قال اللہ تعالیٰ وقال رسول اللہﷺ
اشاعت کی تاریخ: 8th, December 2025 GMT
data-id="863a0a8" data-element_type="widget" data-widget_type="theme-post-content.default">
251208-03-1
وہ آمنے سامنے بچھے ہوئے تختوں پر تکیے لگائے بیٹھے ہوں گے اور ہم خوبصورت آنکھوں والی حوریں اْن سے بیاہ دیں گے۔ جو لوگ ایمان لائے ہیں اور اْن کی اولاد بھی کسی درجہ ایمان میں ان کے نقش قدم پر چلی ہے ان کی اْس اولاد کو بھی ہم (جنت میں) اْن کے ساتھ ملا دیں گے اور اْن کے عمل میں کوئی گھاٹا ان کو نہ دیں گے ہر شخص اپنے کسب کے عوض رہن ہے۔ ہم اْن کو ہر طرح کے پھل اور گوشت، جس چیز کو بھی ان کا جی چاہے گا، خوب دیے چلے جائیں گے۔ (سورۃ الطور:20تا22)
سیدنا رافعؓ کہتے ہیں میں جمعہ پڑھنے جارہا تھا راستے میں سیدنا ابو عبسؓ مجھ سے ملے، انہوں نے کہا میں نے نبی کریم صلی اللہ علیہ وسلم سے سنا کہ: ’’اللہ کی راہ میں جس کے پاؤں غبار آلود ہوئے تو اللہ اس کو دوزخ پر حرام کردے گا۔ (گویا کہ انہوں نے اس کو اللہ تعالیٰ کے راستے میں چلنا قرار دیا) (بخاری)٭سرور عالمؐ نے ارشاد فرمایا: جو کوئی کسی مسلمان کی آبروریزی کرے گا تو اس پر اللہ تعالیٰ فرشتوں اور تمام لوگوں کی لعنت ہے ایسے شخص کی نفل عبادت قبول ہے اور نہ ہی فرض۔ (بخاری)
ذریعہ
ذریعہ: Jasarat News
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار