60 سالہ اداکار نے ایک جذباتی پوسٹ میں مداحوں کو بتایا کہ وہ کچھ عرصے کے لیے آن لائن پلیٹ فارمز سے وقفہ لے رہے ہیں۔
رونیت نے اپنی پوسٹ میں لکھا کہ وہ خود پر توجہ دینا، زندگی میں توازن قائم رکھنا اور تنہائی میں وقت گزارنا چاہتے ہیں، اور اس مقصد کے لیے سوشل میڈیا سے دوری اختیار کرنا ان کے لیے ضروری ہے۔
یہ فیصلہ ایسے وقت میں آیا ہے جب سوشل میڈیا دنیا بھر میں اداکاروں اور مداحوں کے درمیان رابطے کا سب سے تیز اور آسان ذریعہ بن چکا ہے۔ رونیت کے مداحوں نے ان کے فیصلے کو احترام کے ساتھ سراہا اور ان کے جلد واپسی کے لیے نیک خواہشات کا اظہار کیا ہے۔
سابق ایم این اے نوابزادہ مظہر علی خان 94 برس کی عمر میں انتقال کر گئے