کراچی نیپا چورنگی حادثہ، علاقہ مکینوں کا رات گئے ایکبار پھر احتجاج، دوبارہ مظاہرے کا اعلان
اشاعت کی تاریخ: 1st, December 2025 GMT
مظاہرین کا کہنا تھا کہ ہمارا تعلق کسی جماعت سے نہیں ہے، ہم علاقہ مکین ہیں اور مطالبہ کرتے ہیں کہ میئر کراچی استعفیٰ دیں، اب یہ تحریک نہیں رکے گی۔ اسلام ٹائمز۔ شہر قائد میں گلشن اقبال نیپا چورنگی ڈپارٹمنٹل اسٹور کے قریب کمسن ابراہیم کے مین ہول میں گر کر جاں بحق ہونے والے واقعے کے خلاف پیر کی شب علاقہ مکینوں نے ایک بار پھر سے جائے وقوعہ کے قریب احتجاج کرتے ہوئے ٹریفک معطل کر دیا۔ اس موقع پر مشتعل افراد کی جانب سے ٹائروں کو بھی نذر آتش کیا گیا اور میئر کراچی مرتضیٰ وہاب کے خلاف نعرے لگائے، مظاہرین نے ہاتھوں میں پلے کارڈز بھی اٹھائے ہوئے تھے، جس پر مختلف نعرے درج تھے۔ احتجاج کے باعث نیپا سے حسن اسکوائر جانے والے ٹریک پر ٹریفک کی روانی معطل ہوگئی۔ مظاہرین کا کہنا تھا کہ ہمارا تعلق کسی جماعت سے نہیں ہے، ہم علاقہ مکین ہیں اور مطالبہ کرتے ہیں کہ میئر کراچی استعفیٰ دیں، اب یہ تحریک نہیں رکے گی، منگل کی شام 4 بجے نیپا چورنگی کے قریب دوبارہ احتجاج کیا جائے گا۔
.ذریعہ: Islam Times
پڑھیں:
حیدرآباد، UC.32میں ترقیاتی کام مکمل ، مکینوں میں خوشی کی لہر
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)میاں سرفراز ٹاؤن کی یوسی 32کے چیئرمین اظہر شیخ کی کاوشوں سے ریشم بازار میں جاری ترقیاتی کام مکمل ہونے پر علاقہ مکینوں کی جانب سے ایک تقریب کا انعقاد کیا گیا جس میں یوسی چیئرمین اظہر شیخ، ڈاکٹر اقبال ہارون، آل پاکستان صرافہ یونین کے نائب صدر شکیل مارواڑی،صرافہ یونین کے چیئرمین روف احمد، جنرل سیکرٹری یحییٰ پوجانی، ریشم بازار یونین کے صدر وقار عرف وکی، انجمن تاجران حیدرآباد ڈویژن کے صدر صلاح الدین غوری، نائب صدر محمد علی راجپوت، میڈیا کوآارڈنیٹر ناصر خان و دیگر شامل تھے۔ اس موقع پر علاقہ مکینوں سے گفتگو کرتے ہوئے یوسی چیئرمین اظہر شیخ نے کہاکہ ہمارا عزم علاقہ کی خدمت کرنا تھا جوکہ ہم نے کردکھایا ہے اور ہماری کوشش ہوگی کہ آپ بھی ہمارے ساتھ تعاون کرتے رہیں گے، انہوں نے کہاکہ گلیوں کی تعمیر، اسٹریٹ لائٹس، نالیوں کو پختہ کرنا، صفائی ستھرائی، مختلف مقامات پر کیمروں کی تنصیبات، مختلف مقامات پر فلٹر پلانٹ کی تعمیر، ایک ماہ تک علاقہ مکینوں کیلئے ڈینگی کے ٹیسٹ فری کئے گئے جس سے یوسی کے ہزاروں لوگوں نے ٹیسٹ کراکر اپنا علاج مکمل کرایا، روزانہ کی بنیاد پر ڈینگی مچھر کے خاتمے کیلئے اسپرے مہم جاری رکھی تاکہ عوام کو اس موذی مرض سے چھٹکارا مل سکے۔ انہوں نے کہاکہ ہم نے اپنے محدود فنڈز کے باوجود علاقہ میں مثالی خدمات سرانجام دی ہے باقی تمام یوسی کا حال آپ کے سامنے ہے کہ عوام بنیادی سہولیات سے محروم ہیں۔تقریب کے اختتام پر خصوصی دعا بھی کی گئی۔
بھارت کی مختلف ریاستوں میں "بی ایل او" کی اموات، الیکشن کمیشن نے رپورٹ طلب کی