فیلڈ مارشل عاصم منیر کی بطور چیف آف ڈیفنس فورسز کی تعیناتی، شہباز شریف کا خراجِ تحسین
اشاعت کی تاریخ: 5th, December 2025 GMT
وزیرِاعظم شہباز شریف نے پاکستان کے پہلے چیف آف ڈیفنس فورسز کے طور پر فیلڈ مارشل سید عاصم منیر کی تاریخی تعیناتی پر گرمجوشی سے مبارک باد دیتے ہوئے ان کی عسکری خدمات کو بھرپور خراجِ تحسین پیش کیا ہے۔
سوشل میڈیا پلیٹ فارم ایکس پر اپنے ایک بیان میں وزیرِاعظم شہباز شریف نے کہا کہ فیلڈ مارشل عاصم منیر نے قوم کی سلامتی کے محافظ کی حیثیت سے فیصلہ کن کردار ادا کیا اور سچ کی جنگ میں پاکستان کی مسلح افواج کو تاریخی کامیابی سے ہمکنار کیا۔
I warmly congratulate Field Marshal Syed Asim Munir on his historic appointment as Pakistan’s first Chief of Defence Forces.
— Shehbaz Sharif (@CMShehbaz) December 5, 2025
وزیرِاعظم کے مطابق قوم ہمیشہ ان کی اس جرات مندانہ اور دلیرانہ قیادت کو یاد رکھے گی جس نے نہ صرف افواجِ پاکستان کو یکجا رکھا بلکہ پوری قوم کو بھی ایک مقصد کے تحت متحد کیا اور وطن کے دفاع میں ایک سنگِ میل جیت کو یقینی بنایا۔
اپنے بیان میں شہباز شریف نے پاک فضائیہ کے سربراہ ایئر چیف مارشل ظہیر احمد بابر سدھو کو بھی مدتِ ملازمت میں توسیع پر مبارک باد پیش کی۔
یہ بھی پڑھیں: فیلڈ مارشل عاصم منیر کی صلاحیتوں کے ہم ہی نہیں امریکا بھی معترف ہے، وزیراعظم شہبازشریف
انہوں نے کہا کہ ایئر چیف مارشل کی مثالی قیادت میں پاک فضائیہ نے بے مثال پیشہ ورانہ مہارت کا مظاہرہ کرتے ہوئے 7 دشمن طیاروں اور جدید میزائل ڈیفنس سسٹمز کو تباہ کیا، جس سے پاکستان کی فضائی برتری مزید مضبوط ہوئی۔
وزیرِاعظم نے کہا کہ پاکستان کے تمام قومی ادارے وطن کے دفاع، ترقی اور خوشحالی کے لیے متحد ہیں۔ انہوں نے دعا اور امید ظاہر کی کہ متحد ہو کر پاکستان کے دفاع کو ناقابلِ تسخیر بنایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر چیف پاک فضائیہ چیف آف ڈیفنس فورسز سید عاصم منیر شہباز شریف ظہیر احمد بابر سدھو عسکری فیلڈ مارشل میزائل ڈیفنس سسٹمز وزیر اعظم
ذریعہ
ذریعہ: WE News
کلیدی لفظ: ایئر چیف پاک فضائیہ چیف آف ڈیفنس فورسز شہباز شریف ظہیر احمد بابر سدھو فیلڈ مارشل میزائل ڈیفنس سسٹمز فیلڈ مارشل شہباز شریف
پڑھیں:
پاکستان انسٹی ٹیوٹ آف فیشن ڈیزائن میں قائممقام وائس چانسلر کی تعیناتی کیلیے سینیٹ کا اجلاس طلب
پاکستان انسٹی ٹیوٹ آف فیشن ڈیزائن میں قائمقام وائس چانسلر کی تعیناتی کیلیے سینیٹ کا اہم اجلاس31 جولائی کو طلب کر لیا گیا جس میں صدر پاکستان و چانسلر کی ہدایات پر قائمقام وی سی کی تعیناتی سے متعلق ایجنڈے پر دوبارہ غور کیا جائے گا۔
تفصیلات کے مطابق صدر پاکستان نے 24اپریل کو ریفرنس وزارت تعلیم کو بھجوایا ہے جس میں بطور چانسلر پاکستان انسٹی ٹیوٹ آف فیشن ڈیزائن ایکٹ کی شق8(6)کے تحت سینٹ کے 17ویں اجلاس کے ایجنڈا نمبر13پر دوبارہ غور کرنے کی ہدایات جاری کی ہیں۔
دستیاب دستاویز کے مطابق 5 جنوری2026 کو ہونے والے سینیٹ کے17ویں اجلاس میں سابق وائس چانسلر پروفیسر حناطیبہ خلیل کو بطور وائس چانسلر کام جاری رکھنے کی منظوری دی گئی حالانکہ پروفیسر حنا طیبہ خلیل دو ٹرم مکمل کر چکی تھیں۔
سینیٹ کی قائمہ کمیٹی برائے تعلیم نے بھی پاکستان انسٹی ٹیوٹ آف فیشن ڈیزائن کے سینٹ اجلاس (جس میں حناطیبہ خلیل کو قائمقام وائس چانسلر ذمہ داریاں جاری رکھنے کی منظوری دی) کو کالعدم قرار دینے کی سفارش کر رکھی۔
قائمہ کمیٹی کی چیئرپرسن بشری انجم بٹ نے اجلاس کے دوان کہا تھا کہ عبوری وائس چانسلر کی تعیناتی سے متعلق ایوان صدر نے واضح کیا تھا کہ ایجنڈے کی منظوری نہیں لی گئی تھی۔
ذرائع نے بتایا کہ بشری انجم بٹ نے پاکستان انسٹی ٹیوٹ آف فیشن ڈیزائن کی وائس چانسلر کی تعیناتی سے متعلق ریفرنس ایوان صدر کو بھجوایا جس میں کہا گیا کہ انسٹی ٹیوٹ کے فیکلٹی ممبران ،افسران اور سٹیک ہولڈرز کی جانب سے الزامات لگائے کہ پروفیسر حناطیبہ خلیل وائس چانسلر بد انتظامی اور اختیارات کے غلط استعمال کی پریکٹس میں ملوث ہیں۔
انسٹی ٹیوٹ کی پروکیورمنٹ اور مالی معاملات میں بے ضابطگیوں سمیت انسٹی ٹیوٹ میں گورننس کے بدترین صورتحال ہے، اس کے علاوہ گرلز ہاسٹل کی تعمیر سے متعلق 450 ملین کے ٹینڈرز میں مبینہ بے ضابطگیاں بھی ہوئی ہیں۔
ایوان صدر نے سینیٹر بشری انجم بٹ کی جانب سے بھجوائے گئے ریفرنس پر اپنی سفارشات وزارت تعلیم کو بھجوا دی ہیں،
وزارت تعلیم کے ذرائع نے سینیٹ اجلاس کی تصدیق کرتے ہوئے کہا ہے کہ ایوان صدر کی ہدایات کی روشنی میں سینئر فیکلٹی ممبر کو ہی قائمقام وائس چانسلر پاکستان انسٹی ٹیوٹ آف فیشن ڈیزائن تعینات کیا جائے گا اور اس حوالے سے سنیارٹی لسٹ منگوا لی گئی ہے،
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار