آسٹریلوی آل راؤنڈر گلین میکس ویل نے بھی آئی پی ایل نہ کھیلنے کا اعلان کر دیا
اشاعت کی تاریخ: 2nd, December 2025 GMT
آسٹریلوی آل راؤنڈر بیٹر گلین میکس ویل نے انڈین پریمیئر لیگ (آئی پی ایل) کے 19ویں ایڈیشن کے لیے نیلامی سے اپنے نام واپس لے لیا ہے تاہم انہوں نے یہ نہیں بتایا کہ انہوں نے آئی پی ایل 2026 نہ کھیلنے کی وجہ کیا ہے۔
37 سالہ میکس ویل نے اپنے انسٹاگرام اکاؤنٹ پر کہا، آئی پی ایل کے کئی ناقابل فراموش سیزنز کے بعد، میں نے فیصلہ کیا ہے کہ اس سال نیلامی میں اپنا نام نہیں دوں گا۔ یہ ایک بڑا فیصلہ ہے اور میں اسے اس لیگ کی طرف سے دی گئی سب کچھ کے لیے شکرگزاری کے ساتھ کر رہا ہوں۔
یہ بھی پڑھیے: سابق برٹش کپتان معین علی کا بھی انڈین پریمیئر لیگ چھوڑ کر پی ایس ایل کھیلنے کا اعلان
انہوں نے مزید کہا، آئی پی ایل نے مجھے ایک کرکٹر اور ایک شخص کی حیثیت سے تشکیل دینے میں مدد دی ہے۔ میں خوش قسمت رہا کہ دنیا کے بہترین کھلاڑیوں کے ساتھ کھیل سکا، شاندار فرنچائزز کی نمائندگی کی، اور ایسے شائقین کے سامنے کھیلنے کا موقع ملا جن کا جذبہ بے مثال ہے۔
میکس ویل نے کہا، یادیں، چیلنجز اور بھارت کی توانائی ہمیشہ میرے ساتھ رہیں گی۔ آپ سب کی حمایت کا شکریہ۔ امید ہے جلد ملاقات ہوگی۔
میکس ویل، جو آف اسپن بھی کرتے ہیں، نے آئی پی ایل میں 4 فرنچائزز ممبئی انڈینز، رائل چلنجرز بنگلور، دہلی ڈیئرڈیولز، اور پنجاب کنگز کی نمائندگی کی ہے۔
میڈیا رپورٹس کے مطابق، میکس ویل کا یہ اعلان ایسے وقت میں آیا جب سابق جنوبی افریقی کپتان فاف ڈوپلیسیس اور سابق انگلینڈ کرکٹر معین علی نے پاکستان سپر لیگ (پی ایس ایل) کو آئی پی ایل پر ترجیح دی۔
یہ بھی پڑھیے: جنوبی افریقہ کے اسٹار کھلاڑی نے آئی پی ایل کے بجائے پی ایس ایل کھیلنے کا فیصلہ کرلیا
معین علی نے اپنی پی ایس ایل شمولیت پر خوشی کا اظہار کرتے ہوئے کہا، میں پی ایس ایل کے نئے دور میں شامل ہونے پر بہت پرجوش ہوں۔ اس لیگ نے اعلیٰ معیار کی ٹی20 کرکٹ، سخت مقابلہ اور ہر ٹیم میں عالمی معیار کے کھلاڑیوں کا ریکارڈ قائم کیا ہے۔
ڈوپلیسیس نے کہا کہ اس بار انہوں نے ایک نئے چیلنج کو قبول کرنے کا فیصلہ کیا اور وہ آنے والے پی ایس ایل سیزن میں کھیلیں گے۔ انہوں نے کہا، یہ میرے لیے ایک دلچسپ قدم ہے، کچھ نیا تجربہ کرنے، ایک کھلاڑی کے طور پر ترقی کرنے، اور شاندار ٹیلنٹ اور توانائی سے بھرپور لیگ کا حصہ بننے کا موقع۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: میکس ویل نے پی ایس ایل آئی پی ایل کھیلنے کا انہوں نے
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
پاکستان نے ورلڈ کپ 2028 کیلیے براہ راست کوالیفائی کر لیا