دہشتگردی میں ملوث سوشل میڈیا اکاؤنٹس فوراً بند کریں، پاکستان کا کمپنیوں سے مطالبہ
اشاعت کی تاریخ: 11th, December 2025 GMT
سٹی42: بھارت اور افغانستان سے آپریٹ ہونے والے اکاونٹس کی تفصیلات میڈیا کو فراہم کر دی گئیں . تمام سوشل میڈیا کمپنیوں سے کہا گیا ہے کہ ان اکاؤنٹس کو فوراً بند کریں۔ یہ بات وزیر مملکت برائے داخلہ طلال چوہدری نے آج بتائی ہے۔
طلال چوہدری نے بتایا کہ پاکستان میں دہشتگردی سے متعلق اکاونٹس افغانستان اور بھارت سے آپریٹ ہوتے ہیں اور ہمارے پاس اس کا ثبوت موجود ہے ،طلال چوہدری نے مزید کہا، ہم قانونی تقاضے پورے نہ کرنے والے سوشل میڈیا پلیٹ فارمز کو فوری طور پر پاکستان میں بند نہیں کرنا چاہتے۔ سوشل میڈیا پلیٹ فارمز قانونی تقاضوں کے مطابق اپنے دفاتر پاکستان میں کھولیں۔
باغبان پورہ کی خواتین نے بلاول سے سیاست چھڑوا دی، اسکے بعد کیا باتیں ہوئیں؟ دلچسپ رپورٹ
اسلام آباد میں صحافیوں سے غیر رسمی گفتگو کرتے ہوئے وزیر مملکت برائے داخلہ طلال چوہدری نے کہا، ہم نے سوشل میڈیا پلیٹ فارمز سے کہا ہے کہ پاکستان میں سوشل میڈیا کے اکاؤنٹس، جو دہشتگردی میں استعمال ہو رہے ہیں، ان کے خلاف فوری ایکشن لیا جائے۔
وزیر مملکت نے بتایا کہ سوشل میڈیا پلیٹ فارمز سے بارہا درخواست کی گئی یے کہ ان اکاونٹس کے خلاف کاروائی کی جائے۔
فتنہ الخوارج ،بی ایل اے اور دیگر دہشتگرد تنظیموں کے درجنوں سوشل میڈیا اکاونٹس کی نشاندہی کی گئی ہے اور سوشل میڈیا پلیٹ فارمز کو ان اکاونٹس کی بندش کے حوالے سے درخواست کی گئی ہے۔
وزیراعظم کی خصوصی ہدایت پر فلسطینیوں کیلئے 100 ٹن امدادی سامان روانہ
طلال چوہدری نے بتایا کہ سوشل میڈیا پلیٹ فارمز میں سے حکومت پاکستان کے ساتھ سب سے کم تعاون ایکس نے کیا ہے۔ حکومت پاکستان سے سب سے بہتر تعاون ٹیلی گرام کا رہا ہے ۔
طلال چوہدری نے سوشل میڈیا پلیٹ فارمز سے فوری طور پر پاکستان میں اپنے دفاتر کھولنے کا مطالبہ کیا اور کہا کہ تمام سوشل میدیا کمپنیوں کو فوری طور پر اپنے دفاتر پاکستان میں کھولنا چاہیئے۔
ایک سیاسی جماعت سیاسی دجال کا کام کر رہی ہے; بلاول بھٹو زرداری
اس کےساتھ طلال چوہدری نے بتایا کہ سوشل میڈیا کمپنیوں سے کہا ہے کہ اے آئی ایلگوریتھم کے ذریعے سوشل میڈیا پر دہشتگردی سے منسلک پائے جانے والے تمام اکاونٹس کو فوری طور پر بند کیا جائے۔ ہمارے اداروں کو آئی پی ایڈریس فراہم کیے جائیں اور پاکستان کے سوشل میڈیا سے متعلق قوانین پر عمل درآمد کیا جائے ۔
اس موقع پر بیرسٹر عقیل نے بھی میڈیا کے نمائندوں سے بات کی، انہوں نے کہا، برازیل میں ایکس پر جرمانے سے متعلق مثال موجود ہے،ہمارے ملک میں موجود سوشل میڈیا قانون پر عمل ہونا چاہیے.
جعلی ڈگریوں کا ملک گیر نیٹ ورک بے نقاب، 10 لاکھ سے زائد افراد کو جعلی ڈگریاں دینے کا انکشاف
صورتحال
بھارت اور افغانستان سے آپریٹ کئے جا رہے سینکڑوں اور ہزاروں سوشل میڈیا اکاؤنٹس سے دن رات پاکستان کے خلاف زہریلا پروپیگنڈا کیا جا رہا ہے اور پاکستان کے شہریوں خصوصاً بچوں اور نوجوانوں کو پاکستان کے خلاف گمراہ کر کے بھڑکایا جا رہا ہے۔
پاکستان مین چھپ کر وار کرنے والے دہشت گرد گروہ سوشل میڈیا کو پروپیگنڈا، بھرتی، بنیاد پرستی، مواصلات، لاجسٹکس اور فنڈ ریزنگ کے لیے بہت زیادہ استعمال کرتے ہیں۔ فیس بک، ٹویٹر، یوٹیوب اور ٹیلیگرام جیسے پلیٹ فارمز کا استعمال کرتے ہوئے اپنا مذموم، گمراہ کن نام نہاد نظریہ پھیلانے۔ دہشتگردوں کی طرف سے گمراہ ہو جانے والے بچوں اور اپنے حامیوں سے رابطہ قائم کرنے اور عالمی سطح پر سرگرمیوں کو مربوط کرنے کے لیے، سوشل میدیا پلیت فارمز کو بے دریغ استعمال کیا جا رہا ہے۔
جاپان؛ ایک بار پھر زلزلے کے شدید جھٹکے
پاکستان کی حکومت کی جانب سے گمراہی پھیلانے اور دہشتگردی کی حمایت کرنے والے اکاؤنٹس اور مواد کو ہٹانے کی جاری کوششوں کے باوجود یہ کام دھڑلے سے جاری ہے۔ فتنہ الخوارج اور بلوچوں کے نام سے دہشتگردی کرنے والے گروہ خاص طور پپر پاکستان کے خلاف جنگ کے لیے سوشل میڈیا پر انحصار کرتے ہیں، جو اسے انتہا پسند تحریکوں کے لیے معصوم پاکستانی نوجوانوں تک پہنچنے اور خوف پھیلانے کے لیے ایک اہم ذریعہ بناتے ہیں۔
پاکستان کی حکومت مسلسل کوشش کر رہی ہے لیکن اس سنگین مسئلہ کا تدارک اب تک برائے نام ہو سکا ہے۔
ذریعہ
ذریعہ: City 42
کلیدی لفظ: سوشل میڈیا پلیٹ فارمز طلال چوہدری نے پاکستان میں فوری طور پر نے بتایا کہ پاکستان کے کرنے والے کے خلاف کیا جا رہا ہے کے لیے
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار