مولانا فضل الرحمن 21دسمبر سے 4روزہ دورے پر سندھ پہنچیں گے
اشاعت کی تاریخ: 12th, December 2025 GMT
data-id="863a0a8" data-element_type="widget" data-widget_type="theme-post-content.default">
جیکب آباد (نمائندہ جسارت)جے یو آئی کے سربراہ، ممتاز اسکالر، اور معروف سیاستدان مولانا فضل الرحمان 21 ڈسمبر سے سندھ کا 4 روزہ دورہ کرینگے، جے یو آئی سندھ کے قائد، علامہ راشد محمود سومرو انکے ساتھ ہونگے۔تفصیلات کے مطابق، جمعیت علماء اسلام سندھ کے پریس سیکریٹری ڈاکٹر اے جی انصاری نے کہا ہے کہ جے یو آئی کے سربراہ ممتاز سیاسی، اور مذہبی اسکالر مولانا فضل الرحمان 21 ڈسمبر کو لیاری کراچی میں ایک تاریخی اور اہم ختم بخاری کے پروگرام میں شرکت کریں گے۔ اس پروگرام میں بڑی تعداد میں علما، مشائخ، اور عوام شریک ہوں گے، جہاں مولانا فضل الرحمان اپنے مخصوص انداز میں خطبہ دیں گے اور اہم دینی مسائل پر روشنی ڈالیں گے۔23 ڈسمبر کو قائد جمعیت گلشن شہید لاڑکانہ میں قائد لاڑکانہ علامہ ناصر محمود سومرو کی نگرانی میں ایک شاندار ختم بخاری کی تقریب میں شرکت کریں گے، جس میں دینی روایات اور دین کے حوالے سے گرانقدر خطاب کیا جائے گا۔ اس موقع پر محفل میں علما کرام اور حفاظ کی دستار بندی کی جائے گی، جو اس دن کی اہمیت کو مزید بڑھا دے گی جبکہ 24 ڈسمبر کو جامع منزل گاہ سکھر میں جے یو آئی کے مرکزی ناظم مفتی سعود افضل ہالیجوی کی نگرانی میں ہونے والے ایک عظیم الشان تحفظ مدارس کانفرنس کا انعقاد کیا جائے گا، جہاں مولانا فضل الرحمان اپنے خطاب میں مدارس کے تحفظ کی اہمیت پر زور دیں گے اور ملکی و عالمی سطح پر مدارس کی اہمیت کے بارے میں بات کریں گے۔ اس کانفرنس میں علماء ، مشائخ، اور دینی تنظیموں کے نمائندگان کی بڑی تعداد شریک ہو گی۔جے یو آئی سندھ کیقائد علامہ راشد محمود سومرو نے اس پورے دورے کو کامیاب بنانے کے لیے ہدایات جاری کردیں ہیں،وہ پروگرامز کے انتظامات کی نگرانی کر رہے ہیں۔ ان تمام پروگراموں میں علماء کرام اور حفاظ کی دستار بندی کی جائے گی، جو اس دورے کی خاص بات ہو گی اور سندھ بھر میں دینی جوش و جذبہ پیدا کرے گی۔مولانا فضل الرحمان کے اس دورے کے ذریعے سندھ میں دینی روایات، مدارس کے تحفظ، اور اسلامی تعلیمات کی اہمیت کو اجاگر کرنے کی کوشش کی جائے گی، جس کا مقصد دینی حلقوں میں اتحاد اور امن کا پیغام دینا ہے۔
ذریعہ: Jasarat News
کلیدی لفظ: مولانا فضل الرحمان جے یو ا ئی کی اہمیت
پڑھیں:
صدرِ مملکت آصف زرداری آج لاہور پہنچیں گے، دو روزہ قیام متوقع
صدرِ مملکت آصف علی زرداری آج لاہور پہنچیں گے۔ذرائع کے مطابق آصف علی زرداری اپنے دورۂ لاہور کے دوران رکنِ قومی اسمبلی ثمینہ گھرکی کی رہائش گاہ پر جائیں گے جہاں وہ کچھ وقت قیام کے بعد بلاول ہاؤس روانہ ہوں گے۔ذرائع کا کہنا ہے کہ آصف علی زرداری کا لاہور میں تقریباً دو روز قیام متوقع ہے جبکہ پیپلز پارٹی کے چیئرمین بلاول بھٹو زرداری پہلے ہی لاہور میں موجود ہیں جس کے باعث پارٹی سرگرمیوں میں اہم ملاقاتوں اور مشاورت کا سلسلہ جاری رہنے کا امکان ظاہر کیا جا رہا ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر