بلاول بھٹو زرداری پیپلز پارٹی کے یوم تاسیس پر بذریعہ ویڈیو لنک جلسوں سے خطاب کر رہے ہیں—فیس بک ویڈیو گریب

چیئرمین پاکستان پیپلز پارٹی ( پی پی پی) بلاول بھٹو زرداری نے کہا ہے کہ بھارت کا وزیر سندھ سے متعلق غلط بات کر رہا ہے، ملک کے تمام صوے بھائیوں کی طرح ہیں، جو مودی کا مقابلہ کرنے کی طاقت رکھتے ہیں۔

پیپلز پارٹی کے 58 ویں یومِ تاسیس پر ویڈیو لنک کے ذریعے مختلف جلسوں سے خطاب میں بلاول بھٹو زرداری نے کہا کہ دشمن پاکستان کو غیر مستحکم کرنے کےلیے سازشی طریقے اپنا رہا ہے، دشمن آج بھی ملک میں دہشت گردی پھیلانے کی کوشش کر رہے ہیں۔

انہوں نے کہا کہ دشمن سازشی طریقے اپنا رہا ہے تاکہ پاکستان کو غیر مستحکم کیا جائے، آپس کے سیاسی اختلافات ہو سکتے ہیں، جب ملک کی سلامتی کی بات آئے تو ہم سب کو ایک ہو کر مقابلہ کرنا ہے۔

چیئرمین پی پی پی نے کہا کہ پاک بھارت جنگ کے بعد یہ ہمارا پہلا یومِ تاسیس ہے، بھارت کے 7 جہاز گرا کر ہماری ایئر فورس نے دنیا بھر میں پاکستان کا نام روشن کر دیا۔

اُن کا کہنا ہے کہ کچھ لوگوں کی کوشش ہے کہ آئینی عدالت کو متنازع بنائیں، امید ہے کہ آئینی عدالت اپنے کردار سے ان لوگوں کو غلط ثابت کر دے گی۔

بلاول بھٹو زرداری نے کہا کہ حکومت چاہتی تھی کہ جو آئینی تحفظ ہم نے صوبوں کو دلوایا تھا اس کو ختم کیا جائے، فخر سے کہہ سکتا ہوں کہ آپ کی وجہ سے اس آئینی تحفظ کو چھیڑا نہیں گیا۔

انہوں نے کہا کہ حکومت اس مطالبے سے پیچھے ہٹی، ہم نے آئینی عدالت بنا کر چارٹر آف ڈیموکریسی کی شق پوری کر دی اور صوبوں کو برابری کی نمائندگی دلوا دی۔

پی پی چیئرمین نے کہا کہ بھارت خیبر پختون خوا اور بلوچستان میں دہشت گردی میں ملوث ہے، ہماری بہادر افواج نے دنیا بھر میں پاکستان کا نام روشن کیا۔

اُن کا کہنا ہے کہ فخر سے کہہ سکتا ہوں کہ یومِ تاسیس کے موقع پر نئی تاریخ رقم کی، ملک کی تاریخ کے سب سے بڑے ڈیجیٹل جلسے سے خطاب کر رہا ہوں۔

بلاول بھٹو زرداری نے کہا کہ آزاد کشمیر، گلگت بلتستان، خیبر پختون خوا، پنجاب، بلوچستان اور سندھ کے عوام سے مخاطب ہوں، ہمارا معاشی فلسفہ ہے کہ پسماندہ طبقے کو معاشی طو ر پر مضبوط کرنا ہے۔

انہوں نے کہا کہ شہید بھٹو نے اپنے دور میں عوام کی نمائندگی کرتے ہوئے جمہوریت اور ملک میں آئین کی بنیادیں رکھیں، شہید بھٹو کا جب عدالتی قتل ہوا تو شہید بی بی اسی فلسفے کو آگے لے کر چلیں۔

پی پی چیئرمین نے کہا کہ آئین، جمہوریت کی بحالی اور عوام کے حقوق کے لیے شہید بی بی نے جدو جہد کی، پیپلز پارٹی نے شہید بینظیر کے پرچم کو گرنے نہیں دیا۔

اُن کا کہنا ہے کہ صدر زرداری نے روٹی، کپڑا، مکان کے فلسفے سے بینظیر انکم سپورٹ پروگرام کی بنیاد رکھی اور پہلی بار بلوچستان کے عوام کو اُن کا حق پہنچایا۔

بلاول بھٹو زرداری نے کہا کہ پیپلز پارٹی واحد سیاسی جماعت ہے جو مثبت سیاست کرتی ہے اور سیاسی دائرے میں رہتی ہے، ملک میں اس وقت سیاسی بحران ہے، اس کو ایڈریس کر کے مشکلات سے نکالنا ہے۔

انہوں نے کہا کہ پیپلز پارٹی نے حال ہی میں حکومت کے ساتھ مل کر ایک آئینی ترمیم پاس کرائی، ن لیگ نے ایک وفد بھیجا اور کہا کہ وہ آئینی ترمیم لے کر آنا چاہتے ہیں۔

بلاول بھٹو زرداری نے کہا کہ پیپلز پارٹی کے جیالے کسی کے پراپیگنڈے پر توجہ نہ دیں، آئین سازی پارلیمان کا اختیار ہے، ہم نے آئینی عدالتیں بنوائی ہیں۔

.

ذریعہ: Jang News

کلیدی لفظ: بلاول بھٹو زرداری نے کہا کہ انہوں نے کہا کہ پیپلز پارٹی

پڑھیں:

پیپلز پارٹی کے یوم تاسیس پر تمام جمہوریت پسندوں کو مبارک باد پیش کرتا ہوں،خورشید شاہ

سکھر(نیوز ڈیسک) پیپلز پارٹی کے یومِ تاسیس کے موقع پر سینئر رہنما خورشید احمد شاہ نے تمام جمہوریت پسندوں کو مبارک باد پیش کرتے ہوئے کہا ہے کہ پاکستان پیپلز پارٹی قربانیوں اور کارناموں کی ایک عظیم داستان ہے جس نے ہمیشہ پاکستان میں جمہوریت کے استحکام اور عوامی حقوق کے تحفظ کے لیے مرکزی کردار ادا کیا ہے۔

اپنے بیان میں اُن کا کہنا تھا کہ پیپلز پارٹی نے پارلیمانی جمہوریت، آئین سازی، ملکی دفاع اور پاک چین دوستی کے فروغ کے لیے تاریخی جدوجہد کی، جس کے اثرات آج بھی ملکی سیاست میں نمایاں ہیں۔ انہوں نے کہا کہ پارٹی نے ہر دور میں عوام کی طاقت کو اپنا محور و مرکز بنایا اور اسی بنیاد پر شاندار کامیابیاں حاصل کیں۔

خورشید احمد شاہ نے بھٹو خاندان کی لازوال قربانیوں کا ذکر کرتے ہوئے کہا کہ ذوالفقار علی بھٹو سے بینظیر بھٹو تک، اس خاندان نے جمہوریت، آئین کی بالادستی اور ملکی ترقی کے لیے اپنی جانوں تک کی قربانی دی، جسے تاریخ میں ہمیشہ یاد رکھا جائے گا۔

انہوں نے مزید کہا کہ جمہوری جدوجہد اور سیاسی استقامت کے باب میں پیپلز پارٹی کی تاریخ نہ صرف شاندار ہے بلکہ ناقابلِ فراموش بھی ہے، اور یہی روایت اسے پاکستان کی مضبوط ترین جمہوری قوت بناتی ہے۔

متعلقہ مضامین

  • آئینی ترمیم مسترد کرنا کسی عدالت کے اختیار میں نہیں، چیئرمین پیپلزپارٹی
  • جلد اکثریت میں آکر بلاول کو وزیر اعظم بنائیں گے،نثار کھوڑو
  • پیپلز پارٹی کا یوم تاسیس : پاکستان کا بین الاقوامی سطح پر مقام بنا چکے ہیں؛ بلاول بھٹو زرداری
  • ذوالفقار علی بھٹو نے ملک میں جمہوریت اور 1973 کے آئین کی بنیاد رکھی، بلاول بھٹو
  • جب تک ناانصافی اور غربت موجود ہے، جدوجہد جاری رہے گی: بلاول بھٹو
  • پیپلز پارٹی کے یوم تاسیس پر تمام جمہوریت پسندوں کو مبارک باد پیش کرتا ہوں،خورشید شاہ
  • پیپلز پارٹی کا 58ویں یومِ تاسیس: صدر آصف علی زرداری کا ذولفقار علی بھٹو اور بینظیر بھٹو کو خراج تحسین
  • ہمارےنظریےکی بنیادعوام کی خدمت ہے،بلاول زرداری
  • بلاول بھٹو کا اسرائیل کو بھی تسلیم کرنے کیلئے دو ریاستی حل کیلئے فیصلہ کن اقدامات پر زور