’تھری ایڈیٹس‘ کے سیکوئل کی تیاری جاری، عامر خان سمیت پہلے پارٹ کے کتنے اداکار فلم کا حصہ ہوں گے؟
اشاعت کی تاریخ: 9th, December 2025 GMT
بالی ووڈ کے معروف اداکار عامر خان اور فلمساز راج کمار ہیرانی دوبارہ ساتھ کام کرنے جا رہے ہیں۔ رپورٹس کے مطابق دونوں کی مشہور فلم تھری ایڈیٹس کا سیکوئل تیار ہو رہا ہے جس میں عامر خان کے ساتھ کرینہ کپور، آر مادھوان اور شرمن جوشی ایک بار پھر اپنے یادگار کرداروں میں نظر آئیں گے۔
یہ سیکوئل پہلے فلم کے اختتام کے 15 سال بعد کے حالات پر مبنی ہوگا، جب کردار اپنی اپنی زندگیوں میں بٹ چکے ہوں گے۔ ذرائع کے مطابق راج کمار ہیرانی نے سیکوئل کے اسکرپٹ کو حتمی شکل دے دی ہے اور ٹیم کا کہنا ہے کہ یہ پہلے حصے کی طرح مزاح اور جذبات سے بھرپور ہے۔ اس فلم کی کہانی پہلی فلم کی یادگار لائنوں اور کرداروں کو برقرار رکھتے ہوئے آگے بڑھائی جائے گی۔
یہ بھی پڑھیں: دو خان آمنے سامنے: ’یہ چھچھورا پن ہے‘، شاہ رخ خان کی اس بات پر عامر خان نے کیا جواب دیا؟
تھری ایڈیٹس کی پہلی فلم 2009 میں ریلیز ہوئی تھی اور اسے راج کمار ہیرانی اور ابھیجت جوشی نے مل کر لکھا تھا۔ اس کی پروڈکشن ویدھو چوپڑا فلمز نے کی تھی۔
اس کے علاوہ راج کمار ہیرانی جوشی اور ویدھو ونود چوپڑا منا بھائی فرنچائز کے تیسرے حصے پر بھی کام کر رہے ہیں جس میں سنجے دت اور ارشد وارسی مرکزی کردار ادا کریں گے، فلم کب ریلیز ہو گی اس کے حوالے سے کوئی باضابطہ اعلان نہیں کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
3 ایڈیٹس بالی ووڈ تھری ایڈیٹس عامر خان.ذریعہ: WE News
کلیدی لفظ: 3 ایڈیٹس بالی ووڈ تھری ایڈیٹس راج کمار ہیرانی
پڑھیں:
فلم ’قیامت سے قیامت تک‘ کے بعد اپنے کام سے خوش نہیں تھا، لگا کیریئر ختم ہو گیا: عامر خان
بالی ووڈ کے مسٹر پرفیکشنسٹ عامر خان نے اپنے کیریئر کے ابتدائی دور کے اُن مشکل لمحوں کا انکشاف کیا ہے جنہوں نے ناصرف انہیں مایوس کیا بلکہ فلمی دنیا چھوڑنے پر بھی مجبور کر دیا تھا۔
بھارتی میڈیا کے مطابق ایک تقریب میں گفتگو کے دوران عامر خان نے اپنی فلم ’قیامت سے قیامت تک‘ کی بلاک بسٹر کامیابی کے بعد پیش آنے والے چیلنجز کا کھل کر اعتراف کیا اور کہا کہ ’قیامت سے قیامت تک‘ بہت بڑی ہٹ فلم تھی، جس نے مجھے راتوں رات اسٹار بنا دیا تھا مگر اس کے بعد جن ڈائریکٹرز کے ساتھ کام کرنا چاہتا تھا، اُن کی طرف سے کوئی آفر نہیں آئی۔
انہوں نے بتایا کہ اُس دور میں ہر طرف سے فلموں کی آفرز آنے لگیں اور میں نے بھی یہ سوچ کر کئی فلمیں سائن کر لیں کہ اگر لوگ ایک وقت میں 30، 40 فلمیں کر سکتے ہیں تو میں بھی 8 سے 10 فلمیں تو کر ہی سکتا ہوں، لیکن جلد ہی مجھے اندازہ ہو گیا کہ یہ فیصلہ بڑا نقصان دہ ثابت ہو گا۔
عامر خان کا کہنا ہے کہ متعدد فلموں پر بیک وقت کام کرنا میری فطرت میں نہیں تھا اور یہی میرے مسائل کی شروعات تھی، جس کی وجہ سے میری ایک کے بعد ایک فلم فلاپ ہونے لگی، مجھے ’ون فلم ونڈر‘ کہا جانے لگا اور ٹھیک ہی کہا جاتا تھا۔
عامر نے اعتراف کیا کہ میں ہر شام گھر آ کر رویا کرتا تھا کیونکہ باقی فلموں کی حالت بھی مجھے پہلے سے پتہ تھی، مجھے لگا میں ڈوب گیا ہوں، جس کے بعد میں نے خود سے وعدہ کیا کہ اب کبھی بھی اپنے کام سے سمجھوتا نہیں کروں گا۔
1990ء میں فلم ’دل‘ نے عامر خان کی ڈگر تبدیل کی، پھر اسی دہائی میں فلم ’راجہ ہندوستانی‘ اور ’سرفروش‘ جیسی بڑی ہِٹ فلموں نے انہیں ایک نئی شناخت دی۔
بعد ازاں ’گجنی‘، ’تھری ایڈیٹس‘، ’پی کے‘ اور ’دنگل‘ جیسی ریکارڈ توڑ فلموں نے اُنہیں ہندوستانی سنیما کا لازوال اسٹار بنا دیا، فلم ’دنگل‘ آج بھی بھارت کی سب سے زیادہ کمائی کرنے والی فلم ہے۔
عامر خان کے مطابق ناکامیوں نے مجھے فیصلہ سازی میں صاف گوئی سکھائی، ایک ایسا اصول جو آج میری پہچان بن چکا ہے۔
عامر خان کی حالیہ فلم ’ستارے زمین پر‘ نے دنیا بھر میں 200 کروڑ روپے کا بزنس کیا، آر ایس پرسنا کی ہدایت کاری میں بننے والی اس فلم میں جینیلیا ڈی سوزا نے بھی اداکاری کے جلوے دکھائے ہیں، فلم نے سنیما کے بعد براہِ راست یوٹیوب ریلیز کا راستہ اختیار کیا اور او ٹی ٹی پلیٹ فارمز کو بائی پاس کیا۔
عامر خان کا سفر اس بات کا ثبوت ہے کہ ناکامی ہی اصل کامیابی کی بنیاد بن سکتی ہے بشرطیکہ انسان اپنے کام سے سمجھوتا نہ کرے۔
مرتضیٰ بھٹو قتل کیس، عدالت کی اپیل میں درست دستاویزات منسلک کرنے کی ہدایت