بھارتی وزیر دفاع بوکھلاہٹ کا شکارہیں، کاشف سعیدشیخ
اشاعت کی تاریخ: 26th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) جماعت اسلامی سندھ کے امیرکاشف سعید شیخ نے کہا ہے کہ 27 ویں ترمیم کے بعد عدلیہ کمزوراورعوامی حقوق کو یرغمال بنادیاگیا ہے26 ویں اور 27 ویں آئینی ترامیم کو مسترد اور1973ء آئین کو تباہ کرنے کی ہر کوشش کے خلاف بھرپور مزاحمت کریں گے۔ زمینوں کی بندبانٹ سے لے کرکارونجھرپہاڑ کی کٹائی تک پیپلز پارٹی کی صوبائی حکومت سندھ کے حقوق کی سودی بازی میں ملوث ہے۔مفادپرست قیادت ملک کو مستحکم و مضبوط کرنے کی بجائے آئینی ترامیم کے ذریعے شخصی آمریت اور ملک کی بنیادوںکو کھوکھلاکرنے میں مصروف ہے۔ جماعت اسلامی جمہوریت کی بالادستی اورقانون کی حکمرانی کے لیے اپنی جدوجہد جاری رکھے گی۔ امیر جماعت حافظ نعیم الرحمن کی اعلان کردہ بدل دونظام تحریک میں صوبہ سندھ ہراول دستہ کا کردار ادا کرے گا۔ صوبائی امیرنے جاری اپنے بیان میں کہاکہ امیرجماعت اسلامی حافظ نعیم الرحمان نے اس بات کا واضح اعلان کیا ہے کہ ہم 26 ویں اور 27 ویں ترامیم کے خلاف بھرپور تحریک چلائیں گے، حق بات کہیں گے چاہے اسٹیبلشمنٹ یا حکومت کو ناگوار گزرے۔صوبائی امیر نے بھارتی وزیر دفاع کے سندھ سے متعلق بیان پر کڑی تنقید کرتے ہوئے کہا کہ بھارتی وزیر دفاع بوکھلاہٹ کا شکار ہیں،یہ پاکستان سے عبرتناک شکست کے اثرات کی نشانی ہے، سندھ پاکستان کا اٹوٹ انگ ہے اور اسے کبھی تقسیم یا الگ نہیں کیا جا سکتا۔انہوں نے کہاکہ سندھ پاکستان ہے اورپاکستان کا حصہ رہے گا۔ قیام پاکستان کی قرارداربھی سب سے پہلے سندھ اسمبلی میں پاس کرنے کا اعزاز حاصل ہے جس پر سندھ کے عوام کو فخر ہے۔
ذریعہ
ذریعہ: Jasarat News
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار