کراچی: محکمہ موسمیات کا سردی کی شدت میں مزید اضافے کی پیشگوئی
اشاعت کی تاریخ: 6th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی: محکمہ موسمیات نے کراچی میں سردی کی شدت میں اضافے کی پیشگوئی کی ہے۔
تفصیلات کے مطابق محکمۂ موسمیات نے پیش گوئی کی ہے کہ شہرِ کراچی میں 8 دسمبر سے چلنے والی قدرے تیز اور خشک سرد ہوائیں موسم میں خنکی بڑھا سکتی ہیں۔
ماہرین کے مطابق ملک کے شمالی علاقوں اور بلوچستان پر اثر انداز ہونے والا نیا مغربی سسٹم منگل سے کراچی کے درجہ حرارت میں ایک سے دو ڈگری کی کمی کا باعث بن سکتا ہے، جس کے بعد شہر میں موسم مزید ٹھنڈا ہونے کا امکان ہے۔
چیف میٹرولوجسٹ کراچی کا کہنا ہے کہ مغربی سلسلے کے زیرِ اثر بلوچستان میں درجہ حرارت میں جو نمایاں کمی آئی ہے، اس کے اثرات ساحلی شہر تک پہنچ سکتے ہیں۔ ان کے مطابق بیشتر وقت شمال مشرقی بلوچستان کی سرد اور خشک ہوائیں چلتی رہیں گی، جو کراچی کی فضا میں خنکی بڑھانے کا سبب بن سکتی ہیں۔
انہوں نے واضح کیا کہ دسمبر کے وسط تک شہر میں شدید سردی کی کسی مضبوط لہر کے امکانات موجود نہیں، تاہم کم سے کم درجہ حرارت 12 سے 14 ڈگری سینٹی گریڈ کے درمیان رہنے کی توقع ہے، جبکہ زیادہ سے زیادہ درجہ حرارت 27 سے 29 ڈگری کے قریب ریکارڈ ہوسکتا ہے۔
چیف میٹرولوجسٹ نے بتایا کہ مغربی ہواؤں کے موجودہ سسٹم کے باوجود شہر میں بارش کا فی الحال کوئی امکان نہیں، البتہ خشک سرد ہواؤں کے باعث موسم میں ٹھنڈک برقرار رہنے کا امکان ہے۔
ذریعہ: Jasarat News
پڑھیں:
کراچی میں سردی کا زور ٹوٹ گیا، اگلے تین روز موسم کیسا رہے گا؟
محکمہ موسمیات کے مطابق کراچی میں سردی کا زور ٹوٹ گیا اور آئندہ تین روز تک دن میں موسم معتدل جبکہ رات میں خنکی ہوگی۔
محکمہ موسمیات کے مطابق شہرمیں گزشتہ دنوں قدرے تیزہواؤں کے سبب محسوس کیے جانے والے سرد موسم میں نمایاں کمی ہوگئی، جمعے کوشہرمیں 7 کلومیٹر فی گھنٹہ کی رفتارسے ہوائیں چلیں۔
واضح رہے کہ بدھ کو شہرمیں ہواؤں کی زیادہ سے زیادہ رفتار25 کلومیٹر فی گھنٹہ ریکارڈ ہوئی، صبح کے وقت شہرکا کم سے کم پارہ 12.5 ڈگری جبکہ زیادہ سے زیادہ درجہ حرارت گزشتہ روز کے مقابلے میں 1.1 ڈگری اضافےسے30.3 ڈگری سینٹی گریڈ ریکارڈ ہوا۔
جناح ٹرمینل ائیرپورٹ پر نصب ویدراسٹیشن پر کم سے کم درجہ حرارت 10.3 ڈگری ریکارڈ ہوا۔
ارلی وارننگ سینٹرکی پیش گوئی کے مطابق اگلے 3 روزکے دوران شہرکا موسم خشک اور راتیں خنک رہنے کی توقع ہے جبکہ سمندری ہوائیں منقطع رہیں گی اور بیشتر وقت مشرق وشمال مشرق کی جانب سے ہوائیں چلنے کا امکان ہے۔
پیش گوئی کے مطابق 3 روز کے دوران کم سے کم پارہ 12 سے 14 ڈگری جبکہ زیادہ سے زیادہ 28 سے 30 ڈگری سینٹی گریڈ کے درمیان ریکارڈ ہوسکتا ہے۔ دیہی سندھ کے موہنجودڑو میں دیگرشہروں کے مقابلے میں سب کم پارہ 5.5 ڈگری ریکارڈ ہوا۔
پیپلز پارٹی پنجاب سے متعلق اپنی کوتاہی تسلیم کرے: اعتزاز احسن