ہتھکڑی نہ لگائیں، کم عمر ڈرائیوروں کو پہلے وارننگ دیں: جسٹس عالیہ نیلم
اشاعت کی تاریخ: 3rd, December 2025 GMT
لاہور (خبر نگار) چیف جسٹس لاہور ہائیکورٹ جسٹس عالیہ نیلم نے ٹریفک قوانین کی خلاف ورزی پر کم عمر بچوں کی گرفتاری پر سخت نوٹس لے لیا۔ چیف جسٹس نے آئی جی پنجاب کو کم عمر ڈرائیور بچوں کو گرفتار کرنے سے روک دیا۔ چیف جسٹس نے ڈاکٹر عثمان انور کی چیمبر ملاقات میں کم عمر ڈرائیورز کی گرفتاریوں پر اظہار تشویش کیا اور حکم دیا کہ وارننگ دینے سے پہلے کسی وائلیشن میں ملوث پائے گئے کم عمر فرد کو گرفتار کر کے ہتھکڑیاں نہ لگائی جائیں۔کم عمر ڈرائیور بچوں سے متعلق پہلے آگاہی مہم چلائی جائے۔ پہلی مرتبہ کم عمر موٹر سائیکل اور گاڑی چلانے والے بچوں کو وارننگ دی جائے ۔ غلطی دہرانے پر قانون کے مطابق کارروائی کی جائے۔ چیف جسٹس نے وکلاء کے چیمبرز سیل کرنے پر سخت نوٹس لیتے ہو ئے آئی جی پنجاب سے تفصیلی رپورٹ طلب کرلی۔ چیف جسٹس نے کہا کہ وکلاء کے ساتھ کسی قسم کا خلاف قانون اقدام برداشت نہیں کیا جائے گا۔ چیف جسٹس نے اس ضمن میں آئی جی پنجاب کو مکمل جائزہ لینے کا حکم دیا۔
.ذریعہ: Nawaiwaqt
کلیدی لفظ: چیف جسٹس نے
پڑھیں:
ایک ارب روپے سے اچھرہ بازار کو ماڈرن مارکیٹ میں تبدیل کیا جائے گا، عون چوہدری
پنجاب حکومت نے لاہور کے تاریخی بازار اچھرہ کی تزئین نو کا آغاز کردیا ہے، جسے 5 ماہ کی مدت میں مکمل کیا جائے گا۔
لاہور میں میڈیا سے گفتگو کرتے ہوئے وزیرِ مملکت برائے اوورسیز پاکستانیز عون چوہدری نے کہا ہے کہ حکومت نے آج تاریخی اچھرہ بازار کی ری ویمپنگ کا آغاز کردیا ہے۔
انہوں نے بتایا کہ یہ لاہور کا پہلا بازار ہے جسے مکمل طور پر ماڈرن ڈیزائن میں تبدیل کیا جارہا ہے اور 5 ماہ میں اس منصوبے کو مکمل کرلیا جائے گا۔
یہ بھی پڑھیں:پنجاب میں کچرا ٹھکانے لگانے کا جدید منصوبہ، رنگدار کوڑے دان لازمی قرار
عون چوہدری کا کہنا تھا کہ اچھرہ بازار تقریباً 100 سال پرانا ہے اور وزیرِاعلیٰ پنجاب کے وژن کے مطابق اسے ایک مثالی مارکیٹ میں تبدیل کیا جائے گا۔
انہوں نے کہا کہ ایک ارب روپے کی لاگت سے اس بازار کو نئے انداز میں تعمیر کیا جارہا ہے اور یہ منصوبہ لاہور ہی نہیں بلکہ پورے پنجاب کے لیے نمونہ بنے گا۔
انہوں نے وزیرِاعلیٰ مریم نواز کے اقدامات کی تعریف کرتے ہوئے کہا کہ وہ لاہور اور پنجاب کے لیے وہ فیصلے کر رہی ہیں جو ماضی میں کسی نے نہیں کیے۔
مزید پڑھیں:وزیراعلیٰ مریم نوازشریف کا ’میگنیفیسنٹ پنجاب‘ میگا ٹورسٹ منصوبہ کیا ہے؟
انہوں نے کہا کہ اپنے ووٹرز کے لیے ایسے ترقیاتی منصوبے لانا ان کے لیے باعثِ خوشی ہے۔
عون چوہدری نے خیبر پختونخوا کے عوام کا ذکر کرتے ہوئے کہا کہ ان کی خواہش ہے کہ پشاور بھی ایسے ہی ترقیاتی منصوبے اور معیاری سڑکیں دیکھے۔
انہوں نے کہا کہ شرانگیزی، گالی گلوچ اور دھونس کی سیاست کو ختم کرکے ترقی کے راستے کو اپنانا ہوگا۔
مزید پڑھیں:پنجاب میں کوئی منصوبہ محکمہ ماحولیات کی منظوری کے بغیر شروع نہیں ہوگا، لاہور ہائیکورٹ کاحکم
وزیر مملکت کا کہنا تھا کہ پاکستان کا مستقبل محفوظ ہاتھوں میں ہے اور ہمیں ایک فرد واحد کے لیے انتشار پیدا کرنے کے بجائے ملک کی مجموعی ترقی پر توجہ دینی چاہیے۔
انہوں نے کہا کہ خیبرپختونخوا کے عوام ان کے دل کے بہت قریب ہیں، اور وہ چاہتے ہیں کہ خیبر پختونخوا کا ہر بچہ معیاری تعلیم، صحت اور بہتر ترقی کے مواقع حاصل کرے۔
مزید پڑھیں: دھی رانی پروگرام، اب تک پنجاب حکومت کتنے جوڑوں کی شادیاں کروا چکی ہے؟
ایک سوال پر عون چوہدری نے کہا کہ آئی ایم ایف کی رپورٹ پر وہ کوئی تبصرہ نہیں کرسکتے۔
گورنر راج سے متعلق سوال کے جواب میں انہوں نے کہا کہ خیبر پختونخوا میں گورنر راج کے حوالے سے انہیں کوئی معلومات نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایم ایف اچھرہ بازار پشاور پنجاب خیبر پختونخوا عون چوہدری گورنر راج لاہور وزیر مملکت برائے اوورسیز پاکستانیز وزیراعلیٰ مریم نواز
قم، مدرسہ امیر المومنین ع میں فاطمی اسٹوڈنٹس کانفرنس کا انعقاد