اداروں میں ٹکراؤ افسوس ناک ہے، مسائل کا حل مل بیٹھ کر نکالنا ہوگا، شاہد خاقان عباسی
اشاعت کی تاریخ: 7th, December 2025 GMT
عوامِ پاکستان کے سربراہ اور سابق وزیرِ اعظم شاہد خاقان عباسی نے کہا ہے کہ یہ ملک کے لیے نہایت افسوس ناک صورتحال ہے کہ ریاستی ادارے ایک دوسرے کے مقابل کھڑے ہیں اور ماحول میں نفرت بڑھ رہی ہے۔
پشاور پریس کلب میں پارٹی کی رکنیت سازی مہم سے خطاب کرتے ہوئے انہوں نے آئین میں ہونے والی 26 ویں اور 27 ویں ترامیم کو ملکی تاریخ پر “سیاہ دھبہ” قرار دیا۔ ان کا کہنا تھا کہ آئین میں تبدیلیاں کبھی ذاتی فائدے کے لیے نہیں ہوتیں بلکہ قومی مفاد کے لیے کی جاتی ہیں۔
شاہد خاقان عباسی نے کہا کہ ان کی سیاست کا مقصد عہدہ حاصل کرنا نہیں بلکہ ملک کی ترقی اور عوام کی فلاح ہے۔
انہوں نے واضح کیا کہ ملک اس وقت اسی لیے مسائل میں مبتلا ہے کیونکہ قانون اور آئین سے انحراف معمول بن چکا ہے، اور نوجوانوں کے مستقبل کی کسی کو فکر نہیں۔
ان کا کہنا تھا کہ سیاسی عدم استحکام کے بغیر معیشت بہتر نہیں ہوسکتی، اور بدقسمتی سے آج یہ صورتحال پیدا ہو گئی ہے کہ ادارے ایک دوسرے کے خلاف کھڑے ہیں، گالم گلوچ اور نفرت سے مسائل بڑھتے ہیں کم نہیں ہوتے۔
انہوں نے کہا کہ:”ہم کسی کو گالی نہیں دیتے، ہم جوڑنے کی بات کرتے ہیں۔ اگر آج سب نے اپنا کردار ادا نہ کیا تو کل صرف پچھتاوا رہ جائے گا۔”
شاہد خاقان عباسی نے واضح کیا کہ وہ کسی طاقت کا سہارا لے کر نہیں بلکہ عوامی حمایت سے آگے آنا چاہتے ہیں۔ انہوں نے کہا کہ ملک میں ایک دوسرے پر الزامات لگانے سے مسائل حل نہیں ہوتے۔
گورنر راج کی چہ مگوئیوں پر بات کرتے ہوئے انہوں نے کہا کہ اگر خیبر پختون خوا میں اس کی گنجائش ہے تو ہر صوبے میں ہے، مگر اصل مسئلہ اختیارات کی ہوس ہے—اگر کرسی کی خواہش چھوڑ دی جائے تو بہت سے مسائل خود ہی حل ہو جائیں۔
انہوں نے مزید کہا کہ مسلم لیگ (ن) سے علیحدگی اسی وقت ہوئی جب جماعت نے “ووٹ کو عزت دو” کے اصول سے پیچھے ہٹنے کا فیصلہ کیا۔
شاہد خاقان عباسی نے کہا کہ سیاسی جماعتیں واٹس ایپ گروپس سے نہیں چل سکتیں، آئینی ترمیم ہمیشہ عوامی مفاد میں ہونی چاہیے۔
آخر میں افغانستان سے متعلق گفتگو کرتے ہوئے ان کا کہنا تھا کہ پاکستان کو اپنی سرحدوں کا ہر صورت دفاع کرنا ہے:
اگر وہاں سے جارحیت ہو تو اس کا جواب ضرور دیا جائے گا، خاموش رہنے کا کوئی آپشن نہیں۔”
ذریعہ
ذریعہ: Daily Mumtaz
کلیدی لفظ: شاہد خاقان عباسی نے نے کہا کہ انہوں نے
پڑھیں:
پاکستان ویسٹ انڈیز ٹیسٹ سیریز کی ٹرافی کی رونمائی، پہلا میچ کل سے شروع ہوگا
پاکستان اور ویسٹ انڈیز کے درمیان 2 ٹیسٹ میچوں پر مشتمل سیریز کی ٹرافی کی باضابطہ رونمائی کر دی گئی۔
پاکستانی ٹیم کے کپتان بابر اعظم اور ویسٹ انڈیز کے کپتان روومن پاول نے مشترکہ طور پر سیریز کی ٹرافی کی نقاب کشائی کی۔ تقریب ٹرینیڈاڈ میں واقع برائن لارا کرکٹ اکیڈمی میں منعقد ہوئی، جہاں دونوں کپتانوں نے ٹرافی کے ساتھ تصاویر بھی بنوائیں۔
پاکستان ویسٹ انڈیز ٹیسٹ سیریز
پاکستان اور ویسٹ انڈیز ٹیسٹ سیریز کے ٹرافی کی رونمائی کر دی گئی
کپتان بابر اعظم اور ویسٹ انڈیز کے کپتان روسٹن چیز نے ٹیسٹ سیریز کے ٹرافی کی رونمائی کی
ٹرافی کی رونمائی برائن لارا کرکٹ اکیڈمی میں کی گئی
دونوں ٹیموں کے درمیان پہلا ٹیسٹ میچ 25… pic.twitter.com/jw64f4bqZp
— PCB Media (@TheRealPCBMedia) July 24, 2026
پاکستان اور ویسٹ انڈیز کے درمیان ٹیسٹ سیریز کا پہلا میچ 25 جولائی سے شروع ہوگا۔ دونوں ٹیمیں سیریز کے آغاز سے قبل اپنی تیاریوں کو حتمی شکل دے رہی ہیں اور شائقین کو دلچسپ مقابلوں کی توقع ہے۔
کرکٹ ماہرین کے مطابق دونوں ٹیموں کے درمیان ٹیسٹ سیریز نہ صرف آئی سی سی ورلڈ ٹیسٹ چیمپئن شپ کے تناظر میں اہمیت رکھتی ہے بلکہ نوجوان اور تجربہ کار کھلاڑیوں کی کارکردگی بھی شائقین کی توجہ کا مرکز رہے گی۔ پاکستانی ٹیم سیریز میں عمدہ آغاز کرتے ہوئے ویسٹ انڈیز کی سرزمین پر کامیابی حاصل کرنے کے لیے پرعزم ہے، جبکہ میزبان ٹیم بھی ہوم گراؤنڈ کا بھرپور فائدہ اٹھانے کی کوشش کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برائن لارا پاکستان ٹرافی ٹیسٹ سیریز ویسٹ انڈیز
بھارت سے جنگ اور افغانستان میں کارروائی خارج ازامکان نہیں، وزیردفاع