تیسرا ون ڈے، بھارت نے جنوبی افریقہ کو شکست دے کر سیریز اپنے نام کرلی
اشاعت کی تاریخ: 6th, December 2025 GMT
بھارت نے تیسرے اور فیصلہ کن ایک روزہ میچ میں جنوبی افریقا کو 9 وکٹوں سے شکست دے کر ون ڈے سیریز جیت لی۔
وشاکاپٹنم میں ہونے والے اس میچ میں بھارت نے ٹاس جیت کر پروٹیز کو پہلے بیٹنگ کی دعوت دی۔
جنوبی افریقا کی ٹیم مقررہ اوورز مکمل ہونے سے پہلے 47 اعشاریہ 5 اوورز میں 270 رنز بنا کر آؤٹ ہوگئی۔ کوئنٹن ڈی کاک نے شاندار بیٹنگ کرتے ہوئے 106 رنز کی سنچری اسکور کی، جبکہ کپتان ٹیمبا باووما نے 48 رنز جوڑے۔
یہ بھی پڑھیں: دوسرا ون ڈے: جنوبی افریقہ نے بھارت کو ہوم گراؤنڈ پر شکست دے کر سیریز برابر کرلی
ڈیوالڈ بریوس 29، میتھیو برٹزکے 24 اور مارکو جینسن 17 رنز بنا سکے۔ باقی بیٹرز سنگین دباؤ میں آکر جلد آؤٹ ہوتے رہے۔ کیشو مہاراج 20 رنز کے ساتھ ناٹ آؤٹ رہے۔
بھارت کے کلدیپ یادو اور پرسدھ کرشنا نے تباہ کن بولنگ کی اور 4، 4 وکٹیں حاصل کیں۔ ارشدیپ سنگھ اور رویندر جڈیجا نے ایک، ایک کھلاڑی کو آؤٹ کیا۔
ہدف کے تعاقب میں بھارتی بیٹرز نے پروٹیز بولنگ لائن کو کسی موقع کا فائدہ نہ دیا۔ بھارت نے 271 رنز کا ہدف 40 ویں اوور میں صرف ایک وکٹ کے نقصان پر حاصل کر لیا۔ یشسوی جیسوال نے شاندار بیٹنگ کا مظاہرہ کرتے ہوئے 116 رنز کی ناقابل شکست اننگز کھیلی۔ ویرات کوہلی بھی بھرپور فارم میں دکھائی دیے اور 65 رنز ناٹ آؤٹ بنائے، جبکہ روہت شرما 75 رنز بنا کر آؤٹ ہوئے۔
یہ بھی پڑھیں: بنگلہ دیش نے بھارت کو شکست دے کر انڈر 19 ایشیا کپ کا ٹائٹل جیت لیا
جنوبی افریقا کی جانب سے واحد وکٹ کیشو مہاراج نے حاصل کی، بھارت کی کامیابی کے ساتھ 3 میچوں کی سیریز 1-2 سے میزبان ٹیم کے نام ہو گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت جنوبی افریقہ کرکٹ ون ڈے سیریز.
ذریعہ
ذریعہ: WE News
کلیدی لفظ: بھارت جنوبی افریقہ کرکٹ ون ڈے سیریز بھارت نے
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار