انگلینڈ میں ایتھلیٹس کا 48 گھنٹے مسلسل ڈوج بال کھیل کر نیا ریکارڈ
اشاعت کی تاریخ: 4th, December 2025 GMT
data-id="863a0a8" data-element_type="widget" data-widget_type="theme-post-content.default">
انگلینڈ میں کھیلوں کے شوقین نوجوانوں کے ایک گروپ نے 2 دن تک مسلسل ڈوج بال کھیل کر ایک ایسا سنگ میل عبور کیا ہے جس نے گینیز ورلڈ ریکارڈ میں نئی تاریخ رقم کردی۔
24 ایتھلیٹس پر مشتمل یہ ٹیم مسلسل 48 گھنٹے میدان میں کھیلتی رہی۔ اس دوران نہ کھیل رکا، نہ جذبہ کم ہوا اور نہ ہی کھلاڑیوں کی رفتار میں کمی دیکھی گئی۔ یہ پورا ایونٹ ڈوج سینٹرل کے تعاون سے منعقد ہوا جب کہ میزبانی ہارٹلی پول میورکس ڈوج بال کلب نے کی، جنہوں نے اس میراتھون کو منظم انداز میں انجام تک پہنچایا۔
یہ طویل ترین مقابلہ ہفتے کی صبح 9 بجے شروع ہوا اور اگلے 48 گھنٹوں کے بعد پیر کی صبح ٹھیک 9 بجے اپنے اختتام کو پہنچا۔ میراتھون کے دوران کھلاڑی وقفے وقفے سے پانی، توانائی بخش خوراک اور مختصر آرام لیتے رہے، مگر کھیل مسلسل جاری رہا۔
اس پورے ایونٹ کا مقصد نہ صرف نیا عالمی ریکارڈ بنانا تھا بلکہ یہ بھی دکھانا تھا کہ ڈوج بال جیسے نسبتاً کم معروف کھیل میں بھی کھلاڑی کس قدر صلاحیت، عزم اور برداشت رکھتے ہیں۔ اس دو روزہ میراتھون میں جس مستقل مزاجی سے کھلاڑی میدان میں ڈٹے رہے، اس نے شائقین اور منتظمین دونوں کو حیران کر دیا۔
اس سے قبل یہ ریکارڈ 2012 میں امریکی ریاست ورمونٹ میں کیسلٹن اسٹیٹ کالج کے نام تھا، جنہوں نے 41 گھنٹے، 3 منٹ اور 17 سیکنڈ تک مسلسل ڈوج بال کھیل کر عالمی ریکارڈ قائم کیا تھا، لیکن اس بار انگلینڈ کے کھلاڑیوں نے نہ صرف یہ ریکارڈ توڑا بلکہ اس میں نمایاں فرق کے ساتھ نئی حد بھی مقرر کر دی۔
مقابلے میں شامل شرکا کے مطابق یہ صرف ایک کھیل نہیں بلکہ برداشت، ٹیم ورک اور ذہنی مضبوطی کا امتحان تھا، جسے ہر کھلاڑی نے پوری لگن سے پورا کیا۔
دلچسپ بات یہ ہے کہ اس شاندار کوشش کا مقصد صرف ریکارڈ سازی نہیں تھا بلکہ اس کے ذریعے ایک خیراتی مقصد بھی وابستہ تھا۔ منتظمین کے مطابق اس سرگرمی کے دوران 8 ہزار ڈالر سے زائد رقم جمع ہوئی، جسے مکمل طور پر عطیہ کر دیا گیا۔
.ذریعہ: Jasarat News
کلیدی لفظ: ڈوج بال
پڑھیں:
ایشیز: انگلینڈ نے دوسرے ٹیسٹ کیلیے پلیئنگ الیون میں ایک تبدیلی کردی
انگلینڈ نے دوسرے ایشیز ٹیسٹ کے لیے پلیئنگ الیون کا اعلان کردیا۔
تفصیلات کے مطابق پرتھ ٹیسٹ میں دو دن میں زیر ہونے والی انگلش ٹیم میں صرف ایک تبدیلی کی گئی ہے۔
انجری مسائل کا شکار فاسٹ بولر مارک ووڈ کی جگہ بیٹنگ آل راؤنڈر ول جیکس کو ٹیم میں شامل کیا گیا ہے۔
انگلینڈ کے لیے دو ٹیسٹ میچ کھیلنے والے ول جیکس آف اسپن بولنگ بھی کرتے ہیں۔
ول جیکس کی تین سال بعد ٹیسٹ ٹیم میں واپسی ہوئی ہے۔ انہوں نے دسمبر 2022 میں پاکستان کے خلاف دو ٹیسٹ میچز کی سیریز میں ڈیبیو کیا تھا اور مجموی طور پر 89 رنز بنانے کے ساتھ 6 وکٹیں حاصل کی تھیں۔
پلیئنگ الیون:
بین اسٹوکس (کپتان)، زیک کرولی، بین ڈکٹ، اولی پوپ، جو روٹ، ہیری بروک، جیمی اسمتھ، ول جیکس، جوفرا آرچر، گس ایٹکنسن، برائیڈن کارس
???? We've made one change to our XI for the second Test...
Enter stage right, Will Jacks ????
ٹرائی نیشن ٹی 20 سیریز: سری لنکا کا پاکستان کو جیت کے لئے 185رنز کا ہدف