فرقہ وارانہ طاقتوں کےخلاف جنگ جاری رہےگی،ممتابنرجی
اشاعت کی تاریخ: 6th, December 2025 GMT
data-id="863a0a8" data-element_type="widget" data-widget_type="theme-post-content.default">
کولکاتا: مغربی بنگال کی وزیر اعلیٰ ممتا بنرجی نے ہفتہ کے روز ریاست کے عوام کو مضبوط پیغام دیتے ہوئے کہا ہے کہ نفرت پھیلانے والی فرقہ پرست قوتوں کے خلاف لڑائی جاری رہے گی اور ان کی حکومت آئینِ ہند کے اصولوں اور اقدار کے تحفظ و استحکام کے لیے پوری طرح پرعزم ہے۔
ترنمول کانگریس ہر سال 6 دسمبر کو “سَمہتی دیوس” (یومِ یکجہتی) کے طور پر مناتی ہے۔ یہ دن ایودھیا میں 1992 میں بابری مسجد کے انہدام کی یاد میں منایا جاتا ہے، جس کا مقصد بھائی چارے، امن اور سماجی ہم آہنگی کا پیغام عام کرنا ہے۔
وزیر اعلیٰ نے سماجی پلیٹ فارم ایکس پر لکھاکہ “اتحاد ہی طاقت ہے۔ سب کو ‘یومِ یکجہتی’ کی دلی مبارکباد۔ بنگال کی مٹی یکجہتی کی مٹی ہے، یہ رابندرناتھ، نظیرل، رام کرشن اور سوامی ویویکانند کی مٹی ہے۔ اس مٹی نے کبھی بھی نفرت کے آگے سر نہیں جھکایا اور نہ ہی جھکائے گی۔
ان کا یہ بیان ایسے وقت میں آیا ہے جب معطل شدہ ٹی ایم سی ایم ایل اے ہمایوں کبیر نے مرشد آباد کے بیلڈانگا میں ایک ایسی مسجد کی سنگِ بنیاد رکھنے کا اعلان کیا تھا جو ڈیزائن کے لحاظ سے بابری مسجد سے مشابہ ہو گی۔ یہ تقریب بھی 6 دسمبر کو ہی طے کی گئی تھی۔
ممتا بنرجی نے مزید کہاکہ ہندو، مسلم، سکھ، عیسائی، جین اور بدھ بنگال میں ہم سب شانہ بشانہ چلتے ہیں۔ ہم اپنی خوشیاں ایک دوسرے سے بانٹتے ہیں، کیونکہ ہر شخص کو اپنے مذہب کے مطابق عبادت کا حق ہے، مگر تہوار سب کے ہوتے ہیں۔
انہوں نے واضح کیا کہ ان کی حکومت ان تمام عناصر کے خلاف لڑتی رہے گی جو فرقہ واریت کو ہوا دے کر ملک کو کمزور کرتے ہیں۔
انہوں نے کہا کہ ہم ان تباہ کن قوتوں کے خلاف اپنی جدوجہد جاری رکھیں گے جو سماج میں نفرت کی آگ لگا رہی ہیں۔
ذریعہ: Jasarat News
پڑھیں:
مسجد نبوی میں روضہ رسولﷺ کی زیارت اور ریاض الجنہ کے نئے اوقات
data-id="863a0a8" data-element_type="widget" data-widget_type="theme-post-content.default">
مدینہ: مسجد نبوی میں روضہ رسول ﷺ کی زیارت اور ریاض الجنہ میں نوافل کی ادائیگی کے لیے نئے اوقات کار جاری کر دیے گئے ہیں۔
ادارہ امور حرمین شریفین کے مطابق مردوں کے لیے زیارت کا وقت شب 2 بجے سے نماز فجر تک اور دن میں 11 بجے سے عشاء تک ہوگا۔
خواتین کے لیے زیارت کا وقت فجر کے بعد سے دن 11 بجے اور عشاء کے بعد رات 2 بجے تک مقرر کیا گیا ہے۔
جمعہ کے دن مرد زائرین نماز جمعہ کے بعد سے عشاء تک زیارت کر سکیں گے، جبکہ خواتین کے لیے یہ وقت فجر کے بعد سے صبح 9 بجے تک محدود رہے گا۔
ایران نے اسمگل شدہ ایندھن لے جانے والے جنوبی افریقی جہاز قبضے میں لے لیا