حیدرآباد چیمبر آف اسمال ٹریڈرز کے نائب صدر کا ایس اے بی ایس یونیورسٹی کا دورہ
اشاعت کی تاریخ: 8th, December 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر)حیدرآباد چیمبر آف اسمال ٹریڈرز اینڈ اسمال انڈسٹری کے نائب صدر شان سہگل نے جامشورو میں SABS یونیورسٹی آف آرٹ، ڈیزائن اینڈ ہیریٹیج کے 19ویں ڈگری شو سالانہ تھیسس ڈسپلے/نمائش کا دورہ کیا۔ اس موقع پر انہوں نے طلبہ سے ملاقات کے دوران زور دیا کہ وہ اپنے کاروبار ایف بی آر کے ساتھ رجسٹر کروائیں اور چیمبر کی رجسٹریشن حاصل کر کے اپنے کاروبار کے فروغ کے لیے مواقع حاصل کریں۔ شان سہگل نے کہا کہ یہ اقدامات طلبہ کی کاروباری ساکھ کو مضبوط بناتے ہیں اور انہیں مستقبل میں بڑے کاروباری مواقع تک رسائی فراہم کرتے ہیں۔نمائش کے دوران 101 طلبہ نے اپنے آرٹ ورک اور تھیسس پروجیکٹس پیش کیے، جن میں 37 آرکیٹیکچر، 27 فائن آرٹس، 21 ٹیکسٹائل ڈیزائن اور 19 کمیونیکیشن ڈیزائن کے طلبہ شامل تھے۔ انہوں نے کہا کہ طلبہ نے تخلیقی صلاحیتوں کا عملی مظاہرہ کرتے ہوئے مختلف موضوعات پر کام پیش کیا، جن میں ثقافتی شناخت، سماجی ابلاغ، مواد کی تبدیلی، آرٹ اور ٹیکنالوجی کے امتزاج، اور جدید عمارتوں اور کمیونٹی اسپیسز کی ڈیزائننگ شامل تھی۔انہوں نے بہترین نمائش کے انعقاد پر وائس چانسلر SABS یونیورسٹی پروفیسر ڈاکٹر عربیلا بھٹو اور ان کی پوری ٹیم کو مبارکباد دی اور کہا کہ طلبہ کا آرٹ ورک نہ صرف ان کی تخلیقی صلاحیتوں کی عکاسی کرتا ہے بلکہ یہ ملک کے نرم اور مثبت امیج کو بھی اجاگر کرتا ہے۔ نائب صدر چیمبر شان سہگل نے اس موقع پر طلبہ کو ہدایت دی کہ وہ اپنی تخلیقی صلاحیتوں کو کاروباری مواقع میں تبدیل کریں اور چیمبر کے پلیٹ فارم سے مستفید رہیں تاکہ وہ اپنی کاروباری شناخت مضبوط کریں ۔
ذریعہ
ذریعہ: Jasarat News
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
پاکستان نے ورلڈ کپ 2028 کیلیے براہ راست کوالیفائی کر لیا