کندھکوٹ: جنگل سے ملنے والا راکٹ لانچر گولہ پھٹ گیا، 4بچے جاںبحق
اشاعت کی تاریخ: 25th, November 2025 GMT
data-id="863a0a8" data-element_type="widget" data-widget_type="theme-post-content.default">
کندھکوٹ(نمائندہ جسارت)جنگل سے ملنے والا راکٹ لانچر کا زنگ آلود گولہ پھٹنے سے 4بچے جاںبحق ایک زخمی ہوگیا۔ تفصیلات کے مطابق کندھکوٹ کے قریب پولیس تھانہ بخشاپور کی حدود زورگڑھ کے علاقے میں بکریاں چرانے والے بچوں کوجنگل میں زمین پر پڑا بارودی گولہ ملا جس سے 5 بچے ایک ساتھ کھیل رہے تھے کہ اچانک گولہ پھٹ گیا جس سے 4 بچے جاں بحق اور ایک زخمی ہو گیا واقعے کی اطلاع ملتے ہی کندھکوٹ سے ایمبولینس گاڑیاں اور پولیس جائے وقوعہ پر پہنچ گئی۔ اس حوالے سے پولیس کا کہنا ہے کہ جاں بحق ہونے والوں میں برکت ولد عبدالغفور گولو، دینن ولد مولا بخش گولو، کشاوت ولد مولا بخش گولو اور برکت ولد رانجھا گولو شامل ہیں جب کہ ایک زخمی کو رحیم یار خان منتقل کر دیا گیا ہے ۔ بچوں کا تعلق ایک ہی قبیلے سے بتایا جاتا ہے، جاں بحق ہونے والے بچوں کی عمریں 8 سے 10 سال کے درمیان تھی۔ڈاکٹروں کی ٹیم متوفی کے پوسٹ مارٹم کے لیے اس کے گاؤں پہنچ گئی، پولیس کا کہنا ہے کہ واقعے کی تحقیقات کر رہے ہیں
ذریعہ: Jasarat News
پڑھیں:
لاہور: گھروں میں کام کے بہانے وارداتیں کرنے والا خطرناک گروہ گرفتار
لاہور پولیس نے ایک خطرناک گروہ گرفتار کر لیا جو گھروں میں کام کرنے کے بہانے داخل ہو کر شہریوں کو زخمی کرتا اور لوٹ مار کرتا تھا۔
پولیس کے مطابق ایس ایچ او ڈیفنس اے خرم شہزاد کی قیادت میں ٹیم نے کارروائی کرتے ہوئے تین رکنی گروہ کو حراست میں لیا۔ گرفتار شدگان میں سمسون، آکاش اور تنویر شامل ہیں۔
ایس پی کینٹ اخلاق اللہ تارڑ نے بتایا کہ ملزم سمسون ڈیفنس کے علاقے میں گھروں میں کام کرتا تھا اور اپنے ساتھیوں آکاش اور تنویر کے ساتھ واردات کی منصوبہ بندی کرتا تھا۔ چند روز قبل ملزمان نے بزرگ شہریوں کو چاقو کے وار سے زخمی کیا اور خاندان کو زیپ ٹائز اور ڈکٹ ٹیپ سے باندھ دیا، تاہم شور مچانے پر فرار ہو گئے۔
سی سی ٹی وی فوٹیج میں برقعہ پہنے ایک ملزم سمیت گروہ کو فرار ہوتے دیکھا گیا، جس کے بعد جدید ٹیکنالوجی کی مدد سے انہیں گرفتار کیا گیا۔ گرفتار ملزمان کے قبضے سے چاقو، ڈکٹ ٹیپ، زیپ ٹائز اور ماسک بھی برآمد ہوئے ہیں۔
ایس پی کینٹ نے شہریوں سے اپیل کی ہے کہ اپنے ملازمین کی پس منظر کی تصدیق متعلقہ تھانے سے لازمی کروائیں تاکہ ایسی وارداتوں سے بچا جا سکے۔
پوری قوم دہشتگردی کیخلاف جنگ میں اپنی افواج کیساتھ کھڑی ہے: وزیراعظم